今日冇乜特別，只係傾左班會旅行d野。

放學之後開班會，個個都有出席，一開始果陣都傾得好地地，但係越講就越遠，講下講下講埋黎sir添~其實話就話差唔多搞掂晒，但係就冇一個確實既資料，淨係決定左去大尾篤，復活節假去，要分組，請乜野老師去，呢幾樣野，跟住就返屋企lu~

我頭先做左一件我好驚既事，就係我竟然打左電話俾佢，其實本來係mei~櫻打俾我既，話要傾班會d野，講下講下就問聽日開班會，要打俾班會成員，佢都唔例外，mei~櫻知我有佢電話，就叫我打俾佢，我打去果陣，一直等果陣，真係好驚~我唔知跟住會發生乜野事，打到去，好似係auntie聽電話，我話搵佢，佢都好快就聽左電話，佢問我係邊個，我答佢，跟住好彩mei~櫻係度，我即刻俾左mei~櫻講，我先可以鬆一口氣，點知mei~櫻講完又叫我講返，我乜都唸唔到，腦海一片空白，所以求其講左幾句就收左線。到宜家我仲好驚，我點解會打左俾佢架？