今日都過得幾開心。

唔知之前有冇講過，我鍾意佢任何一樣野，但佢都有一樣野令我驚既，就係眼神 。我好驚佢望住我果陣，尤其係四目交投，我係不其然咁逃避佢既眼神 ，但過左一陣，我又想望返佢，唉，我連自己都唔知自己想點 。我今日又體驗多一次啦~

仲有另一件事，就係同胡文清一齊睇書啦，我地睇既唔係愛情小說，科幻小說，係哲學書(好勁呢)，不過話是話本書d問題真係好哲學架，好難唸，最交衰就係睇本書後面d answer，都唔知佢講乜，基本上可以話d answer係廢話，但係我自己認為哲學係冇答案既，只要答案言之成理就得啦~

最後都係一句講晒，今日過得幾開心。

今日同d屋企人去左大嶼山玩足一日，好開心呀~

朝早8:00就起左身，跟住就坐車去元朗(梗係坐私家車啦)接埋我姨媽，跟住好快就到左東涌啦~我地去搭個d巴士去寶蓮寺，沿路風景美麗，湖光十色，但係條路就勁唔平，搞到我有d想嘔添 。終於到啦，我地去左食齋，食左好多野，但係好抵，唔使$200渣！！食左半個鐘，就走啦。你估下我地跟住去邊？我地就去左心經簡林，原來個道同寶蓮寺好近既，仲唸住行好耐添~去到見到好多條木柱，真係好粗好大枝架，我地要三個人先可以圍住一條木柱呀，咁你想像到有幾宏偉啦！個道有三十八條柱，刻左成篇心經，雖然我唔知心經講咩，但我都take左一本心經講記，咪當認識下佛教囉，但我唸唔可以帶返學校睇，因為可能會有宗教衝突。

去完心經簡林，就搭返車落去東涌，我地係東涌市中心行街，買左好多野，買左衫啦，鎖匙扣啦，等等 。

夜晚就去左市中心個間金暹邏餐廳食泰國菜，都幾好味，我最鍾意就係個碟咖喱雞，真係好好味架~仲有食左炭燒豬頸肉、炸鎗魚、金邊粉、魚肚羹、pineapple飯，食到好飽~ 跟住就返屋企lu~