戀~49日
今日...終於黎到今日啦!終於可以去慶祝生日啦!
我今朝一早7點半就已經起左身啦!可能因為太興奮既關係啦!^_______^
我同N就約左10:30係我樓下等,約左貞子10:40係車站等,
約左其他人係大圍火車站D出口度等...
今日去既人有:我,貞子,木橋,椒鹽,駱駝,阿詩,張樂怡,姨媽,魚子,德德,阿哥同N,
總共有12個人丫!今年係我有生之年最多人陪我慶祝既一年丫!!!!!!!!!^______^
真係好開心~!^______^琴日放學番到屋企個陣,N無啦啦打黎叫我落一落去樓下,
佢有D野要俾我,我幾驚佢係俾分手信我丫!但我又怕老豆唔俾我落去喎..
所以佢就話聽日先俾我啦!今朝一見到面,佢就俾左一個一田袋既野我啦!
原來係生日禮物黎既姐...真係嚇鬼死人啦!-________-
後黎問佢先知道係公仔黎既...做咩今年咁多人送公仔俾我既呢!?@V@
跟住我地就齊齊搭88K去大圍火車站啦!但我地去到唔識去D出口喎...
搞左好耐先至去到,去既途中,德德就竟然打黎話佢岩岩先起身...=3=
我地4個去到D出口,已經見到D人齊晒係度啦!今日姨媽同阿哥都著得好是正,
類似西裝咁既款,跟住姨媽就話佢好唔慣咁著...嘻嘻,證明佢重視我啦!^________^呵呵=]
我地等左一陣,德德就黎到啦!我地就一齊搭80號去,上到車,諗住N會同我坐啦!
點知佢竟然同魚子坐左係後面喎...搞到我要自己一個人坐,姨媽又係自己一個人坐喎,
但我又唔夠膽坐佢隔離,跟住有個男人坐左係佢隔離,過左一陣,我以為個男人走左,
我就鼓起勇氣坐埋去啦!點知就有個腰包係度,姨媽就話個個人會番黎坐嫁,
個陣真係囉爆LO...>_________<個個人真係好衰格嫁喎...搵個腰包黎霸住個位,
唔係我使咁囉喎!?搞到佢地成班友仔係度笑死我...V_V嗚嗚...
想同姨媽坐都唔得TIM...>_______<落左車之後,就去左買泡芙食啦!好好食喔~!^_______^
跟住就行去搭免費穿梭巴士啦!跟住今次吸收過經驗,所以就決定同阿詩同張樂怡一齊坐三人位啦!
去到MEGA BOX,就馬上飛去NEWAY CEO攞房,點知佢竟然話我地最多只可以唱到3點鐘炸喎..
有冇搞錯丫!?即係得兩個鐘啦!+_________+咁多個人,邊度夠唱丫!?
個度真係超黑,好似成個迷宮陣咁LO,我地個個都怕個職員帶完我地入去之後,
到我地走個時都唔識得行番出去...-,-間房係M88,我地一入到去,就見到兩部電腦,
個個都即刻搶住黎用,我坐左唔夠1分鐘,就即刻彈番起身去點歌黎唱啦!
緊係即刻點棒棒堂既歌啦!^_______^跟住過左冇耐,我就叫左蛋糕同香檳啦!
跟住我地當然係係度慶祝啦!不過班男仔都係度打PS3,都係姨媽同阿哥最好呢,
佢地陪我地唱歌喔~!呵呵=]其他中記得既係姨媽唱富士山下既改版啦!
我仲用電話錄低左TIM丫~!哈哈...^__________^仲有CHEAP人TIM喔!
我地仲成班一齊唱左超人迪加...唔知邊個仲點左生日快樂俾我,
咁岩個陣個蛋糕就送到入黎啦!呵呵=]^________^跟住就食K LUNCH啦!
我同N都點左個壽司黎食,我仲有餵佢食蛋糕TIM丫~!^________^(甜蜜中...)
我仲有同姨媽合唱帝女花呢,不過德德同阿哥都有份一齊合唱的,
仲有同姨媽唱姨媽最中意既幾分傷心幾分痴TIM丫~!^____________^
總之我地個個都玩得好開心,男仔打機既又打得好HIGH...跟住我地3點鐘就走LU~!
落到去,本身佢地話會溜冰,咁我就諗住可以同N同姨媽去行下街嫁嘛,
點知突然之間個個都話唔去溜啦喎...得番椒鹽同德德話想去溜,
德德就開始有D發脾氣啦!我又唔想見到佢嬲喎...跟住就落左去溜冰場啦!
點知今日成日都有賽事都舉行喎...想溜都冇得溜TIM丫~!>_______<
個時德德份面仲黑過頭先,我同佢講野都唔應我丫!!!!!!!!V_V
跟住我就話不如去西九溜LO...佢又唔話去唔去喎...我地就豕左係度睇人溜冰LO,
見佢地又睇得幾入神,N又同班男仔玩得好開心咁,我都放心小小啦!
但姨媽因為頭先既野都冇乜點食過,所以就去左食漢堡包啦!
而駱駝同張樂怡就同左佢去一齊食,我睇睇下溜冰就會過下佢度吹下水咁,
我地班女仔終於忍唔住,實在太悶啦!所以就去左童真天地睇下有D咩玩啦!
點知落到去咩都冇得玩既,見到有間大眾,就入左去睇書啦!入到去,
就見到N送俾我貓唔似貓,狗唔似狗既公仔,原來係要成$268嫁...WA!-_________-
使唔使咁貴丫!?睇落去都冇咩特別姐...行行下,德德打黎問我地去唔去西九度溜冰喎
跟住我地幾蹶都話去,但姨媽佢地3個就話唔去,我地幾個就一齊集合啦!
跟住傾下傾下,都係話去到只可以溜夜場,所以我地又放棄左啦!
所以我地又落番去睇人地溜冰...差唔多5點鐘我地都走啦!
落到去,有棉花糖買丫~!所以就叫N俾錢我買啦!佢地幾個夾錢去買,
但佢地個個竟然會大過我喎...豈有此理!@V@可能個個人係見佢地多D人食啦!=3=
跟住就出去排隊等穿梭巴士啦!點知姨媽就黎遲到,要去學野,
搞到佢遲到真係有D唔好意思...>_________<佢就同魚子搭左上一架穿梭巴士,
我地就搭左下一架...諗住魚子唔係同我地搭啦!咁N就會同我坐,
點知德德同阿哥坐左2人位,阿哥竟然拉住左N,叫埋佢一齊坐,搞到我地同張樂怡坐,
跟住德德就話阿哥真係唔識做啦!...哈哈^________^落左車之後,見到魚子係度等我地一齊搭車番去,
但我又唔想搭車去到大圍,又要轉車番去禾輋,所以就同左N去搭89啦!
本身貞子係話同我地一齊搭番去,跟住佢地班友仔就叫佢唔好阻住我同N...嘻嘻^________^
我同N落到去都唔見有89,但N又話一定有,所以就唯有跟住佢一齊行啦!
點知都係搵唔到,最後都係要搭89X番去...我諗應該行左接近15分鐘...-,-
跟住佢送左我番屋企之後就走左啦!頭先德德係咁叫我地即場示範1分鐘KISS...-________-
琴晚老豆竟然叫我攞番張戲飛番去俾佢睇喎..諗住呃佢話去睇戲之嘛,
咁冇辦法啦!唯有真係去買兩張番黎,扮話去睇過啦!所以我就叫左阿哥去幫我買啦!
洗左我$100蚊丫!真係好想殺死佢丫!!!!!!!!!!!!!1+________+
今年既生日真係過得好特別喔~!第一次咁多人陪我一齊慶祝生日,
第一次可以同自己最愛既人一齊過,第一次可以收到咁多禮物...
以下既就係我暫時所收到既禮物啦!
 
E份係張樂怡送俾我既花師奶咭順...
 
E份係晴,傑,貞子,木橋,FUCK婷,阿詩,阿哥同心心夾錢送俾我既,其實係仲有一隻杯的,
不過係俾N的...
 佢地仲送埋一對變色介指俾我地兩個...@V@
 E張就係佢地幾個寫俾我既生日卡...內容幾搞笑的...^_________^
 
E份就係N送俾我既唔似貓,又唔似狗既公仔,所以我叫佢做貓狗也...@@好貴呢~!
仲有一份就係椒鹽同駱駝送俾我既棒棒堂,不過已經俾我食左LU~!=3=
真係多謝以上送生日禮物俾我既人喔~!^_________^多謝晒你們~!
|
