太空人大匯演 , 我去了 ! 

唔記得係神五定神六我都曾經去過一次架啦 ! <---- 果次我仲第一次見到古巨基, 唱明星 !

今次係神七, 除左主角唔同左之外, 我記上次我地童軍係有份落去架 !

今次係坐喺度睇表演, 都開心既, 見到三位太空人, 仲有KARY吳雨霏(暫借問)呀 !  :P

入場果陣超搞笑, 工作人員唔俾我地帶水樽, 話驚掟樽, 之後俾個杯我地倒水落去,搞到個拎住個杯..

嘩 " 最搞笑係, 佢俾果D杯係好似M記咁既, 有個蓋既, 但係佢地唔俾飲管.. <---- 我攞左吹BONBON棒果枝尼飲..  :P

好可惜, 李雲迪彈琴果陣去左廁所呀 ! 淨係聽到, 好冇癮  -口- "

哈, 計番, 我親眼見得最多次既應該就係李克勤, 佢今次又有尼呀 !

仲以為佢會一個唱D好正既歌, 例 花落誰家 , 點知佢係同譚詠倫合唱囉.. 

跟住又以為佢地會唱 [ 嗱~ 喊濕幾個枕頭! ] 果首, 原來唱新歌 !

咁又係既, 如果哩種場合唱果首歌都幾怪..  -口- " 

四點幾就開始走啦, 由於我地十一點幾開始冇食過野, 所以就去左間餐廳度啦 !

六點幾先走去搭巴士, 銅鑼灣真係好多人, 我地一路行一路睇野, 影相 ! <---- 都唔知有乜好影..  -口- " 

喺巴士站度等既士, 咁岩係手機陳列櫃對面, 我真係望住部W595, 對眼都發哂光 ! 

八點幾先番到屋企, 雖然唔係咩勞動既野, 但係都好攰 !

沖完涼, 食壽司, 睇三姑同獎門人都笑爆左啦 !   :P 

-------------------------------------------------------------------------

     我們在欣賞那聖誕樹!          留意:我是特意舉手模仿我身後的太空人的!       很多紀念品

                   主角是我們手中拿著的紙杯 ! :P

琴日番童軍, 仲以為番十二點半點知係十二點, 趕到抽筋..  -口- "

之後喺度玩大富翁, 十幾個人一齊玩喎 !  <---- 好難想像呢..  :P

我地既呀SIR好得閒咁整哂D地方名出尼囉, 同果塊板一模一樣囉 ! <---- 連D機會呀, 公益福利都有囉 !

不過, 真心好玩囉 ! 我地十二點幾玩到兩點都未夠喉, 學完樂器之後..

仲想玩, 可惜冇時間呀, MADAM生日要慶祝呀麻  !

真係我人生第一次食維他奶火鍋, 仲有係芝士丸, 好味喎 !   :P

放左之後, 被迫去左大表姐屋企去食飯, 哦 " 青表姐尼左, 丁丁都有尼 !  -口- "

唉 " 食飯之前, 我同我媽媽講我新年俾哂D利是錢佢, 贊助佢買俾新手機俾我 !

我呀爸聽到之後, 仲話 [ 咩呀 ?! 買手機, 我送俾你啦 ! ]  嘩 " 我不知幾開心呀 ! *U*

點知青表姐行左過尼, 話 [小朋友要咁多功能尼做咩呀, 打到電話未得囉 !] ..

我覺得表姐講既野係的確係岩既, 不過我部電話真係壞壞地喎 !

番到屋企, 我媽話 [ 唔洗買二千幾蚊啦, 千幾果D未算囉..  ]  我爸話 [ 你有冇聽到表姐講咩呀 ! ]

哈哈哈哈哈哈. 我有呀 ! -口- "      睇怕, 我D利是錢都係留番尼買哈利波特算啦 !  -口- "

我想要藍色果部呀 !  :P