第166篇Blog...          繼續加油 

HiHi~~~大家好耐冇見啦~

唔關我事加...係因為有人冇提我，咁我天生比較蠢...

好容易唔記得要做咩加...所以好耐冇打Blog嚕...

今日有位仁兄突然重提舊事喎~

咁我咪又打番囉!=]

但係我聽日、後日、大後日記唔記得呢...就好難講喇!

如果我唔記得，又冇人提我...咁大家都真係幾難再睇到我打Blog喇!

話說自從我上次打先嗰篇有保密嘅Blog之後，

我就冇再出現過喇!原因好簡單~

因為我唔開心囉!至於唔開心D咩呢，在此就不便透露喇!

但係都有幾個人知我究竟唔開心D咩既...=]

多謝你地陪住我...我至不至於太唔開心...

有人總係我唔開心嘅時候出現，陪我傾計，聽我發牢騷

有人會陪我出去行街街，同我煲電話粥...

我知道你地都好關心我，我好開心有你地呢D咁嘅好朋友<3

7月頭喇!試就考完喇!卷都派完喇!要喊亦都喊完喇!

係時候出成績表喇~8號番出攞...唔知考第幾呢!?

但係話說我星期五都幾忙...

一陣又去學琴、一陣又要補習、一陣又Choir又要去表演

我一個正常人點可能同一時間做咁多野吖!!!?

所以我呢個星期五將會專注係Choir練唱上面...

學琴同補習就...下個星期先喇!sorry

因為Choir搵嗰個Mr Weaver真係好笑...

跟佢學唱歌真係好開心，一D壓力都冇

同跟Miss Kam,Miss Ng,Miss Woo學完全唔同

所以我今次真係獲救良多加...xD

今日唱左一個勁高嗰音囉!

岩岩彈嚟聽過...居然有high A囉!!!

佢真係睇得起我地加啫...

好啦!你地等我星期五嘅好消息啦!

不論係Choir表演定係成績表...

我都一定要成功...我唔可以比人睇死!!!

下個學年開始分Phy,Chem,Bio啦~

好似重會用英文教tim呀~

我呢D正宗中國人實死梗啦~~~GBM plz

可悲嘅係重要唔洗買書囉!完全冇得預習，我實死梗...-,-

好啦!今日打住咁多先啦~部電腦好熱，搞到我都熱埋:@

總之如果聽日有人提我嘅我諗我都會記得打既...

但冇人提我呢種善忘嘅人一定唔記得走左去訓加...

希望聽日有人提我，咁大家就都有得睇Blog...冇就88啦!