有試過在街上被陌生人用粗口問侯嗎 ?! 哈哈, 我星期一試過.. :P
事情是這樣的 : 我喺西鐵站搭上去果陣, 就突然我前面個女仔講左句 [ X你老母Y呀 !]
[ 你踩到我呀, 我X火呀 ! 我想打你呀 ! ] 類似既說話啦.....
穿校服, 負離子長正直髮, 個樣都好似唔係咁乖既, 咁都幾惡..
之後, 我身後另一個女仔話 [ 你講我呀 ?! ] 原本佢地係識既..
上到去, 佢地有三個人, [ 係囉, 果條友踩到我呀, 我好想打佢呀 ! ] [ 打啦 !]
[果條友仲喺度搔頭喎 !] 咦, 哩個時候, 我終於知道佢地話緊我啦, 因為我正正喺度整緊個頭..
當然, 最後我地都冇發生任何衝突, 不過由兆康到天水圍之間既車程, 諗左好多野..
其實我之前都未試過,一尼, 得罪某些人係好大鍋既事情啦, 以我生人唔生膽既性格, 就更加唔會啦.
我喺度諗如果我會回口既話, 我會講D咩呢 ?! <---- 其實都幾無聊... -口- "
一, 如果佢講[ X你老母Y呀 !], 咁你就倒轉講 [ Y母老你X呀 ! ] , [AB]就[BA]
其實哩個係幾難既, 都好難保證即場可唔可以成功講到完整..
二, [ X你老母Y呀 !] 之 你恐嚇我 !
我就講啦 [ 喺你講哩一句粗口之後, 我了解到你想同我媽媽發生行為, 而我媽媽同我爸爸
就係合法夫妻, 我好擔心你地發生行為之後, 我媽會喜歡左你, 而同我爸發生感情問題,
搞到佢地離婚, 之後仲搞到我家庭破碎 ! 嗱 , 我宜家好驚呀 ! 你恐嚇我 ! ]
哩個有D串, 同埋太長啦, 俾人駁回既位都多, 同埋 我驚果個人會笑囉 ! -口- "
三, 是否能力範圍之內 ?!
我就講啦 [ 我認為粗口係非常低俗既短語, 用得好係好難既, 我相信你都冇哩個能力 !]
盡量以正經態度尼講, 串到爆啦, 我驚講完真係會俾人打到半身不遂呀 ! -口-
----------------------------------------------------------------------------------------
當然, 以上既方案一,二,三 都係純粹虛構啦 ! 無聊得濟諗下野啫.. :P |
