今日掉左位，本來係好事，但係......

我終於可以脫離蕭啟天既騷擾，但係估唔到馮sir竟然掉左我去鄧止奇後面既隔離，哇，個天真係識玩我，俾個咁好既位我，不過好彩，個天都俾番d甜頭我，俾佢坐係我後面再後面既隔離，咁都好d~其實鄧止奇唔出聲，係冇人理佢既，d人咁憎佢，係因為佢出親聲實冇好野，講野又唔流俐，講到疾下疾下，搵鬼聽佢講咩~

唔打咁多啦~88

今日最尾果三堂唔使上，真係好呀！

點解唔使上，係因為有講座，講左成三堂，不過又講得幾好。佢係中電既見習工程師，梨講關於中電點樣發電，用乜野發電等。之後仲有得玩遊戲，玩cross word，首先每人派一張題目紙，跟住就填啦，不過佢都有俾d vocab我地參考，好彩o者，唔係點做呀~跟住每班寫得最快那位，就代表自己班交出去同其他班比賽，我好快就填完，仲交埋出去，唸住贏梗啦~點知我竟然漏左一個無填，我即刻填返上去，又交出去，唉~好彩其他班未交o者 。咁最後，好順理成張咁，我地班就贏左啦，我仲被隔離阿黃芷澄、陳嘉怡叫做1a既榮耀，1a之星等類似既野，我突然覺得好無奈囉~跟住陳嘉怡仲話要我勁過陳倬銘呢個茂梨喎~我第一個反應就係'下，陳倬銘幾時變左茂梨架？'佢話陳倬銘本身就係。真係o晒嘴呀。

仲有咩野寫呢？呀！係，今日交去崇拜回條果陣，好似見到佢都去，我唔知咁好定唔好，但係我覺得無乜所謂，但胡文清呢，就係咁問我著咩野衫去，要著靚d去見佢喎~我覺得就無乜必要，著得casal d就得啦~

我要去做功課啦，聽日可能仲會見到我既，88。~^.^~