今朝成9點先起身，一起身發覺琴日打排球d瘀仲未散晒，唉~宜家成隻右手由手掌至手肘都瘀到黑晒，都唔知幾時先好番呀，希望星期一啦~

o岩o岩胡文清幫我同佢做左個love test，話96%相配，但我試左係46%個喎，唔知點解，所以話呢，呢d野唔可以盡信，如果唔係希望越大，失望越大。

希望越大，失望越大呢句說話真係講得好o岩呀，你越係想人做一樣野，佢就唔會如你所願；但你如果冇想過佢會做，佢就會做d出乎你意料之外既野。人，真係好奇妙。

好耐冇講過佢，係唔係呀？自從掉左位之後，佢就坐係我後面再後面既隔離，話近唔近，話遠唔遠，應該係最好既距離。其實，我覺得佢好似唔同左，唔同我o岩o岩識佢果陣，唔知係我變左定佢變左呢？總之就係唔同，宜家佢俾我既，係一種實在既感覺，唔係似是疑非既。佢唔同我小學識果d男仔，以前都未試過呢種感覺~

呢兩日，我真係好開心，唔係因為其他野，係因為佢。

多謝你...