今日好開心呀~

今日第一堂係普通話堂，終於打破傳統，我地第九組係第一組出去演繹，真係好開心呀，又唔洗驚住會俾人「ai」，話是話都要多謝蕭啟天，雖然我唔知佢有心定無意提起今日三月九號，但係都要多得佢先可以第一組出去，真係一身鬆晒~
跟住係P.E.堂，雖然冇得打籃球，有d失望，但係我發現打排球都好好玩，唔係我想像中咁差，不過有樣野係無可否認既，就係隻手打到好痛！好痛~好痛~！仲有我地個組，淨係得我同李婉玲打，黃芷澄、余可晴同林嘉雯都唔係咁想打既，搞到有少少悶~同埋因為佢地既唔打，搞到我係咁接李婉玲d波，打到隻我瘀晒，但係d瘀唔同平時個d，而係一點點既，都唔知點解？

小息完左，過埋數學堂，就到中文堂，有外評梨睇常，好似係叫廖校長，佢坐係我隔離，但我竟然有莫名其妙既興奮，可能係因為我當左佢透明掛~我地要做課堂討論，關於肖像描寫，我地幾個一齊討論(其實得我自己係到寫)，我越睇個張相，越覺得似曹老師，但係我都冇理咁多，直到我present完睇到乜野，曹老師先話相中人係佢個女，唔怪得咁似啦，曹老師仲話我講得好，嘻，好開心 。

但係今日我就覺得有d美中不足，就係食完lunch，去睇下有冇得打波果陣，俾人一個排球車埋梨，不知幾痛呀！好彩冇乜大礙。

今日就咁多啦，聽日記住睇我個blog呀~

今日又開心又唔開心。

講左唔開心先啦，又係因為佢，佢又試係咁~佢......都係唔講啦。呀！仲有第二樣野講得，就係關於蕭啟天既，佢由數學堂開始就借左我部好易通，本來佢話查小小野既，但係就借左我成堂，跟住終於問佢令番部機，佢又拆左d電池出梨，唉~都唔知有冇搞錯架！跟住先係戲肉，佢竟然搶我部機，搶完一陣，俾返我仲要set埋password，如果心血少d，都俾佢激死呀~

都係講番d開心野啦，今日英文堂有野玩，勁好玩呀，尤其係鬥快係一分鐘穿最多既萬字夾，我同林俊明一齊穿，我都唔知點解佢穿得咁慢，我我穿完，佢都只赨係穿左我既一半，但係最後我地都係以兩個萬字夾之差輸左俾羅駿豪佢地~跟住好快就放學啦，我同陳嘉怡、余可晴、eva一齊去左文化博物館，我地去左睇四頭家，都幾好睇，但係初晾時有d恐怖，不過後尾就好好睇啦，我仲撞到1e班d人添，佢地都梨參觀，梗係同我地一樣要做va啦。哇！原來我影左好多相，有成百三張，唉~宜家我又要去執執d相啦，實有排執lu~

我宜家去執相啦，今日就係咁多~