第59次啦...!              繼續加油

Sorry呀!我琴日又冇打到Blog啦!

今日我會打番長D加啦!(天音:大家真係想妳打長D咩?)

今日係星期六，我又例行去了某制服團體嘅例行訓練，

話說本人我11月13,14日就去左Camp啦!(天音:其實大家都知道喇!)(OK)

咁我14日收營嗰陣，就發現冇左個營釘袋同營柱袋啦!

咁知道左就梗係要向呀Sir,Madam匯報加啦!

咁收營嗰道又淨係得我同另外三個人喎...

個組長同個副組長就一齊去左整第二D野啦!

咁我就梗係快D去同呀Sir講加啦!

講完之後好快就有個Leader(男)攞住個營柱就問我地係咪冇...

咁因為一開始係我出去話比呀Sir知加啦，所以我就答佢係...

佢就將個營柱袋比左我地喇...

跟住又過左一陣，佢又唔知係邊道變出個營釘袋出嚟喎

佢就比左我地啦...

跟住佢同我講「平時如果唔見呢兩樣野要跑10個圈加囉!我睇妳點還比我...」

我心諗...你想我點還比你呀!?跑番10個圈比你囉!不過跑都唔係我要跑啦!係都係我地個組長跑啦!係佢自己冇好好保管我地組嘅野咋...

跟住今日我就番區啦!

咁我就見到嗰個Leader喎...

佢就問我要點還比佢啦...

咁我就話「係還都唔係我還啦!係都係我地個組長還啦!」

跟住佢問「咁邊個就組長呀!?」

我話「佢囉!」我隻手指住我地個組長

跟住佢又話「但係我覺得妳似組長多D囉!」

我就話「咁係因為佢唔係道啫...」

佢又話「我聽人講話，佢係道妳都係咁加喎...」

我話「唔係囉!」

跟住佢就話「我話係就係啦!」

我即刻冇野好講...如果係你話係就係既話，咁你頭先問我做咩呀!?

我話「咁得啦!我噁番個兩個袋比你囉!」

佢話「妳話加...」

「得啦!」我用超不屑嘅聲音對佢講...

跟住我地個組長就走嚟同我講「唔怪得嗰日呀哥問我攞妳個名同編號啦!」(佢唔係佢親呀哥)

我先估到可能係我地個組長唔滿意我好似做左佢要做嗰D野咁，所以走去同佢「呀哥」講囉!

不過我覺得我做嘅野冇問題囉!

因為如果妳呢個組長唔做一D組長應該要做嘅野咁咪我幫下妳囉...!

邊有一個組長全組人去左洗野，佢自己一個人嘅道扮仲有自己D野要執唔去洗野呀!?

重有我係第一次見有組長同我地講D野唔清唔楚搞到我地唔知點好，我去問呀Sir番嚟先知道，佢講嗰D野仲要係錯嘅囉...!

D人同我講番，我出去問呀Sir野嗰陣，佢係入面仲要話「依家佢係組長定我係組長呀!?」

大佬...妳咁唔想負番一D組長嘅責任或許妳根本冇做組長嘅自覺嘅話，請妳一開始就唔好話妳要做組長啦!

無謂妳一個人拖累我地成組人呀!?

我係呢道嘅發牢騷完畢，亦勸告所以有可能會做領導者嘅人，請各位先諗下自己係唔係做得嚟同係咪真係可以為呢班組員負起所有責任先好話要做領導呀!

如果做唔嚟，就唔好勉強，比其他更有能力嘅人做。因為如果唔係嘅話，成組人都會比你/妳一個累死...

同時勸告各位有能力嘅人，如果有信心嘅就好即刻行動，唔好左諗右諗啦!因為成組人好可能因為你/妳嘅一個決定上天堂或者落地獄加...

希望大家有聽到我嘅勸告啦!(天音:嘩...今日嘅Blog好長呀!)(我早就話左加啦...!)