第167篇Blog...         繼續加油 

今日天氣好熱呀!!!(天音:此人在說題外話...不無視-,-)

放左學去左食ice-cream...(天音:在唔入正題!:@)(係係-.-)

話說今日留左屋企之後就冇打算出街加喇!

咁熱...鬼出街都熱得魂飛魄散啦~

所以我係屋企覺覺豬...

琴晚比呀妹搞到12:00先可以訓，差D我就打佢加喇~

當我訓到5點幾嘅時候，媽媽突然叫醒我喎~

佢話爸爸叫我地出去旺角喎~

我話:出去做咩先!?

佢話:冇加!可能買餸番嚟煮囉!

我話:熱死辣辣出去比太陽曬屁股咩!?

佢話:點會呢!?依家都5點幾啦~同埋我地可以睇下出去食加嘛~^^

咁我就死死地氣同佢同呀妹一齊出去

到左旺角去左旺中同媽媽買指甲油...

買左幾枝「有趣」嘅顏色...(天音:黑色嗎!?)(冇)

跟住我地諗去邊道食飯...

跟住我就諗住去食壽司啦~

但係行行下又好似唔係咁想食喇喎~

咁我地就又諗過第二樣野食啦~

諗諗下爸爸話不如去食泰國野喎~

咁反正我地都諗唔到就決定去喇!

所以我地就去左荃灣啦~

我地去嗰間泰國野好好味呀!!!

食完重去左一間知名甜品店道食甜品

心太軟真係好好好好食囉~

我地重買左好多零食TIM...

媽媽幫呀妹買左一D衫...

臨去搭車番屋企之前重去左間時裝店睇野

咁就買多左個袋喇~

但係話說我聽日就要去表演加囉~

今日練嘅時候比老師攞左我份譜...

我依家有少少驚佢聽日會唔記得帶份番譜比我囉~

不過都唔驚就咁多加喇!

要驚不如驚左我重未背譜呢part先喇~

老師話如果聽日都背唔到譜就要請大家食野喎~

我今日去Shopping就咁開心...

不如你地估下我有冇背過譜吖喇~

答案係...............冇既...

所以我都係聽日朝早努力下喇~

今日又有位仁兄提我打Blog喇~

大家有得睇Blog都要多謝佢呀!^^

佢重祝我聽日Good Show TIM...多謝你~~~thank you

希望我聽日可以唔好失手地完成佢啦~^^