人物介紹:
1)伍凌犀(牛Ning):處女,體弱多病,重情的人格,與異性相處較佳,由於家庭關係,使其向外尋找安全感,容易被觸動
2)柯賜緣(柯仔): 人馬座處男,受女性歡迎,與牛Ning是朋友關係,生於一個中國的傳統家庭,好玩
3)高偉皓:男,係柯仔的好朋友,好兄弟,成熟,好玩,有戀愛經驗,人馬男
4)阿Mic/巫師:喜歡星座研究,性格隨和
5)侍應,老師,同學A(女仔)
6)一班同學(男少女多)
故事大綱: 到底是他不懂我,不懂?還是他不懂,我不懂?
女主角牛Ning,一向對星座,生肖毫無研究,亦都不信,然而,遇上了傳統的中國男生柯賜緣後,他改變了她,從他一開始接近她開始,她便已經注定要與他一生一世,然而,牛Ning的自身問題,與柯仔忽冷忽熱的態度,使牛Ning不知道柯仔對自己的意思,同時間牛Ning亦發現自己對他已經不能自拔地愛上他,就在她與他決定要離開,影最後的亦都是唯一的一張相的時候,她遇上了另一個的人馬男─高偉皓,同樣是人馬座,他成熟,可靠,的確是個理想的對象…到底牛Ning會否接受阿皓的心意呢？
劇本：
第一場: 人物:牛Ning,巫師 地點,地獄般的地方
(泛紅的燈漸漸亮起)
巫師: 伍凌犀小姐!我有咩野可以幫到你?
牛Ning: 師父請你幫下我,我好愛佢!
巫師: 你好愛佢?!(玩水晶球)嗯~ 一肥一瘦, 年輕與老餅,你鐘意�H係邊個呀?
牛Ning: 又瘦又年輕!
巫師: 你肯定?
牛Ning: 我肯定!
巫師: 咁你而家望住呢度(水晶球)…(作法)
(Black O/T)
第二場: 人物:牛Ning,柯仔,一班同學 地點:學校小食部 時間:lunchtime
(幫一位同學慶祝生日)
一班同學: Happy Birthday to you, Happy Birthday to you, Happy Birthday to Christal, Happy Birthday to you! (歡呼!)
柯仔: 喂!你係到做咩呀?
牛Ning: 食蛋糕囉!你唔去玩?
柯仔: 唔~
同學A: 柯仔~快D過黎啦!有好野益你!
(柯仔起身離開,牛Ning像如釋重負)
牛Ning: (低語)又會無嗱嗱過黎同我傾計�H?!
柯仔: (手上拿著食物)牛Ning! (把食物遞向牛Ning,又收回) 啊!
牛Ning: (張口)
一班同學: wow…好sweet呀!
(柯仔隨一班同學跑去)
同學A: Ning!柯仔佢都就黎生日,我地諗住夾錢買蛋糕同佢慶祝,你都一齊啦!
牛Ning: (遲疑) 好呀!
(Black O/T)
第三場: 人物:牛Ning,阿Mic,老師 地點: Ning屋企 & Theater 時間:晚上
(電腦打字聲)
Ning: 原來係12月11號生日人馬座?! 一個自己由細到大都好鐘意�H星座,太靚!太有型啦!唔通佢就係我�H白馬王子?!
(電話響)
阿Mic: 犀小姐!你係咪又發緊夢呀!又唔記得約左我一齊上workshop啦!快d出門口呀!
Ning: (看一看鐘) 死!又遲到阿Mic一定罵死我喇! (收拾東西出門)
Sorry! Sorry! Sorry!
阿Mic:我地�H夢遊小姐,今日又去左夢遊!
Ning: 對唔住!唔好嬲啦!
阿Mic: 都慣哂!快d行啦!我地遲到喇!
老師: 大家好!我係你地�H導師,大家可以叫我做斌仔!好!大家而家分組做d warm-up先!
阿Mic: 夢遊小姐!夢遊小姐!分組warm-up喇!又夢遊!...
喂!你搞咩鬼姐!最近雲遊得咁頻密!
Ning: 你呢…咪對星座有研究�H!咁人馬座�H男仔係點嫁?
阿Mic: 你就係為左呢個問題成日夢遊呀!早d問我嘛!唔…人馬座�H男仔係感情方面就唔係好專一,貪新忘舊!
Ning: 唔係掛!我鐘意人馬座喎!
阿Mic: 唔通你…
Ning: 你諗太多啦!我鐘意人馬座個標誌姐!
(低語)唔會掛!雖然佢同其他女仔都玩得好埋,但係佢對我特別唔同個喎!嗱!至少我冇見過佢餵其他女仔食野先啦!如果佢唔係鐘意我,咁佢做咩冇嗱嗱同我傾計,同佢同班左成年,而家至黎傾計,唔係鐘意我,又係咩原因,佢又唔係冇朋友!
老師: 好啦!我地今日同大家做D exercise,而家每個同學出黎演講一段野,題目由你自己選擇,可以開始!...Ning!你試先啦!
Ning: 以前d人談戀愛都會向對方表明”我愛你”,咁九十後�H愛情又應該係點�H呢? 傾傾下,傾傾下就一齊嫁啦!洗咩講我愛你咁老土! 又或者…佢都知我冧佢嫁啦! 精神戀愛係而家呢個年代好似已經不再了!而家九十後所追求�H係熱戀的階段,熱戀過後就只剩下合久必分�H結果!呢個真係九十後的愛情? 我就唔認同!我認為而家呢個年代都需要精神戀愛,因為我地冇可能日日都可以見到自己的愛侶,而且同以前一樣都需要坦坦白白,話俾你鐘意�H人聽你鐘意佢!以前�H人重視男女有別都需要咁明白咁表明心意,更何況而家呢個年代自己�H交友方式,男同女之間的距離拉得愈黎愈近,如果佢唔講明咁又點知佢係愛你,定只係當你係朋友呢?所以我認為而家�H愛情比以往係更加需要精神戀愛及坦白!
(Black O/T)
第四場: 人物: Ning,柯仔,一班同學,老師 地點: 課室 時間: lunchtime
一班同學,Ning,柯仔: 恭祝你福壽與天齊,祝賀你生辰快樂,年年都有今日,歲歲都有今朝,恭喜你!恭喜你!
柯仔: 多謝!多謝各位大哥大姐,今日為小弟搞左個咁盛大�H生日會,日後做牛做馬都在所不辭!
同學A: 講咁多做咩呀!食件蛋糕先啦! (把CREAM弄到他臉上)
(柯仔向坐在一旁甚為安靜的阿Mic及 Ning走來…)
柯仔: (頑皮的語氣)阿Mic做咩唔過黎一齊玩呀!
阿Mic: 我同阿Ning傾計
(柯仔裝作不高興回到一班同學身邊玩…)
(上課鐘聲響起)
一班同學: 老師午安!
老師: 好啦! 各位同學!我地今日教幾何…
Ning: (偷看坐在斜後方的柯仔) 估唔到第一次同佢慶祝生日會係咁,一句野都冇同我講過,佢…係咪真係喜歡我?定係我自己太敏感?
(放學鐘聲響起..)
老師:各位同學再見!
柯仔: Ning今日放學,你留唔留低溫書?
Ning: 做咩呀?
柯仔: 我諗住今日唔溫咁內,早少少去食d野至返屋企
Ning: 好呀!你話事喇!
(Black O/T)
第五場: Ning, 柯仔,侍應 地點:茶餐廳 時間:黃昏
侍應: 奶油多,花生多,奶茶,咖啡
Ning & 柯仔: 唔該!
柯仔: (落一包糖) 唔夠甜�H!你要唔要呀?
Ning: 嗯~你做咩唔落多包?
柯仔: 多半包都夠,我又唔想浪費半包喎!
Ning: 噫!佢冇俾到支攪捧我!借你個支黎用下!
柯仔: 嗯!
Ning: 奶茶加咖啡係咩呢?!
柯仔: 你要唔要試下我呢個?一人一半啦!
Ning: 好呀!
柯仔: 你幾時生日嫁?
Ning: 西方鬼節!
柯仔: 10月31?! 咁咪過左囉!
Ning: 係呀!有咩補償先?
柯仔: 啜返啖!
Ning: 噫! (定瞪看著嬰兒車的小孩)
柯仔: 你第日有冇諗住生?
Ning: 生?!咁痛!領養算啦!
柯仔: 自己生唔同嫁嘛!
Ning: 咁就要睇下個個人有幾愛我啦!
柯仔: (看看手錶) 嘩!原來已經6:00幾,你食完咪呀?
Ning: 嗯! (掏出銀包)
柯仔: 今餐我請你…我係咪好錫你呢!不過你唔好同其他人講喎!你家姐都唔得!
Ning: 收到! (不由自主’繞’住柯仔手臂)
(Black O/T)
第六場: 人物: 高偉皓,柯仔,Ning 地點:課室 時間:lunchtime之後
(背景聲: 伍凌犀小姐!上次你份報告出左啦!一切都好正常,或者你繼續返黎覆診我地睇情況,再安排你做其他檢查!...)
柯仔: 喂!今朝你做咩唔返學呀?
Ning: 去覆診呀!
柯仔: 睇咩醫生呀?
Ning: 唔話你知!咁八掛!
柯仔: 車~(轉身離開)
Ning: 對唔住呀!我真係唔可以同你講,希望你唔會覺得我唔信任你啦! 我唔可能同你講我同唔到你一生一世,我唔可以同你生好多個柯仔!
偉皓: 做咩呀?好似好唔開心咁�H?柯仔激親你呀?
Ning: 你話佢係咪真係鐘意我?
偉皓: 點解咁問,好明顯!仲要問?!
Ning: 我認真嫁! 你同佢係好朋友,你一定知道d�H!
偉皓: 唔知喎!你想知,你自己又唔問佢?! (離開)
Ning & 偉皓: 唉~ (阿Ning 埋手溫書,但又集中唔到!
(Black O/T)
第七場: 人物: 偉皓,Ning,柯仔,老師 地點:課室 時間:上課期間
老師: 今日我地派返上個星期�H測驗卷俾大家!吳誠木,黃詠姿,柯賜緣, 高偉皓,伍凌犀…伍凌犀,你要努力d喇!
Ning: 係!對唔住! (看著與同學在熱烈討論中的柯仔)
偉皓: 考成點呀?
Ning: (搖頭) 我冇野喎!都慣哂!
柯仔: Ning…今日放學一齊食雪糕!
Ning: 我唔去啦!
偉皓: 你做咩唔去呀?
Ning: 你唔會明!(走到一角遠離同學的地方) 佢唔會明!論成績…論…我同佢都冇可能,不如早d分開!
(Black O/T)
第八場: 人物: 偉皓,Ning,柯仔,老師,同學 地點:Café 時間:晚上
柯仔: 歡迎校長,各位老師,同學參加一年一度的師生晚宴…
(Ning定瞪看著台上的柯仔)
偉皓: (望一望Ning,又望一望柯仔) 你做咩呀?咁靜咁�H?
Ning: 冇野呀!一向都係咁…
(各同學開心地拍照)
Ning: 皓!你可唔可以幫我地影張相呀?
偉皓: 好呀!準備…
Ning: 我想’繞’手影!
(柯仔張開手臂)
偉皓: 準備…1…2…3!
4-5個同學: 都差唔多啦!走喇!
(柯仔也跟隨著,以光速離開,不知Ning正在看著他)
Ning: 再見都唔同我講聲!
偉皓: Ning走喇!我送你返屋企!
Ning: 唔洗啦!我屋企好近姐!
偉皓: 咁夜唔係咁好�H一個女仔自己返屋企,而且你都話唔係好遠,等我送你啦!
Ning: 你鐘意喇!
偉皓: 頭先影相…你做咩好似唔開心咁�H?
Ning: 冇呀! (無言) 我到啦!唔該你送我返黎!Bye Bye! (轉身)
偉皓: (大叫)Ning!(Ning轉身)可唔可以俾次機會我?
Ning: 皓…我知道你一直對我都好好,不過...我同你最多只可以係兄妹,我對你唔會有個種感覺!
偉皓: 我唔會要你痛苦,我只要你開心,你一向都覺得我可靠,成熟係個好知己嫁!
Ning: (哭) 皓…
(偉皓想擁抱她,但卻被她推開)
Ning: 皓!多謝你! (轉身跑去)
(Black O/T)
第九場: 人物: Ning 地點:Ning的房間 時間:晚上
Ning: (大哭) 點解! 點解! 點解你會咁對我!你一d都唔關心我,阿皓都留意到我唔開心!你呢?你有冇一刻留意過我?! 點解!唔通呢d係天意?!我愛�H偏偏對我忽冷忽熱…理智上我係應該接受皓仔,佢咩都比你好,但係可惜…可惜佢係人馬座,見到佢,就好似見到另一個你咁…我真係…好愛你!!
|
