遲來的新年快樂 ! 零九年雖然到左好耐, 不過一直都唔得閒打BLOG..
估唔到我冇打咁耐, 都有人尼睇, 真係UNBELIEVEABLE呀 !
零九第一件大事一定係考試啦, 哩樣野真係煩到好多學生 !
科科都差唔多, 我諗我都合格既, 希望啦 !
收卷果陣見到TRACY仔份卷寫到爆哂, 都真係幾驚 ! <---- 因為我都淨左題題都淨左一兩三行 ! -口- "
點都好, 結果就定左啦 ! 係睇下我地收到果陣係咩反應同心情既啫 ! :P
既然係零九年既第一篇, 緊係要整番個各大傳媒都好興既 [ 零八大事回顧 ] 啦 !
年頭, 最大既事就緊係藝人不雅照片事件啦 !
無論對A1定C1頭條, 佢都係咁上呀 ! 哩件事對全港都引起好大迴響, 講真, 我開頭都以為係無聊合成相 !
不過都過左咁耐, 仲要係人地既私事, 涉及藝人要再出尼, 都唔係問題 !
年中一場五一二大地震, 導致死傷無數, 各界都大力支持捐款, 幫助有需要既人..
宜家都開始復甦, 希望佢地可以有番原本既生活 !
二零零八年八月八日晚上八時 , [ 八 ] 喺中國人心中幾咁重要既一個數字 !
北京奧運 ! 中國第一次舉辦奧運就得到咁好既聲譽, 喺全世界人既心中定位一個新既位置 !
年尾, 有對兄弟就累哂全世界既兄弟 ! <---- 係唔係有D似曾相識呢 ?! 請聽聽FAMA既[ 富甲天下 ] :P
雖然係對我冇咩直接既影響, 但係我都唔想股市大跌, 失業率大增哩D新聞霸哂個頭版既 !
希望D股市呀, 藍籌呀, 恆生指數呀都升升升升升啦 ! <---- 除左價格 ! KE :P
希望零九比零八更好啦 ! <---- 有D娘喎 ! -口- "
不過咁代表同2010世界盃天加接近啦 ! :P
|
