今日係老公仔的牛一呢~~!!生日快樂呀~~!!^^"

終於同我一樣大喇...要生性呀~要好似我咁成熟呀...知冇??

不過我今日要返去做苦力呀...所以陪唔到佢慶祝喇...對唔住呀~!!

不過lunchtime我同佢一齊食...哈哈~!!

佢今日又遲到喇...明知時間有限都遲到,掛住睇電視...

喂,你唔好以為生日真係大晒啵...!!=="

今日老公著恤衫...好型仔呢~~好喜歡佢啊...>３<"

我地又去左仙桃源食~其實我都幾中2呢間野架...因為有d好特別既野飲~又唔係話好貴啵~

今日我請老公仔食...好少可呀可~??哈哈~好好珍惜下啦你~!!呵呵....

我因為貪特別,叫左杯芒果紅茶飲...好怪呀d味...勸大家都係唔好貪新鮮喇...>﹏<"

食完野已經差唔多2點lu...oh~不過我地照去library...wakakaka~

好快我就揀好左3本書,但係還果條隊好長啊...結果我今日係遲到左10多分鐘既,,,

今日返去果陣已經遲左15min lu~lunchtime又遲...

不過都冇人鬧既...算啦~哈~!!

係lift度差d比老公仔壓死...佢仲係咁搞我個肚...

哼!!成日係度欺負我~!!

返到去,我係2樓搞掂晒就落返1樓做野lu。

1樓雖然有冷氣,但係冇歌仔聽ar...同埋呢~~d冷氣真係好鬼凍!!!

好在"大耳"(唔知佢個名點寫...)借左佢件褸比我咋...thx!!

不過當我著住呢件大褸去2樓,就比人以為我發冷...

may姐:"嘩~!!你流鼻水牙~??"

我:"唔係呀...個鼻痕姐.." ____哈哈~!

阿姨:"嘩~你唔熱架咩???!!"

我:"唔係呀...不過樓下真係好凍啊..."

變態的溫差啊~!!係1樓我好掛住2樓d歌呀...

特別係呢2日成日播既"letｉｔflow","感動","愛與被愛","墨爾本的翡翠"etc...

不過我都係中2 1樓多d...因為得李生睇住,同埋冇乜爛仔入黎~!!

雖然都係做餐死,彎到腰都直唔返。。。

不過呢度冇文英姐呀...雖然文英姐係好好人,但係佢太錫我喇,咩都唔比做...

係1樓我可以咩都做下...哈哈~原來我都可以同d阿姨一樣做得咁好ga!!!

阿英仲以為我係度做左好耐...哈~其實我同佢1一樣,4日咋~!!!

係咪我表現得太熟手呢~??wakakaka!!!

臨走之前果半個鐘,d阿姨又問我會考d野喇...又講讀書有幾重要...

唉~~~搞到我又好擔心9/8...我知道一定死梗...

講咩都冇用,諗咩都冇用,驚黎都冇用啦...唉~~~

走之前問下大耳走未,佢同我係1樓少有既2位18歲以下既年青人喔~~

所以得我同佢放5點半...點知佢仲要幫手做埋d野...

我唯有去2樓換3先啦...今日好似冇乜見到阿樂佢地...只係見過1次,佢問我係咪落一樓做野,之後都唔覺佢既存在lu...究竟佢地係邊度做野ga??

淨係見到d平時唔出聲果個男仔同佢d fd,一d未見過既人<可能只係我唔認得佢地...>,肥恆同表哥個表弟,仲有個紋身人...

換完3先見到carman同佢個fd...

唉~~表哥今日又唔返喇。。。=="

還返件3比大耳...佢又輕挑地問我做咩唔等埋佢...傻的~!!玩夠喇~!!!

不過算啦~之後我都唔會有機會聽佢講露骨說話了...

換完3發覺唔見左部打卡機...又唔走得...

同老公仔傾電話,等部機返黎...(?)

等左好耐都冇,家榮問我係咪做到唔捨得走...好o咀囉...=="

之後carman話原來部野壞左冇得打...激死~!!!

即刻走...等巴士等了很久。。。好支力呢。。。

結果係巴士上中下中下,仲有少許頭暈~~~~~~

係lift度見到個阿姨~同佢傾左2句,之後有個唔識既阿姨又同我傾計...

呢排好似成日搭lift都同d唔識既人傾計咁既...

我仲好有禮貌地同佢講bye bye...哈哈!!

呢排好有阿姨阿叔運呢~~~仲成日比人叫"妹妹仔""0靚妹"同"阿女"...

我都知我個樣後生ga喇...哈哈~!!

返到屋企好想好想訓...連涼都唔想沖...

仲比我細佬係咁話我臭~~~無奈!!!!!!

但係我已經支力到涼都唔想沖lu。。。