好耐冇打BLOG, 假期過得太充實, 冇乜時間呀 ! :P
四月十日係第一日公眾假期, 我媽媽就帶左我去澳門 MACAU啦 !
請恕我見識少啦, 其實我係第一次去, 對澳門既印象應該係...
[ 最開心, 外國人外國人, 唱中文唱中文, 款式至多, 至好味 ! ] :P
九點幾就出門口, 十點幾去到紅色既港澳碼頭, 十一點就已經買到船票啦, 但係... 係一點九囉 ! -口-
可能係第一日, 有好多人, 就要喺星巴克咖啡店度坐兩個鐘囉.. -口- " 又飲西柚汁 , 酸呀 !
一點十左右, 我同我媽, 同佢三個朋友, 一行五人就成功上到金光飛航既船上啦..
去到搭威尼斯人酒店巴士去番酒店, 有個姨姨講左做威爾斯, 跟住笑死左囉.. :P
搭幾程既巴士當中, 我又喺度睇D車啦, 澳門既的士係黑色既, 同香港既都幾唔同下..
除了顏色, 形狀都一些唔同, 佢車尾廂果個位冇咁起角架, 另外, 有兩種的士, 一種四,一種五..
四人果種, 類似一般既的士, 而五人的士, 就係大一些, 好似一架七人車咁啦..
佢地私家車款唔算好多, 我見到既有普通私家車, 好多麵包車, 同埋少數的MINI COOPER.
果度既酒店都好靚, 特別係威尼斯人, 有湖, 成個城堡咁喎.. 不過.......
一個咁有感覺既酒店, 突然見到 Louis Vuitton 字樣, 隔離仲要有個 PRADA .. -口- "
夜晚仲靚呀 ! !
之後, 去左手信街買手信, 我冇去咀香園, 去左鉅記, 我發現澳門的鉅記比香港的七仔既密度仲要誇張架 ! -口- "
去左食KFC肯德基以外的葡撻, 真心, 好好味 ! 不過, 我更喜歡佢個笑哈哈..
總算係去旅行, 點都去下旅遊名勝既 ! 點解哩幅大三巴既相片模到好似油畫咁架 ?! :P 好靚 ..
好可惜去到果陣, 已經天黑啦, 睇得唔係好清楚.. -口- "
之後, 搭巴士去到官也街, 去左一間叫 [公雞] 既餐廳度食野, 都OK既, 不過裝潢好靚 ! :P
喺一間甜品店度買左個木糠布丁, 間鋪頭好有名, 好多明星去過..
木糠, 其實係餅碎, 話就話布丁, 但其實係雪糕 ! -口- " 不過味道唔錯唔錯, 好特別 !
之後, 搭的的去左左酒店, 大人們緊係要入一入賭場啦......
入唔到, 搭電梯果陣影左幅相, 不過點解又模到咁架.... -口- "
我媽媽就冇入, 陪我上去行左陣.. <---- 驚我走失喎, 哈哈哈哈哈 -口- "
模擬威尼斯既河, 室內既, -口- " 落去坐一坐都要一百二十元, 一個人喎 .. -口- "
個個駛船既人都好好好高, 個樣又唔錯, 又會唱男高音既歌, 可能差唔多啦.. KE :P
雖然無聊, 但係個廁所真係好靚 ! 你去完之後, 佢仲會自動沖廁添喎 ! 搞笑 :P
總括尼講, 澳門有內地既感覺, 但係乾淨好多, 靚好多, 甚至比香港更靚, 建築物同磚塊街都係好例子 ! :P
之後, 十一點船, 兩點鐘先番到屋企... 好攰, 好重........ 不過開心 ! *U* |
