shirley125 : 個人主頁 - 相簿 - 訂閱  [ QOOZA - 論壇 - 登入 ]
shirley125
暱稱： Slowly
性別： 女
國家： 香港
地區： 北區
«‹ April 2019 ›»
SMTWTFS
123456
78910111213
14151617181920
21222324252627
282930
最新文章
•潘朵拉的盒子
•短篇故事－十月（上）
•劇本－《得閒食飯》
•劇本－《今年你會回來...
•劇本－《你不懂 我 不...
每月文章
文章分類
•全部 (34)
•Story (15)
•Unreserved Times (76)
•心情小品 (3)
•生活短篇 (2)
•在大官的日子 (58)
•見證分享 (9)
•歌........ (56)
•未分類 (546)
2016 年 12 月 25 日  星期日   晴天


潘朵拉的盒子 分類: 未分類

每個人心裡都會有一個潘朵拉的盒子，這個盒子載著的都是曾經讓你覺得幸福、開心的事情，只是這些東西都過期了，但你又不捨得delete的人、事或物。其實在把這些人事或物放進盒子裡已經是很難，需要用很多的時間才能完成，因為我想很多人都跟我一樣，雖然這些人事物想起會那麼的不開心，但卻又是我們認為很重要的事，所以我們都會三不五時在回憶中找那些小片段出來，然後再把它小心的放進盒子裡，就像宙斯把希望、疾病等放進盒子裡一樣，好不容易終於可以鎖好盒子，以為可以過好日子了。

可是有一天你覺得過得很自在的時候，卻又不小心找到盒子的鑰匙，然後好像潘朵拉一樣心思思想打開盒子。當然我們不會像潘朵拉那樣全都打開，因為我們都知道裡面都是寶貴卻又會令自己感覺苦澀的事，所以我們都會很小心慢慢的打開，在盒子的門縫中看盒子裡的東西，然後又小心的把它關好。

 

可是又有一天，我們不再滿足於在門縫中看裡面的東西，我們就會好像潘朵拉一樣把盒子大大的打開，讓那些不想再想起，很辛苦才鎖好的人事物飛出來，而當我們再看這些你珍而重之，以為很重要的人事物時，你卻發現那些東西跟你在門縫間看到的不一樣時，你又會感到一點失落；但是我們還有希望在盒子裡，那個乖乖的希望留在我們的身邊，讓我們覺得雖然有點失落，可是那都會珍貴的回憶，甚至覺得那些人事物飛走了都沒有所謂,只要再創造新的就好了｡

 

直到有一天，盒子不知道為什麼打翻了，盒子裡唯一的希望飛走了，你就會突然覺得那些以前飛走的人事物才是最真實的，那刻你才會發覺原來希望才是最邪惡的東西，它把所有真實的東西都遮擋了，而它也不是我們想像中的那麼乖，會繼續幫我們遮擋真實，自顧的走了，剩下了一個空盪盪的盒子…

 
發表時間：2016-12-27 01:51 AM  [ 訪客留言(0) ] [ 編輯日誌 ] [ 分享至FACEBOOK ]


2016 年 10 月 9 日  星期日   晴天


短篇故事－十月（上） 分類: Story

那年十月他回來了...

十月，冰冷的季節，每到這一個月安晴都會看著日曆，倒數著她的生日，但是那年的十月對她來說特別的難忘，因為...他回來了。

那年十月，只有12歲的安晴，呆呆的看著月曆，看著自己生日的日子，家人都在談買什麼款式的生日蛋糕幫慶祝她的生日，可是她跟本就不在意，應該是說她和她的家人都沒有在意這件事情，因為兩個月前，她的爸爸拿著大包小包的離開這個家了，她還記得那天她爸踏出家門口的那刻，她哭得渾身都是汗，冬風經過她爸身邊向她吹來，很冷....“啪”一聲消失了，全都消失了。冬風走了，她爸也走了...

月曆上的叉愈來愈多，已經到了十月中旬。她呆呆的看著月曆，想著小時候生日，她的爸爸都會親自下廚弄她最喜歡吃的炸薯條給她吃，雖然她都覺得味道怪怪的，不像連鎖快餐店的吸引，可是卻很有意義，她都記得那個被熱油濺到而留下一個小紅疤的大肚皮，她在想這個會不會第一個沒有爸在的生日，就在生日前的一個星期，她終都等到了，等到她爸回來了。看著那個曾經在冷風中消失的爸爸，又在冷風中出現了，今次冷風雖冷，可是卻帶了一點陽光的温暖。她爸進到屋𥚃，帶著一個温柔的笑容...他慢慢的在門口旁邊的椅子坐下來，拿出兩個有紅豆的砵仔糕，那是安晴第一次，而且是唯一一次吃砵仔糕，好甜，甜到她一輩子都不會忘記那個味道。

有一句話說，如果人不從過去的事情中汲取教訓，學會那門功課，那麼它就會不斷的在你的人生中重複出現，直到你學會那一門功課為此。說的沒錯，兩個相愛卻不瞭解對方，不敞開心胸把問題解決，最後歷史只好重覆，讓你再去面對自己的內心，面對自己真正的想法。那是他第二次離開這個家了...從她爸回到這個家到再離家的這些日子裡，安晴經過了愛人，被人愛的過程，她明白愛這樣東西很難說出口，因為她自己的性格跟她爸的性格很像，明明想關心對方，明明還愛著，卻什麼都不說，什麼都不做，只是在心𥚃默默的祝福自己愛的人，靜靜的關心他；安晴是一個不想帶給別人麻煩、煩惱的人，所以長大後很多事情都會自己做決定，所有的不快樂都不會別人說，自己的事都不會說，更何況是家裡的事。有時候在街上看到上了年幾的伯怕阿姨都會很羨慕，他們可以牽著對方的手那麼久。小時候的她，很希望她的白馬王子可以快點出現帶她離開這個家。可是現在長大了，她希望這些苦她自己受就好，她不想她的另一半與她分擔。當她遇到了她人生中第一個、最讓她難以忘記的男生時，她以為雖然他什麼都沒說，可是她能感受到他對自己和其他人是不同的，他是愛她的，直到有一次他們一起出去時，男生與一個女生發生了爭執，與男生同行的安晴卻被無辜的拉入戰圈，那時候男生很生氣，差一點就出手要打那個女生了，那時候的安晴真的很害怕，她怕男生真的會動手，她心裡跟自己說如果他動手了，她就會離開他，不過她很幸運男生最後沒有真的出手，而安晴最後也因為沒有勇氣跟男生表白，兩人就這樣隨著時間，隨著大家環境的改變而没有聯絡了。經過四、五年，安晴還是不能忘記那個男生，每次當她想重新開始的時候，男生的影子總會出現在她的腦海裡、她的夢裡。那麼多年，每次緊張、累了、不開心的時候，安晴都會想到那個男生，那個男生曾經在她最不開心的日子裡，陪她聊天，在她緊張的時候教她放鬆心情的方法。現在雖然只剩下安晴一個人，可是每當安晴不開心想哭，累了不想前進的時候，她都會想起那位男生跟她說要做一個好孩子，要乖乖的。每次想起這些安晴都會在心裡說：我會乖乖的。不知不覺他成為了安晴的安慰，儘管這位男生都不知道。
發表時間：2016-10-30 11:20 PM  [ 訪客留言(0) ] [ 編輯日誌 ] [ 分享至FACEBOOK ]


2016 年 9 月 25 日  星期日   晴天


劇本－《得閒食飯》 分類: Story

場：第一場

地：家•客廳

人：偉父，幼年偉，偉母

時： 80’s 某日黃昏

 

◎八十年代的公屋，八歲的偉在廳，手指百無聊賴地刮着枱墊的角邊，在等吃飯。

◎母忙碌地把飯餸拿到飯桌，放好，望向房門口。

◎母走到房門口，舉起手，遲疑一下，敲門。

母：(向偉父) 食飯喇！

◎（計算機聲）一隻飛快按計算機的手頓了一頓。

◎母背後的偉同樣等待父回應，手指更用力刮着枱墊的角邊。

父 VO：唔得閒呀，你哋食先啦。

◎母走回飯桌，桌上放著三雙碗筷。

母：（對偉說）食飯啦！

◎Montage 母走到房門，敲門問父，答案亦是一樣。

 (此處拍多幾個，再INSERT偉書包裏的課本的年級一路高上去，或用鞋的大小，交代時間流逝)

◎INSERT母每次敲門偉用手刮枱墊。

◎數載過去，枱墊幾得殘舊，但一角落幾乎破掉了。

◎母敲門。

◎刮枱墊的手。(轉場是也~)

 

場：第二場

地：家

人：90’s 某日黃昏

時：中學偉，偉母

 

◎刮着書角的手指。 

母VO：食飯喇！

◎房裏抬頭的是中學偉。

◎偉翻一翻教科書後面，見好多未溫。

偉：唔得閒呀，你自己食住先。

(重要，暗示父母已離異)

◎母獨個兒吃飯吃畢，蓋好飯菜。

 

場：第三場

地：MONTAGE

人：中學偉，偉母，偉中學同學，偉朋友

時：90’s(全為夜)

 

◎母把飯餸拿到飯桌，放好。(接上一場蓋的動作做過場)

◎偉拿著藍球，從房門走出來。

母：食得飯喇！

偉：(悔氣)約咗人，唔得閒呀。

◎偉出門。

◎偉與幾個同學打藍球。

◎偉與同學邊從圖書館自修室走出來，邊吃漢堡包醫肚。

◎偉與朋友在餐廳快活地吃飯。

◎鏡頭由桌上的PIZZA pan過去，偉在同學屋企打任天堂。(睇你有冇果款手掣)

◎打完藍球的偉打開家門見到枱上蓋好的飯菜。

◎食飽飽漢堡包的偉打開家門見到枱上蓋好的飯菜。

◎同朋友在餐廳吃飽飽的偉打開家門見到枱上蓋好的飯菜。

◎打完靚機的偉打開家門見到枱上蓋好的飯菜。

◎在房溫書的偉打開房門見到枱上蓋好的飯菜。

◎偉打開飯蓋，若有所思。(無視飯菜)

◎偉將飯菜拿入房。

◎偉繼續埋首溫習。

◎偉的手指刮着書頁的邊沿。

 

場：第四場

地：偉公司

人：偉，偉同事，秘書

時：下午

 

◎偉的手指刮着文件的頁邊。

◎桌上電話響起。

◎偉按免提通話掣。 

秘書(電話通話)：張經理，你媽媽搵你。

偉：(連忙拿起電話聽筒)同我接入嚟。

母(電話通話)：偉仔，今晚留唔留你餸？

偉：(不耐煩)我咪話個月都會忙到踢晒腳囉，仲有，下次唔好打黎公司，喺我手提留言得囉。

（桌上的電話顯視多個未接來電）

母(電話通話)：哦，我唔阻你做嘢喇… …

◎偉想收線。

母(電話通話)：(補充)唔好食咁多街邊嘢，冇益嫁… …

◎辦公室裏，大家都很忙，開始踏入晚餐時間。

秘書：(向整個公司的同事)我去叫外賣，大家食咩？

◎同事陸續開口講自己要食咩。

◎偉準備開口。

秘書：(強裝客套的語氣)張經理，你媽咪頭先拎咗飯嚟比你喇。

◎同事甲聽到後忍俊不禁。

秘書：佢話記得飲咗湯先食飯，打咗個底，容易啲吸收… …

偉：(尷尬)得喇得喇，比我得喇。

同事甲：食飯喇，囝囝~

◎偉用手肘撞了同事甲一下。

◎同事甲被撞跌了他的名牌銀包。

偉：嘩，你發咗達呀？

同事甲：就黎廿一號，搵啲地方洗吓錢啫。

偉：(GET唔到)吓?

同事甲：十二月廿一呀！世界末日呀！

偉：你知呀我唔信嫁，你平時都唔信呢加嘢嫁。

同事甲：是但啦！比個藉口自己消費吓！之前MANDY「寃」我買個滴痾手袋「寃」咗幾耐，我而家說服到自己買比佢喇。

偉：(向鏡頭)末日？一個幾千年前留底�H曆法竟然影響到而家。曾幾何時，我以為屋企會末日，之後，日子咪又係咁過。（當內心讀白，就咁完，下面不用）

偉：(向同事甲)外賣未到，你返去做嘢啦。

同事甲：日做夜做，輕鬆吓啦！你冇女友，咪買啲野比伯有囉。幫吓手，買兩條絲巾送個水晶匙扣，MANDY好恨要！我最近都買到窮喇。

偉：無啦啦買咩啫？唔通我同佢講，HEY，末日禮物呀！

同事甲：送禮物都要咁多理由咩，咪借頭借路話係生日禮物囉。

◎偉沉吟了一會，他記不起媽媽的生日。

  

場：第五場

地：街

人：娛樂採訪員、眾訪者

時：2012年12月21日冬至

 

◎電視畫面，《娛樂快送》正在播放，畫面右邊顯示溫度、濕度、日期(2012年12月21日)。

娛樂採訪員VO：有傳今日係世界末日喎，你有咩心情？

學生妹：(羞澀)吓… …唔知呀… …  (係就快D到)

上班族：係�H就會有先兆啦！（年年都咁講嫁喇！）

阿太：(笑言)或者啦，所以今日早啲返去同屋企人做冬。

◎師奶提着幾大袋餸邊行，鏡頭和咪邊跟着。

師奶：睬過你呀！

鹹濕伯父：(對着女主持)唏，姐姐仔~  （這個不要）

 

場：第六場

地：公司

人：偉，同事甲，同事乙

時：冬至•下午五時

 

◎辦公室只有偉仍然埋頭苦幹地工作，其他同事也正在收拾回家。

同事甲：阿偉，你仲唔走?

偉：未做晒走咩啫（說畢又埋頭苦幹）。（好似同同事發脾氣咁＝＝“ 『做埋先！』）

同事甲：過冬都要踩到咁晏！真係服咗你！我就走先同屋企人食飯咯！

◎偉才醒起今日是冬至。（看枱上月曆）

◎公司空蕩蕩的剩下偉一人。

◎其實偉也沒什麼要趕着，他疲倦的拋下文件，離開辦公室。

 

場：第六場

地：公司大堂•笠口

人：偉，偉母

時：冬至•下午五時後

 

◎偉出笠直走向大門。 

一個女人：(叫着偉)偉仔！偉仔！

◎偉回頭，見是母親，她戴着一條精緻的絲巾，提着飯壺，想是給偉送飯。

母：早放？

偉：係呀。

母：(喜)咁返屋企食飯囉？

偉：好。

 

場：第六場

地：公園

人：偉，偉母

時：冬至•下午五時後

 

◎偉、偉母兩人歸家途中。

◎母的腳軟倒，狀什痛苦。 

偉：做咩？

母：天氣太凍，啲血唔到，腳抽筋。

偉：我扶你。

◎偉去扶母，但自己身體某處痛起來。

母：你點呀？

偉：喺OFFICE坐得太耐，條腰坐硬咗。

◎兩母子也不知是誰扶誰，兩人互相依傍到長椅歇一下。

◎兩人沒話題，氣氛有點侷促。

母：(打開飯壺)點呀？肚唔肚餓？食啲野先啦。

偉：(抗拒)唔好啦，當街當巷。

母：咁都飲啖湯暖吓。

◎偉勉強接過，碰到母冰凍的手。

◎偉脫下外套披在母身上。

◎母意外。

◎偉若無其事飲湯，不願意突顯自己留心的舉動。

◎兩人的身體開始溫暖起來。

母：行咯，暖返啦，郁得咯。

◎鏡頭映着二人漸遠去的背影。

（OPTIONAL）

母：做咩行呢邊？

偉：去張記食罷啦。

母：(講笑)係喎，嗰“恕”你有股份。（＠＠”)
發表時間：2016-09-25 01:30 PM  [ 訪客留言(0) ] [ 編輯日誌 ] [ 分享至FACEBOOK ]


2016 年 9 月 24 日  星期六   晴天


劇本－《Thank You》 分類: Story

第一場：

時間：9月1日早上   地點：學校    人物：小美、小美姐、眾同學

第1A場： 

地點：校門前

△ 一班同學三三兩兩的進入學校，大家也說過不停

第1B場：

地點：走廊大堂

△ 擠滿了同學，打球、聊天、吃東西

第1C場：

地點：小食店

△ 小美與她的姐姐坐在小食店附近的桌椅上，小美不專注地看報，姐姐與她的同學在聊天

△ 一個陌生的臉孔走進學校，在學生身邊走過，因距離太遠小美看不見他的面貌，但他筆直的走路姿態，卻吸引了小美的注意

第1D場：

地點：操場  人物：眾同學、小美、李sir、甲老師

△ 同學一個一個整齊排好，小美站在離講台不遠的地方，甲老師在台上致開學詞。

甲老師：各位同學早晨，新一個學年又開始啦！對於唔同�H同學都有唔同�H意義，特別係畢業班�H同學，今年係你地最後一年係學校，希望你地都有一個開心�H一年。古人話破舊立新，今年學校都會做好教育�H工作，希望能夠教導大家成為有學問，有禮�H同學。今年我地都有一個新同事，新老師加入，佢就係李嘉仁老師，李sir。

李sir：各位同學大家好！

△ 各同學拍掌

甲老師：李sir今年會教低年班�H音樂科。

小美：（VO）原來佢係教音樂�H。


第二場：

時間：9月1日早上   地點：小美班房    人物：小美 、乙老師、眾同學 

△ 同學回到班房，與前後的朋友聊天，小美看她的小說，吵罵非常

△ 乙老師走進班房

乙老師：好喇！各位同學，我知道大家好內冇見一定有好多野分享，但而家係上堂，應該要收拾心情上堂呀！（同學漸漸安靜）好喇！而家就派一張課外活動表格，落堂前收黎，大家可以諗下參加什麼課外話動。

△ 小美接過表格，看也沒看選單就寫上“基督徒團契”，交了。

 

第三場：

時間：9月3 日放學後  地點：音樂室   人物：小美、2﹣3同學、李sir

△ 小美揹著書包到了音樂室，音樂室一個人也沒有，鋼琴在門口旁邊，鋼琴前前放著多張學生坐位，她把書包放在其中一個坐位上，走到鋼琴前站著，打開鋼琴，在敲敲打打，突然旁邊的門打開了，把小美嚇了一跳，是李sir到了。

李sir：（年青人口吻）HI∼

小美：（還沒回過神）..hi…hi…（李sir走到小美書包旁邊的坐位，坐下，小美趕快蓋上琴，隨他去）

李sir：（帶外國音）到左好內喇？

小美：（有點駒緊）唔係呀！岩岩到。

李sir：（和藹可親）坐喇！（小美駒緊的坐在他旁邊）時間仲早，我地等多一陣。

小美：嗯！（一陣沉默）

李sir：（帶外國音）我叫李嘉仁，我教music，岩岩先係外國返黎，以後多多指教。

小美：（害羞的笑）嗯！我叫梁小美，D人都叫我小美，今年中三。

李sir：我有份教你啊！

小美：係呀！

△ 其他同學到了

李sir：歡迎，隨便坐！（其他同學坐下）歡迎大家！岩岩上完堂，休息一陣先開會，等的自我介紹先…（李sir說畢，同學各介紹自己，小美看著他分神）

△ 各同學也介紹完，只剩下小美

李sir：小美，我剛認識了！我年幾大，大家要俾少少時間我記下你地D名。（俊笑）好多謝大家加入，今年我係新手，請大家多多指教。咁我地入正題喇！大家都知道我地今年聚會�H時間會係一個星期五放學，我想同學黎到團契都能夠係忙碌�H一調生活入面，可以輕鬆一下，黎緊呢個星期第一個週會，將會係迎新會，咁…領詩邊個想？

小美：（反應過大，舉手）我….（全音樂室靜止了，全部人的目光也看著她，她覺尷尬，慢慢縮低手）

李sir：難得小美咁踴躍，黎緊呢個星期就交俾你。你定左咩歌可以話俾的知，到時我地再夾，我幫手做詩琴（小美有點緊張，不停地低頭深呼吸），至於宣傳個方面…

△ 出面的天空由白轉黑

 

第四場：

時間：同日晚上           地點：小美房間           人物：小美

△ 小美開著房內的檯燈，低著頭想著想著，李sir的聲音在耳邊不斷迴響
△ 畫外音，李sir：你定左咩歌可以話俾的知，我幫手做詩琴…你定左咩歌可以話俾的知，我幫手做詩琴…
△ 突然抓狂似的猛然抬頭

小美：啊！！！！ （小美自言自語）醒喇！梁小美！點都要揀左歌先嫁（對著電腦屏幕，左選右選，十分認真）

 

第五場：

時間：翌日小息     地點：音樂室外走廊    人物：小美、李sir、數同學 

△ 小美急步前往音樂室找李sir，同學陸陸逐逐從音樂室走出來，最後李sir與數位女同學有說有笑的走出音樂室，小美快步上前

小美：李sir…

△ 李sir 聞聲轉過頭來，再回頭與同學說再見，同學下

李sir：小美，搵我有事？

小美：（喜）…迎新會�H歌，我已經搵好喇！

李sir：（讚賞）咁快，等我睇下先（小美雙手递給老師，老師接過，一會兒）哦！呢首歌呀…我都未聽過（二人尷尬的笑，沉默一會）下星期二放學後，你得唔得閒？（小美反應遲緩，隔了一會才點頭）咁星期二放學後，你黎音樂室搵我，我地可以夾一下，（轉身狀，微笑著）我都要返去練習一下。

小美：嗯！

李sir：咁星期二見啦！（二人轉身離開，一個向左一個向右）

△ 小美低著頭快快地走，直到心情開始平伏，她轉身回望，只見老師消失在走廊的盡頭，她轉身走回課室

 

第六場：
時間：montage 地點：學校音樂室/ 小美家       人物：李sir、小美

（第六A至六D，二人像是在不同空間對唱似的）

第六A場：

地點：小美房間       人物：小美           時間：星期六

△ 小美在房中練習唱歌

小美：憶當天的那段舊夢，祂仿似與我夜裡共行…

第六B場：

地點：學校音樂室      人物：李sir          時間：星期六

△ 李sir在學校音樂室練習，不時彈錯）

李sir：（彈奏）沙灘中的每段道路，編出你與我兩雙足印…

第六C場：

地點：小美家        人物：小美         時間：星期日

△ 小美在客廳不專心地看電視，嘴裡唱著歌

小美：漫漫路無論多少崎嶇，都有基督緊握我手…

第六D場：

地點：學校音樂室     人物：李sir         時間：星期二早上 

△ 李sir在學校音樂室練習，彈得較前者好

李sir：（彈奏）遇寂寞但也不孤單，明白你是共行…

第六E場：

地點：學校音樂室     人物：李sir、小美      時間：星期二放學 

△ 李sir在學校音樂室練習，小美放學來到，透過玻璃見到李sir在練習

△ 小美輕輕開門，李sir並沒有留意到，小美站在他的後面，看著他擺動著的背影，不知不覺唱起來了

小美：回望我過去多少的失意，但你每次每次也在旁，

　　　是你抹我淚痕，是你揹我經過，

　　　明白到有你居於心深處，我不再是獨行（我不再迷路向），

　　　前路有你共行，留下雙雙足印。

 △ 直到音樂結束，李sir 輕輕的轉身

 李sir： 你唱得幾好喎！有冇興趣加入合唱團呀？

 小美：（害羞）係咩！多謝你！（VO）從來都冇人讚過我唱得好聽，佢係第一個。

 李sir：放低書包，我地一齊夾下。

 △ 小美把書包放在音樂室的學生座位上，走回鋼琴前，面對著李sir，李sir開始彈奏，小美唱著

 △ 李sir的手在琴鍵上彈著

 

第七場：

地點：學校音樂室     人物：李sir、小美、眾同學         時間：團契

 △ 李sir 的手在琴鍵上彈著，已是團契的時候

 眾同學 ﹠小美：明白到有你居於心深處，我不再是獨行（我不再迷路向），前路有你共行，留下雙雙足印。

 小美：今日我領詩到呢到，之後交返俾李sir.

 李sir：呀！大家好，我係李sir，今年第一年黎教書，大家可能對我陌生少少，但應該大部份我都會教�H，我都唔講咁多，跟住落黎我地一齊玩個熱身游戲。而家每人有一張紙，紙上寫上你地�H名，之後將呢張紙貼係你地�H背脊，大家就可以四圍去其他人�H背脊到寫低你對個個人�H第一印象，當然唔可以惡意攻擊啦！大家準備好就可以開始。

△ 眾同學、小美、李sir在音樂室四處走動，寫上對大家的印象

△ 小美在李sir的背上寫上：彈琴好好聽，沒有架子；李sir亦在小美的背上寫了他的印象

李sir：好喇！（大家聽到李sir說話，回到自己的位置上）大家都差唔多寫完喇！而家可以將將紙拎返落黎，睇下同學對你的印象。其實呢個遊戲係想你知道你俾人�H第一印象係點，耶穌話我地係照著佢�H樣式做人，如果你紙上寫�H同你頭先寫係人到�H差唔多，咁就代表左我地可能大部份人都會有呢D特點或者性格（小美聽得津津樂道），到我地相處�H時候，我地都應該知道點樣去同人更易相處，我諗呢個遊戲我地學期尾再玩，上面寫�H野一定好唔同，不如我地而家唱第二首歌，一齊祈禱，結束我地今週�H團契。 

△ 李sir走到琴前，眾同學在唱歌，小美手握著紙，準備翻開

 

第八場：

地點：小美房間     人物：小美        時間：同日晚上

△ 小美翻開紙，見到不同人對她的印象，在一處見到特別字體想必是李sir的字跡，上面寫著「樂於助人、溫文沉靜」，小美拿著紙張，想出神，回想他彈琴時的背影，他讚賞她唱歌

△ 小美抽屜裡拿出一本有鎖的新日記本，在內頁寫上《我的老師》

小美（VO）：2006年9月15日，晴天，今日係今年第一次團契，今年黎左個新�H老師，李嘉仁，雖然好多同學都笑佢個名，但係喺我心目中呢位老師係與眾不同，佢總係有一種能力令人�H視線都離唔開佢。

△ 小美把這張紙條夾在日記本內，關上燈

 

第九場：

地點：學校     人物：李sir、小美、團契的眾同學         時間：旅行日

△ 字幕：2006年12月

△ 空鏡：學校裡都掛上了聖誕的裝飾，在學校的操場上正正放了一顆高高的假聖誕樹，傳來一陣同學的笑聲

△ 一群團契的同學在操場旁邊的石椅上坐著

△ 李sir與小美在一邊聊天

李sir：…佢地笑我，我知道嫁，但係…做人最緊要開心，食飯要開心，玩要開心 。想做咩，就放膽去做，呢D先叫做青春。（說畢，他勁自大笑，小美只在微微的陪著他笑）不如你估下我今年幾多歲！

小美：（靠近李sir，低聲說）…

李sir：其實我今年已經（在小美耳邊道）…係咪睇唔出呢！

△ 小美笑著搖頭

 

第十場：

地點：燒烤場     人物：李sir、小美、團契的眾同學         時間：同日

△ 一班同學在燒烤場玩耍，有的在海邊玩水，有的在旁邊的桌子上玩紙牌遊戲，只有李sir在燒烤，身邊坐著小美，二人有說有笑的

李sir：...所以話，新聞係最好與人溝通的方法，就算你同個個人唔熟，但佢都會睇新聞，新早就變左你地之間認識�H…bridge 喇！（小美想了一想明白了李sir的說話，笑笑，李sir續說）點呀！我黎緊音好學會諗住搞樂器班，你有冇興趣參加呀？

小美：（有點雀躍）有咩樂器呀？

李sir：鼓…電子琴…你仲有冇想學？我都可以問下有冇其他同學想學之後組班。

小美：電子琴！

李sir：好呀！我到時預埋你！

小美：會係逢星期幾？

李sir：多數星期三放學，我都要再同個老師傾下先定到，到時你有時間�H未黎參加囉！

小美：嗯！

 

第十一場：

地點：家門前     人物：小美、父母         時間：同日 

△ 小美開開心心地回家，準備開門時，小美的樣貌180度轉變，屋內傳來吵架的聲音

小美媽：（VO）我係出面捱生捱死，你呢日日訓到黃朝百晏，唔踢都唔起身，好啦！而家俾人炒左喇，安樂喇！

小美父：（VO）炒左咪炒左囉！好大件事咩！最多我以後都唔食係�H好未。

△ 小美失落，打消回家的念頭，她慢慢走，與家門愈來愈遠

 

 

 

第十二場：

 

 

地點：家附近的公園     人物：小美、途人         時間：晚上

△ 公園內的人不算很多，天空還沒完全被黑夜吞沒，小美走在跑步徑下，使勁地跑，是想著跑掉些什麼似的，跑到疲倦，在跑步徑旁的小涼亭坐著

△ 小美望著入夜了的天空，想著李sir 對她說的話

△ 李sir 畫外音：做人最緊要開心，食飯要開心，玩要開心…做人最緊要開心，食飯要開心，玩要開心…

△ 小美心情慚慚平伏，她起來重新回家去

 

 

 

第十三場：

 

 

地點：家     人物：小美         時間：同日晚上

第十三A場：

地點：家門前  

△ 小美戰戰驚驚地走到家門前，她探頭聽屋內的情況，一片寧靜，她輕輕的開門內進

第十三B場：

地點：家內 

△ 家中漆黑一片，小美沒有開燈，直接走回自己的屋間

△ 小美躺在床上，看著外面射進來的光線

小美（VO）：唔知道你而家係到做咩呢？ 我諗…你�H家庭一定好開心…

第十四場：

地點：香港      時間：晚到早

△ 轉場

△ 空鏡：香港的街道，人群中由夜到早

第十四A場：

地點：學校操場     人物：小美、李sir、眾同學         時間：早上

△ 眾同學與老師在操場上集會

△ 李sir走到台上宣報

李sir：各位同學，早晨！我係音樂科�H李嘉仁老師，黎緊音樂科將會於下個月開始開辦樂器班，有電子琴和鼓班，逢星期三在音樂室舉行，有興趣�H同學可以黎同我報名，唔該！

△ 說畢，下台

△ 小美心裡有點失落

△ Flash Back

（小美與一班同學在聽老師上課）


第十五場：

地點：音樂室     人物：小美、李sir、眾同學         時間：中午 

△ 李sir正和小美她的班上完課，正在收拾物品

△ 小美從他身後不開心的走出音樂室

李sir：小美！（小美回過頭來，看著他）你之前咪話想參加電子琴班�H，就快開班喇！你仲唔報名。

小美：（低聲說）我…逢星期三要補課，參加唔到。

△ 李sir見她像是很失望的樣子

李sir：咁你逢星期四得唔得閒？

小美：啊！

李sir：逢星期四得唔得閒？

小美：得啊！

李sir：咁好星期四放學後，你黎音樂室搵我。

小美：哦！

△ 李sir笑笑，走出音樂室，小美還呆在裡面

李sir：快D出黎喇！我鎖門！（他甜密的笑著）

△ 小美回過神來，快步步出音樂室

李sir：到遲D見。

△ 二人各自回教員室和課室，一個向左，一個向右

小美：（她一邊走，一邊想著，VO） 到底他想做咩？（手緊握著書本）

 

 

 

第十六場：

 

 

地點：音樂室     人物：小美、李sir         時間：放學後

第十六A場：

地點：音樂室門外   人物：小美

△ 小美緊握著書包帶，緊張的走到音樂室門外

△ 音樂室內黑了燈，沒有人在，小美輕輕地打開門，進內

第十六B場：

地點：音樂室內     人物：小美、李sir

△ 小美放下書包，依舊走到鋼琴前，打開琴蓋，在上面敲敲打打，還是上次的那首歌
發表時間：2016-09-25 01:05 PM  [ 訪客留言(0) ] [ 編輯日誌 ] [ 分享至FACEBOOK ]


2016 年 9 月 21 日  星期三   晴天


劇本－《今年你會回來嗎?》 分類: Story

故事大綱:

　　

　　一對男女,在一個史以來最寒冷的冬天相遇,相識,相知相交…不知不覺間,女生開始依賴那個男生,她把他當作腳前的燈,路上的光,就是這樣,他們一起過了最寒冷的一個冬天。 一天,他們如常在一起,冬天已經過去了,頸巾,大褸已經不在,男生突然鬆開女生的手。那天晚上,女生在男生家住了一夜,當女生第二天醒來後,男生已經離開了,一張字條也沒有留下。第一天,女生如常的生活著,但到了第二天,第三天,第四天…那個男生再也沒有出現,也沒有一個電話。女生開始忐忑不安,常常記掛著他,搬到男生的家等他回來。 時間一天一天的過去,女生亦都漸漸回復過來,一切又回到以前一樣。

　　

　　一年過去了,一天女生打開收音機,那邊廂是一段天文台的廣播,說著上年的冷風會再降臨,正當女生回憶著那男生時,男生推門進來,女生感動不已,她終於都等到了他回來!

　　

　　到了第三個冬天,只剩下了四天, 到了冬天的最後一晚,她緊緊的摟著他,因為女生知道他很快又會離自己而去,女生鑽進了男生的懷裡,哭了。果然,到了第二天那個男生離開了,女生已經習慣了如常過她的生活,只是在腦海中味味道來他們相處的時間,盼望著下年再與那個男生相戀。三個月之後女生發現自己懷孕了,她沒有打電話給他,因為打不到,因為這是這場愛情遊戲的規矩,她覺得這是一份聖誕老人腸給她的禮物,她把那個嬰孩生了下來,想著下年可以一家三口一起過,但她萬萬也想不到冬天永遠不再來…孩子一年年的長大,十二月的一天,女生領著她的孩子到海邊, 女生望著閃閃下的海,默念無盡的思念。

 

人物介紹:

 

Mr Chris: 25-29歲, 知識水平不高,住板間房的貧窮人,但十分愛主的基督徒,在孩子與情侶的眼中是一個聖誕老人,他彷彿不存在這個世界,唯一能夠證明他存在這只有這個在世的孩子… 他溫柔地撫摸著每一個冬天裡的她,給她溫暖。

 

Mrs Chris:22-26 歲, 一個知識水平高的女孩,以前都是一個基督徒,在遇見Mr Chris之前從未拍拖,在Mr Chris走了後還痴心一片的等待著,等待著每年的冬天來臨與他一起燃燒青春。

 

小冬: 6歲, 聰明,活潑,最喜歡聽母親說她與聖誕爸爸的故事,新一代的他未嘗過冬天,對於冬天,他一無所知。

劇本:

 

第一場：時間：晚上  地點：小冬房間  人物：小冬，Mrs Chris

 

（媽媽與小冬一起怖置聖誕樹）

小冬：（唱）噢！聖誕節托它歸家，放係廳度閃閃下…）

Mrs Chris：聖誕節到了！（抱住小冬）小冬有咩願望？

小冬：我希望媽媽成日係小冬身邊吾洗返工，希望爸爸早Ｄ返黎同我玩！仲要带埋好多好多朱古力！

Mrs Chris：哇！饞食豬呀!媽媽聽日就買好多好多朱古力俾你食!

小冬: 好野!哈哈哈!

Mrs Chris: 好啦!快D瞓教!聽日仲要去沙灘玩,等陣唔知醒去唔成唔好喊呀!

小冬: (拾起房角的沙灘用具) 嘟嘟嘟!報告!我已經準備好啦!

Mrs Chris: 嘟嘟嘟!沙灘現正關門,明天再黎啦!....快D上床瞓教!(小冬跑上床)媽媽今日講一個白雪公主�H故事俾小冬聽! “從前城堡入面住左個小公主…”

小冬: 城堡係咪好靚嫁?我又要做小公主!

Mrs Chris: 你已經係媽媽心目中�H小公主啦!...小公主為左要體驗平凡人�H生活去左一間木屋到住…(Light F/O)…有一日,佢遇到一個賣蘋果�H婆婆,佢食左個蘋果之後就瞓左一個好長好長�H教…

 

第二場: 時間:2010年12月25  地點：街上  人物: Mrs Chris & Mr Chris

 

(背景聲: 大家好!今日係2010年12月25, 同大家報告天氣先啦!天文台已經係下午2:30發出左寒冷天氣警告,強烈季侯風現正生效,大家記得著多件衫出街啦!)

 

Mrs Chris: (呵…)想凍死人咩?!(聖誕音樂…)又到聖誕喇…

Mr Chris: 小姐..小姐…

Mrs Chris: 吓!

Mr Chris: 你跌左野呀!

Mrs Chris: (在地下四處張望) 冇呀?!

Mr Chris: 你有! (手快速在Mrs Chris耳邊略過,放開咩都冇�H拳頭)

Mrs Chris: 都冇!你握我!

Mr Chris: 我冇握你! 有d野睇唔到唔代表佢唔存在!神在風中!

Mrs Chris: 我只係會信肉眼見到�H野!

Mr Chris: 空氣的而且確存在,但你睇佢唔到!

Mrs Chris: 睇到!平時有霧氣,冬天我地呵氣係玻璃到都會見到空氣!

Mr Chris: 呢d都係係朝早或者冬天至見到,咁春天,夏天,秋天你見佢唔到就唔存在啦!

Mrs Chris: 我唔同你講啦!bye!

Mr Chris: 小姐!唔洗走咁快,你呢一刻唔信唔緊要,我知道你有朝一日都會需要呢位神,我地既朋友!...好多謝你今晚同我傾左咁內計。如果日後你都想搵我傾計,你都可以去呢到搵我!(遞上一張寫有地址的紙條)我地遲D見啦! Bye bye!

Mrs Chris: (接過紙條) Bye!

 

(Back O/T)

 

第三場: 時間: Christmas後幾天 地點:Mr Chris Home 人物: Mrs Chris & Mr Chris

 

Mr Chris: 係你呀!入黎坐呀!

Mrs Chris: 你…記得我?!

Mr Chris: 記得聖誕節個晚同我傾左好內計,趕住返屋企個個嘛!....唔好意思,地方淺窄!

Mrs Chris: 你一直都住係呢到?

Mr Chris: 係呀!飲茶!

Mrs Chirs: 唔該!

Mr Chris: 自從我爸爸媽媽走左之後就搬左黎呢到住! 人冇用,讀唔到書,而且又得番一個人唔洗住咁大間屋啦!...你今日黎搵我,你而家相信有神了嗎?

Mrs Chris: 其實…個日我見到你之後腦裡面就一直聽到你係到同我講”有朝一日我會需要佢”

Mr Chris: 嗯!

Mrs Chris: …我可唔可以問你點解你會相信佢�H?

Mr Chris: 呢樣…係神�H安排!我�H屋企人都未信主嫁,直到佢地離開個刻佢地都唔相信… 之後經濟唔好,我俾人解雇左一直都靠散工維持生活,直到而家!但係我一d都冇埋怨過嫁,因為我仲有佢我好開心,我唔係一個人生活緊,仲有佢!

Mrs Chris: 點解你可以一d都唔怨佢?

Mr Chris: 又點可以怨佢,我地欠佢太多,一世都還唔完,仲點可以調轉怨佢!

Mrs Chris: (細聲講)係佢欠我嫁!

Mr Chris: 你講咩呀?

Mrs Chris: 冇…冇咩呀!

Mr Chris: 到你啦!講下你�H故事俾我聽呀~

Mrs Chris: 我?! 我冇咩好講個喎都係返工放工,食飯瞓教,同埋見到你呢d怪人咁囉!... 我指�H係我d客,係呀!係呀!

Mr Chris: 唔緊要!好多人都話我地呢d信徒個個都怪人黎嫁喇! …多謝你今日黎搵我傾計,你得閒就黎坐下同我傾計!呢到隨時歡迎你!

Mrs Chris: 多謝先!

 

(之後Mrs Chris 成日都去Mr Chris 屋企,直到有一日…)

 

Mrs Chris: 嘩!今日好熱呀!我係你屋企樓下見到路邊花都開哂!

Mr Chirs : 哦!係咩!

Mrs Chris: 不如我地出去行下囉! (一手拉起Mr Chris 的手)

Mr Chris: (甩開)唔好喇!我…我唔係好舒服呀!

Mrs Chris: 我頭先都覺得你有d唔妥,你邊到唔舒服呀? 有冇發燒? 我同你去睇醫生!

Mr Chris: 冇事!唔洗去睇醫生,休息下就會好返!

Mrs Chris:咁…你瞓一陣,我去煮d野俾你食…

Mr Chris: 唔洗啦!你早d返去啦!呢到多病菌,等陣傳染你就唔好!

Mrs Chris: 唔制呀!我要係到照顧你…最多我等你瞓左至走…(一邊推Mr Chris)你唔想我太晚走就快d同我瞓教!

Mr Chris: 係啦!係啦! 不過你要應承我要乖乖地返屋企嫁!

Mrs Chris: 得啦!長氣!

 

(Block O/T)

 

(雞鳴,燈亮,房間只剩下Mrs Chris一人)

Mrs Chris: 呀!早晨啦! Chris? 咁早出左去!

(由天光到天黑Mr Chris都冇出現…一天,兩天都係冇出現,Mrs Chris決定搬去Mr Chris屋企住…春天,夏天,秋天…)

 

(Mrs Chris 打開收音機 “ 各位一股強烈季侯風拉尼娜將續漸逼近本港,天文台預料明晚抵達本港,預測明日天氣大約8-10度…Mr Chris 突然開門,見到Mrs Chris)

 

Mrs Chris: 你去左邊呀!你知唔知我一直等你,等你,等你!

Mr Chris: 我估唔到你襯我唔係到乘機入侵我地球喎!

Mrs Chris: 咩呀!人地幫你睇住間屋咋,如果唔係你而家邊有屋住呀! 你食左飯未呀? 我唔知你今日會返黎,冇買d咩,煮個麵你食好冇?

Mr Chris: (捉住Mrs Chris) 我好掛住你!...多謝你一直係到等我!

Mrs Chris: 唔辛苦!只要能夠等到你返黎!

(兩人依偎入睡…又過了三天…)

(Mrs Chris打開收音機…”各位,由於受到全球暖化�H影響今年�H冬天短左好多,天文台預計,明日天氣回升到15-18度!)

Mrs Chris: 你唔好離開我!

Mr Chris: 傻女黎�H,做咩突然間咁講呀!你頭先唔係聽天氣報告咩,聽日幾多度?

Mrs Chris: 天文台話會升返去18-20度!

Mr Chris: 哦!...今晚食咩呀?!

Mrs Chris: 食…食蛋糕!

Mr Chris: 好呀!食蛋糕!

Mrs Chris: 等等等!許願先!

Mr Chris: 又好!我希望日日都可以同Mrs Chris一齊!

Mrs Chris: 邊個係Mrs Chris呀?!

Mr Chris: 你囉!

Mrs Chris: 我愛你!

Mr Chris: 我都愛你!...一齊吹蠟燭啦! (呼~)

Mrs Chris: 好飽呀!!

Mr Chris: 我都係!

Mrs Chris: 我做左你太太,但係你咩都冇買俾我!

Mr Chris: 好!你想要咩,我聽日買俾你!

Mrs Chris: 我要…聽日我瞓醒我都要見到你!

Mr Chris: …

Mrs Chris: 做咩呀!唔出聲,快d應承我!

Mr Chris: 我應承你!

 

(Block O/T)

 

第四場:  時間: 早上  地點沙灘  人物：小冬，Mrs Chris

 

(海浪聲... 燈漸亮)

小冬: 嘩!閃閃下閃閃下呀!

Mrs Chris: 小心d呀跑咁快! ...話咁快就六年啦!呢六年你幾好嗎? 有冇掛住我? 有冇見到我地個女? 佢好似你! 雖然你最後都冇實現個晚你應承我�H野!不過你就賜左小冬俾我,一直係我身邊陪住我!多謝你!

 

-<完>-
發表時間：2016-09-25 01:27 PM  [ 訪客留言(0) ] [ 編輯日誌 ] [ 分享至FACEBOOK ]


1 | 2 | 3 | 4 | 5 | 6 | 7 | »