相住
大家好，我叫張飛雪，係個人見人愛�H大肥妹，而大部份朋友都叫我Bonaqua，因飛雪這個名太難聽了。我有一個家姐，佢個名叫張飄雪，係咪好聽好多呢？除左個名比我好聽之外，佢外表都比我好好多。我同家姐都係孤兒，自細喺孤兒院長大。雖然我哋係孤兒，但可能因為仍有親人喺身邊，所以我哋兩個總比其他小朋友開朗、開心。
我家姐上年簽左間唱片公司，上月終於推出左第一張國語大碟，而且消量仲唔錯添，所以公司送左一間背山面海的豪宅俾佢。我係佢唯一�H親人，當然與她一齊住。今日就係我同家姐正式離開孤兒院，而搬入新屋住�H大日子。
「家姐，很大噢！究竟有幾多尺？」
「大約......2000尺。」
「我間房都有2000尺？」
「唔係，全屋2000尺，你間房大約......250尺左右。」
「250？好大噢！」
正當我喺度測試緊自己張床�H彈性嗰時，門鐘突然「叮」響左一聲。
「你好！我係住3A，我姓陳，有咩可以幫手嗎？」一把男聲由門外傳黎。
「唔洗啦，已經有人幫我哋搬左。呀！我沖左咖啡，要試試我手勢嗎？」家姐平時好少會請人入屋，難道......
果然係一名美男子，家姐同他全晚不停傾，不停傾，可以話無所不談。當中仲發現左，原來他係剛由美國返黎，難怪當佢第一眼見到家姐時�H眼神同平時�H歌迷唔同啦。
至於我，我係喺咖啡店返工，因主要做熟客生意，所以平時唔會有太多人。但因為今日有party，所以比平日特別煩忙。唉......為免遲到，惟有早啲 起身。
大約5:00p.m.，客人逐一黎到。客人大多數係年青人，以我估計，應該只比我大一兩歲，有啲仲幾靚仔添。
其實我揀做咖啡店係另有目的，就係......識男仔啦。所以今日係我�H大機會。自經辛苦，我終於問倒二十個電話號碼，而且我仲日倒，原來今日佢哋開party係為左一位剛由加拿大回港，而個名叫維他�H男孩。人就係咁無聊，讀完書返黎有咩好慶祝呢？不過冇咁�H人，我又點識倒咁多男仔呢？
收工時，已經謠凌晨兩點，比平時足足遲左六個鐘。
「喂!」突然，好似有人係後面叫我咁。
我慢慢咁向後望，佢對我講「依家先收工？」
原來係頭先party 個男主角。
「咁夜，無車㗎啦。不如我載你啦！」佢架車好得，黑色開篷跑車，一定好貴，唔通佢係有錢仔？
「上車啦！我又唔會食左你。」
上車之後，他除左問我住喺邊之外，仲問左我好多問題，就好似查家宅一樣。但唔知點解佢問乜，我就答乜。
「到啦。」他指住窗外面�H大廈。
「噢！唔該。」我講完就即刻開車門返屋企。
回到屋企門口，我竟然發現我無帶鎖匙，所以開始自言自語。
「唔會㗎，點可能無帶呢？我要鎖門㗎。死啦，家姐去左上海出show，听日先返黎，依家咁夜又唔返得孤兒院......」
正當我喺門口自言自語，後面傳黎一把男人聲。
「你唔記得帶鎖匙？」
下？點解會係佢架？佢......佢咪係啱啱送我返黎嗰個人？
「你唔記得帶鎖匙？」
「嗯！」
「屋企無人？」佢問。
「嗯！」
「咁黎我屋企啦！」佢指住３Ａ個單位。
「你屋企？」
「放心，又唔係孤男掛女。」
「孤男掛女？」我當時頭上真係佈滿問號。
「噢......No! Is孤男寡女。」
果然係外國留學，連咁簡單�H四字成語都唔識。
入到佢屋企我先發現，佢間屋比我屋企仲大。我諗返起頭先坐車返黎嗰時，佢曾經講過佢有兩個哥哥，而且父母仲離左婚，佢依家同大哥一齊住。我仲未諗完，佢大哥就出現喺我眼前。
「Vita，What's happen?」佢大哥對佢講。
「Nothing！」
佢哋全程只用英文對答，對於一個只有中五程度�H我黎講，根本無辦法理解當中�H內容。但我更大�H發現係，佢�H大哥竟然是琴晚黎我屋企，同我家姐傾左一晚�H男人。
「係你？」我好驚訝咁指住佢大哥。
「你好！你唔記得帶鎖匙？」
「嗯！家姐去左上海，所以......」
「Vita，快啲去收拾一下Hey間房俾Bonaqua訓。」佢對維他講。
當晚我竟然訓喺一間我完全未見過�H男人間房度，以我平時我一定好驚，但......唔知點解我完全唔驚，而且仲訓得好好。
第二朝，我哋一齊食早餐，但太早啦。我根本食唔落，為有......發揮我八掛�H本色啦！
「呀！其實我應該點稱呼你呢？」我問拿住鮮奶�H大哥。
「嗯......你叫我......Sammy。」
「Sammy。」我點住頭講。
「你家姐幾時返黎？」Vita插咀問。
「應該今晚會返黎。」
「咁就太好啦，二哥啲野堆滿我間房。」
「Sorry！」我對他哋講。
大約11:00a.m.我出門口返工，今日又回復平日�H工作量，所以有大把時間同大口仔講電話。大口仔係我識左兩年�H朋友，佢好靚仔㗎，所以有啲人覺得點解一個咁有型�H男仔，會同個咁肥�H女仔做朋友呢？其實當中只係有啲野人哋唔知。
講講下突然有人拍我肩頭。
「咩事？」一望，原來係我�H同事Niki。
佢好少有咁乜都唔講，只係用眼神瞄左瞄門口。
我緊係即刻向門口大叫「歡迎光臨！」。
點知......「係你？」我記得琴晚都對某個人講過呢兩個字。
「Sammy？點解你識得黎�H？」我問佢。
「你係侍應生？」佢�H語氣有啲惡。
「嗯！」我好細聲咁應佢。
「你知道工作�H時候係唔可以傾私人電話嗎？雖然呢度主要做熟客生意，But服務態度一樣要好！」佢講完一堆野之後，我完全呆左。
「佢係我哋咖啡店�H大老闆。」Niki喺我背後好細聲咁講。
「Sorry，我以後唔會。」我立即九十度鞠躬咁say sorry。
「攞數簿俾我。」
結果今日我同Niki全日都無再講過野。
好辛苦咁，終於等到收工。當然即刻打電話俾家姐，睇下佢返左香港未。好彩，她已經返左屋企。
「今日可以真真正正返屋企訓覺啦。」我收線之後對自己講。
相見
呢星期，大老闆日日都黎睇鋪，為�H只係睇數簿。佢每日由1:00p.m.睇到夜晚9:00p.m.，究竟數簿有咩好睇呢？可以睇咁耐。
今日Niki因為有事所以七點已經離開左，而亦因為外面落緊大雨，所以全間鋪得番我同大老闆。
「Naqua，May I have a cup of tea?」大老闆終於打破寧靜�H環境啦。
「大老闆！」我小心翼翼咁放低嗰杯特別香濃�H茶喺張枱度。
當我正想離開之際，我發現手背上面有一滴水點。我個心立即刻喺度諗『天花板滴水？』但望上天花又一啲水積都無。
之後再睇清楚啲啦，原來......
「你......喊？」
我講都來講完已經唔知幾時俾大老闆攬住左，佢�H雙臂緊緊咁抱住我，感覺就好似有一幅好溫暖�H保護牆圍住我咁。咦？唔係佢喺度喊緊咩？點解係佢保護我�H？
「唔好咁啦！」我醒過黎對佢講。
「Sorry，我唔應該咁樣對你。」他抹住眼淚講。
「唔緊要，但......」
「我點解喊？」
我點頭示意佢估中左。
「My mom上星期過左身。」佢眼神好哀傷咁望出窗。
「Sorry，提起你啲傷心事。」
「No！」
之後，我哋就一直坐喺窗邊傾偈，就好似家姐上次同佢傾偈一樣，乜都傾一餐。
「家姐！」我返到屋企己經係凌晨12:00。
「咁夜�H？有party？」聲音由廚房傳出黎。
「嗯！」唉......應承左大老闆唔講出去，惟有講大話啦。
「今日啲客好煩，又要食，又要玩，好鬼嘈。」我繼讀作。
「係？」家姐攞住減肥茶走出廳。
「咁你今日又做左啲乜呀？」我襯有機會即轉話題。
「今日？無咩特別，只係接受訪問。」家姐坐喺咕𠱸度答。
「噢......」結果全晚我好成功咁無再提過今日咖啡店發生�H事。
之後，每日我都好正常咁返咖啡店，而大老闆亦照常咁返咖啡店睇數簿。
不過，你除左對住數簿外，仲會同我同Niki傾偈𠻹！
不經不覺佢已經黎左間鋪成個月啦，每日都好開心。
點知，有一日佢佢喺Bar枱前我哋講「呢個月�H收入唔錯，應該無咩大問題㗎啦，相信下星期我唔洗再黎啦。」
「你講真㗎？啱啱先開始熟，就話要走。」Niki扁住咀講。
「做咩呀，鐘意左人？」我對Niki講。
「邊有！」佢哋兩個�H面都紅得好厲害。
「收工啦，我走先！」Niki承機轉話題。
Niki走左之後，今日又再次得番我同大老闆兩個人。
唉......為左打破沉默，惟有搵啲話題黎講啦！
「呀！你听日唔洗再黎，係咪？」我一邊抹枱一邊講。
「嗯！」佢望住閃下閃下�H裝飾講。
「咁，你之後會去邊？」我繼續不停抹枱。
「去另一間分店。」
「都係睇數簿？」我笑住問佢。
「係呀！」
「講真！其實有咩咁好睇呢？點解你會睇成個月？」我停左手望住佢。
「嗯......其實......」佢雙眼開始望向枱上面�H餐巾。
「其實？」我完全唔明白佢喺度講乜。
「其實......」佢突然企左喺度，而且仲一邊講一邊慢慢走到我身邊，不知不覺原來已經走到同我只差半隻手位�H距離。
「其實我一早就睇完，只係......」
「只係？」我頭上佈滿左問號。
但喺之後一秒，我已經再次進入左佢�H懷抱，但......今次就感覺唔到嗰種......被保護�H感覺，相反......
過左一段時間後，佢終於放開左我，而且仲對我講......
「你可以做我的女朋友嗎？」
「下？」
「做我女朋友，好嗎？」對於我呢個肥妹黎講佢，我絕對難以對佢Say No！
所以，結果我應承左他。
之後嗰日就開始左我哋第一次�H約會啦。
講真呀！同佢拍拖真係一件好開心�H事。唔知係咪因為行街嗰時，成日有靚女望住佢，而且買野嗰時仲成日會有優惠呢？
「Naqua。」佢拖住我講。
「做咩呀？」
「不如今日我哋......」
「嗯？」我成日俾佢攪到滿頭問號。
「我哋......」
「吓？」
「自己煮飯食咯。」
「噢......好呀！」
之後，我哋就好開心咁一齊去街市買菜。
「嘩......好豐富喎！」Sammy望住啲餸講。
「嗯！開始食啦！」
呢餐非常之好味，可能因為係我同佢第一餐一齊煮�H飯啦。
食完飯，我哋就坐喺沙發上睇VCD，佢屋企除左我買俾佢嗰啲VCD之外，大多是外國片。但唔知喺幾時，佢�H櫃裏面多左好多港產片，而且全部都有家姐份拍㗎。
「噢......原來你係家姐�Hfans。」我喺佢懷抱裏面講。
「嗯......係呀！」
「咁要我幫你攞簽名嗎？」
「嗯......好呀！」
「點解你唔問我攞家姐啲碟呀？我有折㗎。」
「係咩？」他講完就放開左我，自己行入房裏面。
「Naqua。」佢喺房叫出黎。
「什麼？」我立即走進他的房間去。
「听日我要離開香港大約一個禮拜。」原來佢喺度搭緊行理。
「真係？」我接着說「去邊呀？」
「去日本。」
「買新貨？」因為佢成日會去唔同地方搵新咖啡豆，所以已經習慣左佢有時唔喺我身邊。
「妹！」返到屋企，家姐第一件事就係叫我入佢房，佢話有事要同我講喎。
「妹，我听日要離開香港，今次大約一星期左右。」點解呢句野好似咁熟�H？
「咁去邊呀？」我坐喺佢張床度問。
「日本。」
「日本？」當時我個心喺度諗『咁啱�H？唔知佢哋會唔會見倒呢？』
好彩佢哋上機�H時間唔同，唔係我就送唔倒Sammy上機啦，因為每次家姐出國我都一定會送機。
佢哋離開後嗰個星期，世界非常之平靜，咩事都無一發生，只係喺佢哋返香港前嗰日......
「歡迎光臨！」Niki照常好溫柔咁對客人講。
「歡迎光臨，請問要啲咩野飲呢？」我喺客人旁邊細聲咁問。
「朱古力！」他指住餐單上面幅圖講。
「Sorry，呢杯唔係朱古力，而係咖啡。」
「咁，呢度有冇朱古力？」佢語氣仲溫柔過Niki。
「有，你要熱定係凍冷朱古力？」
「咁俾杯凍朱古力呀！」
「好！請等一等。」
呢位客人一坐就坐到我哋收鋪，全日只係喺度睇下書，望下景咁，乜都無做過。
「先生，對唔住呀！我哋先幫你埋單呀！」Niki攞住張單走到佢面前。
「噢！Sorry，我想講......I haven't enough money。」
「咩話？無錢？咁你又飲？」Niki差啲就攞起佢身邊個相架打落個客�H頭上面。
「Niki，停手！」好彩我及時阻止左佢。
我跟住就對客人講「先生，你身上真係一啲錢都無？我哋可以用EPS或者係其他信用咭㗎。」
「Sorry，我啱啱由德國返黎，我啲family又去左外國，So......」佢企起身原來係咁高㗎。
「咁，算啦！呢杯我請你飲呀！」
「Naqua。」Niki觸住我衣袖講。
「沒所謂啦！一杯朱古力。」
「我叫陳祖羲，Thank you！」佢伸出佢隻手，示意想同我握手。
「You are welcome！我叫張飛雪，叫我Bonaqua或者Naqua呀。」講野同時我巳徑同佢握緊手。
第二日，我又去左機場，今次係接機。由於家姐要直接去錄音，所以今日我只需要接Sammy機。
「Sammy！」
佢抱住我問「掛住我嘛？」
「掛！」講真！唔係佢問我，我都唔覺得今次我係特別掛住佢。點解呢？
「我哋返屋企啦。」佢拖住我講。
返到廬企佢就即刻攞手信俾我，今次係一個毛公仔。
「嘩！毛公仔噢！」我勁開心咁抱住個毛公仔講。
「鐘唔鐘意呀？」佢從後抱住我好溫柔咁問。好奇怪，我又再次感覺到佢第一次攬住我嗰份被保護�H感覺。平時係無㗎，點解......
「鐘唔鐘意呀？」佢再問我。
「鐘意呀，點解今次咁聰明�H？你點知我鐘意呢個公仔？」
「嗯......可能吸取左上幾次�H經驗啦！」
「算你啦！」
嗰日，因為家姐錄音唔滿意所以成晚無返屋企。結果，Sammy過左黎我屋企陪我，而今次係佢第一次喺我屋企訓。開始嗰時我仲以為我哋會發生啲咩事，點知我哋乜都無做過。
「早晨！」Sammy走到廚房，佢又從後攬住我。
「食得早餐啦，快啲去刷牙啦！」我一邊煎蛋一邊對佢講。
食完早餐，我哋就各自返工。
「Niki，morning！」我放低袋之後走到佢身邊講。
「Morning！點呀？」佢背住我講。
「吓？」
「你男朋友又送咩俾你呀？原子筆定係當地特產？」
「全部都唔係，係......毛公仔！」我用勁開心�H語氣講。
「毛公仔？佢今次咁醒？」Niki轉過頭黎好驚訝咁問我。
「嗯！」我用力點左一下頭。
「係咪有人教你㗎？」Niki一邊抹杯一邊講。
「唔會掛。」我好猶疑咁答。
「歡迎光臨！」Niki對門口講。
「歡迎光臨，請問要啲咩野飲呢？」我走到客人身邊問。
「凍朱古力。」原來係上次個客。
「係你？」
「Hi！Naqua。」佢好溫柔咁對我講。
「今次有無帶錢呀？」
「無呀！」
「無？我唔再請你㗎啦！」我哋一齊笑左一聲。
「今日放工得閒嘛？」佢突然好正經咁問。
「吓？」咁係咪即係約我？我應唔應該應承佢呢？
「倣咩呀？我無其他意思，只係想Thank you你上次幫我咋。」
「一杯朱古力咋喎，唔洗啦！」我面紅紅咁答。
「俾喲面我啦！」
點好呢？雖然我有男朋友，但識多個朋友都唔代表啲乜呀！
「好呀！我今日收七點。」我攞起餐單對佢講。
「咁我七點黎接你㗎啦。」
唔知係咪無乜野做呢？不知不覺已經七點。
「Naqua！」Niki喺我背後好大聲咁叫我。
「Hi！七點啦。」嘩！我一向後望，我只見倒一束好大�H花，花後面係......Sammy嘛？不過佢從未送過花俾我㗎喎。
「Naqua！」吓？係佢？
「Hi！係我呀。」我真係呆左呆。
「陳祖......羲？」我差啲唔記得佢個名。
「唔好叫我全名啦，叫我Hey！」佢再次遞花俾我。
「Hey？」我接花之後講。
「靚唔靚呀？」佢問我。
「靚！Thank you！」
「你第一次收花？」
「你點知㗎？」我好奇咁問。
「唔話你知。」佢講完仲做左個鬼臉。
跟住我哋就開始一日�H旅程。
分類: 未分類 |
