今日好忙，好多野做，唔打日記啦，sor~

我唔知咁多位對我有幾了解，但我係道就講下我自己。

我今年十三歲，讀緊form 1，係1a班，我本身個人係好追求完美，乜野都想做到最好，所以對自己要好高。有時我都覺得會唔會俾自己太大壓力，但我會盡量去調節。倒如係學業上，我想係班中名列前矛，甚至係全級；友情上，我希望盡我所能咁結交最多朋友，當中希望會有知己存在。我自己覺得自己聰明博學，樂天豁達，堅強，係其他人心目中都係咁唸，但我唔係真係佢地想像中咁樣。

我有時係一d問題上，我都搵唔到解決方法，所以我有時唔會太聰明；我一愛上一樣野，我會愛不釋手，腦裡面淨係唸住個樣野，我唔會主動搵新事物，所以我唔博學；我經常面帶笑容，但多數既笑容都係強顏歡笑，所以我唔樂天；我會仇恨一個人 ，所以我唔豁達；我內心深處是很脆弱，很容易就情緒低落，有時我真係想痛痛快快咁喊一場 ，但我唔知我要為左乜野而喊，所以我唔堅強。好矛盾，係唔係呀？

講多一樣野，我唔開心果陣，唔會喊，但如果有錢係身，我會亂禁買野，好似今日咁，佢既一句話，一個動作，就令我對佢再次失望 ，會開心至奇，所以我係下晝個小息就打左俾阿媽話遲番，要去買home e d野，其實我係想見到佢，但我一見到佢，我就唸起佢做既每一樣野，咁我又會逃避佢。

你可以話我有時有d深不可測，有時會好天真，有時同其他人勁好傾，其實我所做既一切都係想隱藏自己最真個面，但係唯一一樣野我並冇收起既，就係－－真誠。