第191篇Blog...     繼續加油 

容我先講少少題外話先...

我不停講嗰個朋友仔番左嚟香港嚕...

不過人地好似唔想提我打Blog嚕...

好喇!題外話講完...入正題...

今日真係超超超開心囉!!!

爸爸開車帶左我地入流浮山呀!!!

雖然中間有一少少段路我地lost左...

但有個咁聰明嘅爸爸我地又點會有問題呢!!!

不過爸爸個iPhone嘅GPS好似有少少虧虧地...

明明就停左係燈位,佢都可以自己煜既...唉....

不過今日我地真係玩得好開心~~~

一開頭我地入左流浮山...去左食海鮮!!!

又食瀨尿蝦又食蟹仲食左東風螺tim~~~

真係真係正到爆囉!!!但係其實人地係要落場加...

食完野我地就去左shopping喇!!!買左D乾貨...

仲影左好多相tim~~~不過我係唔會比你地睇既...

去完流浮山諗左一陣就去左西貢...但係去到西貢就發現冇咩好做...

結果就去左拜一拜天后廟同關帝,跟住就去買左滿記甜品食啦!!!好正,但係就搞到架車有味喇~

入左西貢就好喇!又去番屯門囉!!!

入番去屯門搞左一陣又比番去九龍城...

去左九龍城又因為冇位拍車就走去旺角...

去到旺角就去左食一間超超超好味嘅潮州菜...

但係就比一隊台灣嘅攝影隊Disturb左一陣...

又比佢地影左食野又同爸爸做左個訪問...

不過今日真係可算是一個充滿驚喜嘅一日喇!!!

希望下次我地仲會再去喇!!!