戀~62日

N話俾我知豬莉上左車,真係奇怪啦!佢平時都係同傑,晴一齊搭88K嫁,

我係美林仲見到傑係度等車,做咩豬莉會DOM低佢地兩個既呢!?

原來佢一直坐左係上面既最前,不過我都睇唔到,

落車個陣,我諗住應該係我同N最尾落嫁啦!

點知佢見到我行,佢先至行喎...佢就話好似阻住左我地兩個咁,

我就話"係丫~!咁你就行快D啦!"佢又死話唔得喎..因為佢唔想阻住一D人喎...

N就去左7仔度買野,我就繼續同豬莉一齊行番學...一路行,佢話我知,

佢想傑同晴一齊搭車同行番學,唔想阻住佢地兩個,所以就搭左80K啦!

跟住佢又話唔想俾佢地兩個見到佢自己,所以就叫我行慢D啦!

我地一時兩格兩格咁行,一時就三格三格咁行LO...真係俾佢搞到我笑死啦!^________^

行到半路..N就用個袋黎整一下我..跟住就行左去啦!

音樂堂:}原本今日係諗住成堂都會要黎考埋試既,但因為有好多人要表演,

所以得番好少時間去考試,今日椒鹽要表演,佢同貞子一齊唱"我一直都在"

流感偉佢竟然表演情歌王喎..之前坐佢附近,已經見到佢係張台度寫D情歌王既歌詞嫁啦!

點知佢真係表演E首喎...識佢既人都會知道佢唱歌簡直係五音不全的...-_________-

首歌係好長的,MISS CHOW就CUT左少少,佢唱個陣,係人都係度笑,

雖然我都有笑到,不過我覺得佢勇氣可嘉啦!明知自己唱得唔好,佢都依然繼續唱...

JJ就表演彈琴,佢彈既係"月亮化表我的心"而翁翁就同儀媽出去唱同做戲之類咁啦!

笑到我地死咁濟...林紫珊因為上堂表演得唔好,所以今日又再表演過啦!

又係唱番"年度之歌"@V@表演完晒啦!就講下個禮拜考樂理既重點,講講下個陣,

無啦啦就聽到駱駝係度大叫,仲彈埋起身TIM..個個即刻主住佢,原來係有隻野係佢張台上面,

跟住個個都即刻叫翁翁去搞點佢,但翁翁又怕囉喎...吳君恆就攞左包紙巾俾佢,

翁翁就出左去捉個隻野啦!點知都係捉唔到,失晒威...=3=個陣我見到魚子好緊張,

但個個都係度拍晒手掌...如果係第二個,儀媽一定會勁興奮,但今次既係翁翁同駱駝,

所以佢都顯得冇咁開心同躍躍,睇得出佢真係中意駱駝嫁...>________<=]

世史堂:]完全冇聽到書...-,-係度睇住部電話既卡通N,一路畫落張ONLY LOVE歌詞度..=]

家政堂:]要整皇后蛋糕啦!原來我琴日買既朱古力係同MISS TAM俾既一樣嫁,

早知佢會俾我地,我就唔專登去買啦!-________-跟住因為太大包既關係,

所以我就襯大家係度好專心整緊野之際,我去各組度請大家食...

跟住大家就去晒我蹶組度自己攞啦!不過我覺得橫點我地都用唔晒嫁啦!

俾D自己班既同學食都冇乜所謂啦!我個4個蛋糕係特別放左勁多朱古力嫁..所以應該會好甜,

不過我中意喔~!^_________^焗完出黎,唔知點解,我個4個係特別LON的...-,-

我地將靜番個D朱古力擺晒係整碟度,整成一堆咁,跟住再灑D糖上上去,

整到好似個山有D雪係上面咁,跟住再擺個蛋糕係上面,係我諗出黎嫁..呵呵=]^________^

今次應該都會好高分的喔~!^________^阿詩將靜番個D朱古力擺左係我D蛋糕上面,

搞到D朱古力溶晒係我D蛋糕度...-_________-我就專登揀左個俾N,

係特別令的...當我仲諗緊點樣拎俾N食個陣,李洛宜竟然係我班門口同緊嘉瑜講野喎..

咁我就諗住叫佢幫我拎俾N食啦!佢見我望住佢,佢就問我使唔使拎俾LUCKY食,

佢有時都幾好人既...=]中文堂:}要小測,今次係我唯一一次溫得最少的...

因為真係唔想溫,所以今次要合格都應該會好難嫁啦!V_V=]

LUNCH TIME:}要同嘉瑜去英文打字比賽啦!MISS LEUNG叫左德德護送我地上去...@V@

我本身係想叫埋儀媽,但MISS LEUNG又話佢顧住食,叫我地快D上去啦!

德德送完我地上去之後,就想走啦!個陣就離遠見到有一大班男仔行緊過黎,

仲以為佢地全部都係參加打字比賽的,點知原來係翁翁佢地...

佢地全部都黎支持我同嘉瑜嫁^________^不過主要都係要黎支持嘉瑜姐...=3=

一開始,我同嘉瑜都以為佢會俾篇野我地去打,點知佢俾左個網我地去打喎..

佢地成班坐係我地後面支持我地,講真D,應該係騷擾我地至岩...-,-

我地F.2得我地兩個,F.3就得張子謙同個女仔,F.1就有1E同1A..

一開始係俾我地自己練下先的,我1分鐘先打到27個字炸...

佢地幾個就去左睇人地打到幾多個,張子謙佢地好勁喔~!37個丫...真係O晒嘴~!-________-

正式比賽,狂打錯字,最後都係得27個,嘉瑜就20個LO...都係張子謙同個女仔WIN左,

我叫到自己係第3,不過佢又冇話有第3喎...我地幾個就係咁叫佢整多個第3出黎啦!

最個主席都好人俾個第三我..^__________^呵呵=]總算為2B班爭光啦!

佢話遲D會俾番禮物我地喎...我仲叫佢一定要宣佈TIM丫~!咁樣N就會聽到啦!^_________^=]

數學堂:}好輕鬆咁過左去...=]英文堂:}MR.DANIEL又番左黎啦!又俾地睇個個女仔講故事個條片,

我成堂都係係度畫畫...冇理過佢!@V@跟住靜番D時間,就俾我地睇戇豆,睇個兩套都係我手機個兩套,

同大家一齊睇果然係好笑D的...=] 放學本身係約左馬騮去健身室度划艇的,

但點知3B班好多人同N都去喎...所以搞到我地冇得去啦!我白拎套運動衫...=3=

張樂怡就問我地去唔去聽佢唱歌,因為佢參加左個"超級巨星"既音樂比賽,

所以想我地聽下佢唱一唱歌