女人最憎的說話
1.你咪咁小器啦!
女人點解憎:
小器是女人擁有但又不想認擁有的特質,你明寸佢？等開拖吧！
男人說這話前通常已說完「嬲完未呀?」、「唔好嬲啦」之類的話，
但游說不果；唔識氹人就賴人小器，屙屎唔出賴地硬！
即係話我唔應該嬲o者？
建議：
男人最好做點事來縮短過程，愈拖只會愈難氹。
基本上連個嬲字都不能提，女人好憎呢個字，唔嬲都變嬲！
要軟化女人從身體入手，抱抱或緊握她手吧！
2.對唔住囉！
(同類說話：我唔岩囉、我衰囉、我錯囉)
女人點解憎:
「囉」什麼？晦氣到死！
最討厭是加個「咁」字在前頭，「咁對唔住囉」，
一個「咁」字包含了「我唔覺得自己錯但買你怕囉」
這十二個字的意思，明激我啦！
建議：
用口去表示歉意是低層次的做法，倒不如用行動表示。
唔該比D風範，道欺最緊要有誠意。
3.鍾意牙？我送比你丫！
女人點解憎
因為得個講字，男人總以為講左就等於買左，毋需真的買！
見我雙眼發晒光仲問？！你盲架？！要我用把口去講我鍾意，
即係要我認貪心？！
建議：
講得出就要做得到！一定要趁熱買，一拖，女人又話你無誠意！
立即在她面前付款是最方便的做法，但女人最憎呢種方便，唔浪漫。
男人總係唔識送禮物，以為買左然後交功課就大功告成，
其實送禮物最重要是點樣交到對方手上，即係心思、驚喜。
4.搵日同你去……
女人點解憎
搵日通常不會兌現又信口開河了！
你估我係你D豬朋狗友啊?，「搵日出黎飲茶丫 」
建議：
女人記性很好，此等不兌現的小事是她日後炒大鑊的導火線，
女人無要求的話，男人切忌自動胡亂提議，
無謂製造機會比人翻舊賑丫
5.明啦明啦 (同類說話:係啦係啦、得啦得啦)
女人點解憎
明個屁，想我收聲至真！
真係明？咁我岩岩講到邊度先？
建議：
她在跟你說一些她認為很重要的事，即使你覺得無聊，也請耐心聆聽，
硬食吧！
在她喋喋不休時緊握她的手，信我，好快收口。
適當時候發問，讓她知道你在聽，無傷大雅的小事不妨附和，
大事情則要糾正。
6.是但啦
女人點解憎
無要求，無原則，無性格！你又嫌我煩了！
你寧願任憑他人擺布，我諗我真係好討你厭，嗚……
建議：
大可拋個波比佢，溫柔地說:「你話呢？」她反而覺得你尊重她，
不在乎說什麼，而是在乎怎樣說；男人說話時語氣夠堅定就是說服力，
女人自然收聲。
小杰後感
睇完尼篇野…我第一句就係:
「嘩…尼篇個作者唔會係winnie卦…太恐佈了 」
一..一||
|
鹿丸:「有同感啊~~」