我媽媽又返左大陸喇...唉~

搞到我今日冇得同芷欣同polam出去反...真係慘...!!!

不過今朝我都約左polam去打壁球...芷欣唔黎得呀~所以得我地2個去咋...

我地book8~9果場~約左polam7:30am係樓下等~

6點半唔洗等鬧鐘響我就起左身lu...哈哈~約我真係好,包冇遲到!!

但係打開房門發覺爸爸仲未出門口~!!oh~my god...=="

為左唔比佢知道我要出去打波~我係度扮訓...

扮到7點4...成粒鐘呀大佬...!!=="眼訓死人~!!琴晚又成2點先訓啵...

刷完牙都差唔多7點半lu~唯有打比polam叫佢遲d先出啦...

7點8我就搞掂晒lu~真係神速呀~!!

落到去等埋polam~陪佢去買完包先去打波~

開波時係8:05am~遅左5min...

我唔識打呀~次次都打唔中...連開波都成問題呀...

我就好似打badminton咁打喇...但係都打唔中既...=="

個波彈返黎果陣嚇死我呀差d...

打左半粒鐘polam就去左拎我部電話自拍...我就自己practise下啦~!!

咦~好似進步左啵~起碼有返少少姿勢呀!!^^"

之後就打下波~玩下電話咁...好快過埋果半個鐘lu。

polam話下次打badminton算喇...好啊~起碼我識打呀~!!

之後就行返去lu~見到隻生滋狗...><"好核突呀...

polam話唔可以掂佢ga,唔係會比佢傳染的...

點知呢個時候隻生滋狗係我側邊行過...好近tim呀!!我差d掂到佢呀~!!

嚇死我!!我即刻係咁大嗌...!!!

行到polaｍ樓下到佢大嗌--->因為佢見到隻蟑螂...

oh~我又比佢既叫聲嚇死,再次大嗌!!!真係嚇餐死啊...><"

之後叫佢陪我去百街買d野...然後就返屋企食早餐lu...

晏d polam黎游乾水...3個人牙~??睇下芷欣黎唔黎啦咁...

芷欣居然黎得~!!哈哈~驚喜~!!

同polam落去接佢,之後去租帶睇。

租左套什麼什麼<<死亡傳說---血瑪莉>>就返屋企lu。

1點落樓下買飯飯...有老公仔陪我~!!^^"

請佢飲頭先特登去買比佢既蕃茄汁...幫佢雪凍左..哈哈,正唔正呀~??

買埋薯片呀~朱古力果d陣間睇戲食~!!

返到去同細佬,polam,芷欣4個打牌...打左一陣~芷欣唔識打,佢好似好悶咁,於是3點左右我地就睇戲喇。

好冇feel,因為我細佬驚,係咁播歌聽,根本聽唔到電視d叫聲...

套野唔係好好睇,不過有2個scene ok恐怖~有d似<<死神>>囉~~!!

芷欣睇得好冷靜,我同polam就...(哈哈~)

睇睇下我地3個都嗌眼訓...oh~睇黎大家對套野都有d失望啵...

之後冇野做,polam又提議打牌,又打左一陣~我都win左幾鋪呀~!!

一路打牌一路傾計個feel都唔錯啵~呵呵呵~!!

不過芷欣就慘d,我feel到佢真係幾悶...

5點我就送芷欣走lu...polam繼續留係度。

之後我地玩左陣電腦,然後就玩uno,我地玩計分。

嘩~!!好刺激啊~!!其中又鬧出不少笑料。。。

polam輸左好多呀~哈哈~佢要請野飲!!!但係佢又賴貓...

哼~!!下次繼續!!

而家先知原來uno都可以咁好玩。

6點半polam妹妹打比佢,佢就走lu。

我媽媽都返左黎喇,又回覆平常的生活。。。。。。

得閒再黎玩過呀~!!^^"