今次呢篇Blog係我一條白痴夜媽媽唔訓覺得唔開心搞出嚟既

其實...一直以嚟,我都覺得自己已經處理得好好

無論係家庭,學業,感情,人際關係我自問都盡左力

我知我唔係一個得人歡心既女仔,但我問心無愧

家庭入面父母擔心我我其實完全明白,我知佢地點解咁擔心...

但係,我已經大喇!唔想再係你地既羽翼下面,受你地保護

我知我一定會後悔,但唔出去胡鬧過又點知屋企係幾咁寧靜呢???

我希望你地會體諒我,明白我既心諗乜...

係學業上,升左上中四,講真得冇乜信心,亦冇乜把握...

但係總算都唔係太差...Bio都全班第二...英作全級第二...

人際關係冇乜好講,朋友一齊癲既又有,可以教我功課既都好,算係唔錯咁喇!重想點先!!!??

其實...感情問題先係最重要既一個point...

我唔係唔中意佢,但我唔慣有一個人為我付出太多

我有血有肉加!唔係冷血加!其實一直都好冧!

只係我從來唔會表現比你睇,因為我知你好認真,

但偏偏我就係輸唔起,你一直唔知點解我咁了解你,

因為我一直都觀察着你,只係你唔覺啫!你不嬲後知後覺...

你唔了解我唔出奇,你有一個平台係特登打野比我睇同發洩既我其實有睇到...

但我呢???有好多野我想你做到,但如果由我把口講,就已經冇意思喇!

或者我會講你知既,係你對我心灰意冷,唔再愛我中意我既時候喇!

我每次見你打D好Sad既Blog我都好嬲我自己,點解又令你咁唔似你...係我唔好...根本唔係咁完美...

我都好想同你一齊,光明正大係條街拖手散步

但對我嚟講,太遙不可及喇!根本係好難既事...

你都緊張家庭,好多時我暗示嚟知你唔明定唔想,

你扮唔知我唔介意,但你就唔好係我同第二個傾既時候又要呷醋講到我好唔理你感受咁得唔得???

如果我要唔理你感受,你早就hurt死番左屋企喇!

我唔想成日咁樣落去,對大家都冇好處

只希望你一係有一日開竅明白我,一係你愛我愛到攰,

咁樣先會對大家好,我,只有最後一次既機會比你...

你真係唔明唔緊要,我都希望分開都重係朋友,

用我既睇法同感受幫你對下一個女仔好D~

---發牢騷---THE END---