終於有一晚,我同佢見返面,
因為佢好耐都冇報更,
我都問佢係唔係去左第二度做,
佢都答我"係",雖然返工見唔到佢,
但可以見返佢笑容,

一星期既辛勞,怨氣...都一一消失哂,

個晚我約左朋友大家就去caffec,剛好我都whatsapp佢,
我同朋友一齊玩遊戲,佢都話要join我地帯地朋友,(其實大家都識)
佢地到左後,我地都問佢想玩咩,
佢竟然答"我想扔標"
我地都好驚訝"下?!"
之後就決定坐低玩一陣先去邊,

玩到差不多1:45am,我地就問佢你想去邊,
一開始係想去我去開既酒吧,最終都去佢去既酒吧,
我地到達後就開始扔,而我都教佢,
整個過程都好開心,

大約3:30am左右,扔完標就同佢一齊去廁所,
當我有冇目標時,佢答"我唔知"後再反問我,
我答"唔想再拍拖",佢就問"點解?"
我就細細聲同佢講:如果我同你講我一些都唔鍾意男人呢?"
佢就立即問我"真架?"

玩到幾點,,,就忘了...

但我有少少印象...我有同佢講"我有鍾意過你"

你每一次返工,我都希望能同你一齊,
有粗重野我可以第一時間幫你,
每一次收工,都想同你一齊換衫,
不過每一次你都選擇同你朋友一齊,

有一次放工,當我以為你仍然選擇同朋友一齊時,
你突然主動問我"你係唔係都搞掂?"
我點頭回應你
"咁我同你一齊去換衫~"
個一刻真係好似中獎一樣~

之後我同你換完後,仲同你一齊上返去B2,
當我見到你係另一出口走時,
我即去第二個出口等你,

當到拍卡門口,我都希望能見多你一眼,
正正點火一刻,你就搶去我口中的煙,
這刻我見到你,不禁笑一笑
"你去邊度搭車?"著急地問你
當你答"旺角,咁你呢?"
我好"自然"都答你"咁一齊啊~"

其實...我只希望每一次都能你一齊,
即使搭既車係相反方向,我都只係想係你身邊,

因為依家既我,一定不能你一齊,
所以我希望能珍惜同你一齊既時光...

 新年係大家最期待~
因為可以收到利是~~

但對公司黎講...就係流失人才...
今年走三個...仲要係有一個副經理...
雖然以前我好憎佢,
但當我做左一年都明白佢所做既事,,,

有一次我終於忍唔住,做做下好想喊...
而副經理佢收左工,就問我"可以借5分鐘同佢傾計"
我點左頭回應後,就入經理室傾計,
佢一問我咩事,我眼淚就開始出黎......
個一晚係我長期累積既壓力爆出黎...

佢同我傾左好多野,
聽完佢講既野,我先發現到,
原來大家情況都差唔多,
"又係呢個年齡入黎做"
"做野開始慢慢變到好執著,而搞到自己唔開心"
"有人唔做野變成自己要做唒"
"係度做其實冇前景"
個一晚係我入左黎一年,同佢傾計係最長時間,
都係我最大得益,

呢次對話係我返工咁耐,
我對佢另眼相看,
都多謝佢呢一次同我既"對話"

我決定放下某些事...
 

 情人節係同你最愛既人一齊,
都係最值得紀念既日子,
我雖然冇情人,但....
今日可以同我最鍾意既人一齊渡過~~

我地去左AIA環球嘉年華玩~
大約3:45pm就到~
比以前小好多~
一入去,我已經玩唒金幣~~
但佢就唔玩,就俾左我玩,
其實我想中佢一直鍾意既公仔...
但我一直都中唔到.....

到大約4:45pm左右就離開左,
就去銅鑼灣食大喜屋~
原本食完就搵佢朋友去蘭桂坊飲野~
不過佢因為要睇埋煙花先去到,

即係要等到12:00am先走得,
我同佢都等唔到佢太耐,決定都係返屋企先~~


但今日只得我同佢...
我今日真係好幸福...

 

1月7日,約返我既中學好姐妹,
雖然唔係全日一齊,
但僅僅只有一晚,
我的心已經好溫暖~~~

個晚傾左好多野,
都食到我地兩個人好飽~~
之後我地就行一陣街,慢慢消化,
不經不覺,已十點左右,
我地就買甜品結束我地既夜晚...


我地下一次見面,
係2月14日嗎??