先問一條正到不能既智力題 :
---- 山字頭(即本人)掟盒, 你應該搵邊個幫忙呢 ?! ---- (睇完答案,你可能會打我)
-------------------------------------------------------------------------------
四月四日係眾所周知既兒童節, 但其實我係未正式慶祝過..
今日, 要好早起身去拜山, 三門仔, 馬屎洲特別地區 ! <---- 個名真好聽 -口-
之後去左太祖母屋企, 拎茶果, 係我同呀哥最愛既----- 雞屎籐呀 ! <---- 點解又有個屎字 ?!
去到爺爺屋企, 其實除左訓覺都冇乜野做, 不過今日我爸開左電視, 連我都一齊睇呀 !
香港聯賽盃決賽 ------ 天水圍飛馬 VS 康宏晨曦
其實我對香港波一向都冇乜興趣, 南華, 愉園, 晨曦, 對我尼講都係差唔多..
反而, 我對飛馬既印象比較深, 緊係佢個名啦, 天水圍.. 佢一成立已經俾人話係南華二隊..
之前, 我哥去元朗睇佢地主場對南華, 贏三比二, 我覺得: 嘩 ! 勁喎, 反勝南華二球 !
由於今場係決賽增加左哩場既可觀性, 雖然飛馬輸左十二碼同埋晨曦好多名人撐..
但我都係覺得飛馬強一點 ! :P 今次係我第一次認真睇香港足球比賽 !
發現左一樣野, 點解不論香港定外國既球員,都咁喜歡吐口水落球場架 ?! 真係好骯髒 ! -口- "
之後去左叔公度食飯, 好餸都飛起呀 ! <---- 好HEA既形容,, -口- "
睇大冬瓜呀 ! 終於都睇完一D影響智商既野啦, 不過都幾好睇呀 ! :P
尼緊果套[ 幕後大老爺]一定好好睇, 因為有馬馬馬馬馬國國國國明明明明呀 ! 哈哈哈 :P
----------------------------------------------------------------------------------------------------
智力題要開估啦, 係唔係好難呢 ?! 哈哈哈哈, 絕對原創架 !
就係 : 包青天 , 因為山字頭即係我, JUNE, 掟盒 = 飛箱
六月飛霜, 仲唔係搵包青天咩, 不過你喜歡的話, 神探伽利略都得既 ! KEKEKE :P
|
