第156篇Blog...       繼續加油 

琴日講過我今日會去一個Day Camp~

咁我依家去完...已經回到家中了...

有一個好好好難忘嘅經驗~呢個經係民記比我既...

今日...係我人生第一次邊落雨邊BBQ~

完完全全的Let's Get Wet~~~

我成個人濕左又乾...乾左又濕番...

不過今日真係好有Feel囉~

同八十幾個人一齊係一個落緊大雨嘅地方BBQ...

重不停係咁落雨...一直冇停過囉!

原本出去打算燒嘅時候都仲冇落雨加...

一到左BBQ嘅地方即時落大雨...

但係唔知點解好神奇地D呀sir又起到爐喎~

真係好勁...咁人地都起到我地冇理由唔燒加...

所以我地就咁樣開始左我地嘅Let's Get Wet之旅喇!

我地發明左一個好聰明嘅方法~

就係一個企係下面燒野食...另一個企係上面攞全把遮~

咁樣就上下兩個人都唔會濕喇!

我地係咁好聰明先!!!???

其他傻瓜見到我地咁都唔識學我地...

搞到成班人都濕哂...不過班男仔今日真係都幾Man既...

起碼唔會同我地班女仔爭遮先吖~

我今日唔只去左雨中BBQ加...

我重同班朋友仔去左打羽毛球~真係好好玩...

因為之前我話唔中意嗰個女仔一直係我對面...

我個羽毛球一直對準佢嚟打...

我好似好衰呀可!?不過冇辦法...

我太太太討厭佢啦~請原諒我吧~

燒野食一直燒到九點幾...

跟住差唔多十點幾先係曹公潭走...

番去觀塘嘅中途我訓到咩~

番到去個人都仲未醒哂...仲好眼訓...其實我依家都好眼訓加...

不過冇計...呢件事一定要好好分享一下先...

好啦~呢件開心事就講到呢道加喇~

我諗我聽日都會病加啦~

希望大家都有機會體驗一下雨中BBQ嘅感覺啦~=]嘻