琴晚我訓唔著,好大可能係因為我琴日同晴,傑睇完鬼片黎,

訓唔著..咁唯有諗下野,希望可以快D訓得著啦!

點知諗下諗下..諗到去軒軒個度,一諗起佢..

又忍唔住喊左出黎,我諗今次係我喊得最西厲既一次,

差D喊出聲,俾媽咪同老豆知道..諗番起軒軒既一點一滴,

每諗一樣,就喊得更加西厲..>_________<3年黎既回憶實在太多..

每一樣都令我好深刻咁記住,忘記唔到..佢唔單只係我姨生咁簡單,

或者係親戚關係咁普通,佢仲係我既知心好友,最好既朋友,

簡直係我既知己!係我開心個陣,佢會陪我一齊開心,同我一齊共享快樂;

我唔開心個陣,佢會問我做咩事,安慰我;我喊個陣,佢會叫我唔好喊,

跟住鍚番我;我嬲個陣,佢會陪我一齊大大聲聲咁係間房度鬧人,

俾我MEET佢..陪我一齊打台;我睇到棒棒堂,好HIGH個陣,

佢會陪我一齊HIGH,陪我一齊嗌..E3年黎,我既喜怒哀樂全部都係同佢一齊過,

我每日放學番黎都會見到佢,雖然佢有時會好煩..但我覺得E種煩真係好好,

軒軒佢真係好叻嫁,1年前,我就開始中意棒棒堂..我成日都會教佢講佢地既名,

佢最認得既就係王子,因為佢知道我最中意既係王子,無論王子點樣換造型,

軒軒都會認得出黎..跟住E幾個月,佢慢慢都開始認得其他既成員,

佢識得背佢地既名同樣..由我中意棒棒堂既個一刻開始,軒軒就開始跟埋我一齊迷戀佢地,

之前我中意林峰,軒軒就跟埋我一齊中意佢,軒軒背歌同唱歌都好有天份嫁,

D劇集既歌,佢聽一兩次就會識得背歌詞,好有節奏咁日日都唱出黎..

特別係棒棒堂同林峰既歌,佢識得唱:愛情瑪奇朵,我們之間,YES,那一天,說說,七彩棒棒堂,

LOGA LOGA,對你愛不完,我是傳奇,如果時間來到,愛不疚,如果可以恨你..

佢真係識得唱好多歌嫁,我地成日都會係屋企一人一個咪咁唱K,每次都唱得好HIGH..

軒軒好中意睇卡通片嫁,但佢唔係每套卡通片都會睇,我好中意睇我們這一家,

所以佢都同我一樣咁中意,仲有最中意既就係超人,但睇得好多次,佢都唔想再睇,

仲有中意睇多啦A夢,仲有BABY FIRST既BB..佢都好中意睇緊,每次睇蹶陣,

都會好專心咁坐定定係度,眼都唔眨咁望實部電視..我每次見到佢個樣,

都會忍唔住笑左出黎..^_________^我仲記得佢走之前,我帶左翜落去我樓下個公園玩,

但走個陣,佢死都唔肯走,我發火到係大庭廣眾好大聲咁對住佢個左句仆街..,

番到上屋企,佢依然都係唔肯番入黎,我就拓低左佢係出面走廊..個時我會覺得冇乜野,

我發火都係正常姐..但我E+會覺得好後悔,我唔應該咁對佢,唔應該對佢講粗口,

唔應該拓低佢..我應該好好咁氹佢入番黎屋企,唔係咁惡對佢..唔係用咁差既態度同佢講野,

對細路仔應該要好有耐性,我真係唔應該咁對佢..3年黎,我成日都話帶佢去冒險樂園,

但我始終都冇做到..我一次都冇做到丫!我成日都話遲D.遲D,E+遲到佢走左啦!

以後都再冇機會啦!佢以前係我身邊,我冇珍惜過佢,佢E+走左,我先黎後悔..

我同N拍拖..我係電話度介紹左軒軒俾N識,跟住以後每次我同N傾電話個陣,

軒軒都會好熱烈咁搶我電話黎同N講野..我諗住我地3個實會有機會一齊出去玩,

點知最後都係冇..我應承過佢既每一件事,我都係做唔到丫!軒軒佢好中意做功課嫁,

每次知道有功課要做,佢都會要係即日就要完成佢,佢係一個好勤力既細路..

之前無線成日都會播大金冷氣既廣告,入面成家人咁一齊跳舞..軒軒睇左兩次,

佢就每一次都會跟住佢地跳同唱歌啦!佢次次跳,都會引到我地成家係咁係度笑..

軒軒已經走左差唔多一個月啦!但我依然斬你咁掛住佢,我真係真係好掛住佢丫!

我好想再見到佢,再同佢一齊住,同佢一齊玩,同埋兌現番我之前對佢既承諾..

我E+靜係希望佢既生活可以快樂同幸福..冇病冇痛咁生活落去,第時出到黎可以做一個有用既人!