第46次啦...!                     繼續加油

Hi !大家好(呢句好似無聊左囉!!!)

點解我會話今日係情緒/心情又上又落嘅一日呢?

因為我今日派左三份卷，

雖然無一科唔合格，但係我爹地媽咪一定唔會滿意囉!

所以搞到我都對自己嘅成績唔多滿意喇!

呢個係落啦!咁上又係咩呢?

上呢?就係我今日同我一班小學同學一齊傾左好耐，

講左好多以前嘅，同依家嘅野，我地仲一齊打排球添...

我真係超鍾意同小學D同學傾計囉!

因為我地一來識得耐過中學同學啦!

二來我地大家都了解對方嘅地雷，

唔會咁容易有嗰種唔開心呀，吵架嘅情況出現。

所以我覺得總結嚟講，小學同學我覺得係會比中學傾得埋D同開心D囉!

而且我覺得係中學道，我仲未搵到一個可以同我傾計傾到7點幾嘅人囉!

仲有呀，我覺得就算真係搵到，我可以都未必會同佢講太多野。

因為我唔多相信一D新識嘅朋友囉!我會怕佢地多口症發作，會同其他人講番我同佢講過D咩。

所以，小學同學「I Love You !!!」

希望聽日可以再開心D啦!仲要再同佢地傾計...(期待中...)