序言
事源時之前學校無啦啦同中心搞左個camp....
派通告…我一睇…咦?有camp去喎…+上班中人又好似好湧躍咁…
彈下彈下…咁我見係歷奇2日一夜營~牙貓又話去~
於是我就係回條度劃個小勾勾啦…殊不知…到左收回條陣時
(係我收既…乜都係我做)
攪咩牙…個個都5去…我同牙貓呆左…
心諗:「攪錯牙…冇人去!?但e+我又通哂天…5去5得…騎虎難下…
我開始能感受到當年武松打老虎既心情…」
唉…真係去既又冇錢…5去又冇臉…
最後唯有硬著頭皮參加camp個meeting..
我同牙貓最早到…等左一陣…陸續有人黎…oh..my god...
佢地全部都低年級過我…我頓時變成大師兄…悟空悟空…5好al..
心情好低落…面對個導師d笑位…我幾乎都笑5出…仲話分組…
望下後面…哈…我後左斜角有個紮馬尾…戴眼鏡既小妹妹……
我望住佢…心諗…我5會同佢一team牙嘛…結果……嘿嘿嘿…
3號朝早蝦碌篇
到3號…之前我已經問左洋洋借哂d野… 預備算充足吧…
朝早同牙蝦約9:30 m記等…去到牙貓樓下…打比佢…手機又冇人聽…
屋企仲留言…呆等左1個鐘…先搵到佢…佢5聽電話既原因是---5知醒…
仲踢跌埋床頭個電話…係!無錯!你冇睇錯~我冇打錯…
係踼跌埋床頭個電話……牙貓啊…你點訓架…同你一齊訓…
容乜易比你當波咁踼左出街架…時間一轉…l0:30…
都等5切牙貓梳洗al..經過一番商量…我同蝦仔决定拿拿林醫左肚先…
大佬牙…早餐都未食架… 陣間仲要咩住d野上山架…跑左去商場度…
唔知係大家樂定大快活落腳…我分5出佢地兩間野…食食食~
狼吞虎嚥…食完…望下個鐘…仲有十分鐘炸…心感不妙…
立刻撥個輪比牙貓…原來佢已經到左…仲係2樓度彈下彈下…
(因住牙…跌左落黎…賠玻璃都賠死牙…)
本來個肚度都有點兒火…不過睇見佢咁天真無邪個樣…
唉…又嬲5落… 跟住去惠康買左兩包麵包…心諗…應該用得著…好喇~
最精彩都係尼度…時間是10:58…約左佢地11點…嘿嘿~
當時我地決定…………急促地走……俗稱…急走…經過暴走左一輪…
…5係…係急走左一輪…終於到中心…係果個moment…
要同蝦仔分手了…真係5話得…由9:30陪我到11:00..
陪我等…陪我食…陪我走…望見佢愴桑既背影… 稀虛既蘇根…
令我不期然心酸…眼框裏不禁湧滿了淚水…蝦蝦…我地兩日後見…
see you~!
正當我仲懷念緊蝦仔…回頭望下牙貓…佢仲係度彈下彈下…
呃…佢對鞋5係裝左彈弓下話… 比我就彈5起喇…唉…
說回正題…我地一步一步咁步入操場…噢噢…未見人…已聽到聲…
就係尼班小魔星…我未來2日就要對住佢地…不禁搖頭歎息…
跟住分組…我係第三組… 牙貓係第一組…預左一定打散咁分…
唉…貓貓…照顧5到你喇~好自為之~行到第三組度集隊…
見到有個女仔含住支糖彈彈下…呃…睇真d…
原來係上次meeting個馬尾妹妹…望一望周圍…咁多女仔同組既…唉~
望下前面…又有一班男仔圍埋一堆…唉…再望下牙貓…佢…
依然彈下彈下… 唉~呆坐係度...聽梁姑娘講解一下…
尼兩日地獄式既露營…一路聽一路標緊冷汗…終於交戴完…
好鬼耐= =…我同班組員圍埋係度傾未來既兩餐食乜..
期間…班友仔仲話要食蛋…= =… 總之乜都係假…我要阿華田…
經過一輪激烈地口劍唇槍之後…勉強咁定左菜單…真的冇問題?
我質疑著= =…算吧al..出發…哎啊啊~點可以漏左佢…
我組導師-----肥肥地既阿駿^^
出發篇
行程指示~2:30我地要去到黃石碼頭~咁阿駿提示…去彩虹先al~
好~目標~彩虹~ 由我組地頭蟲隊長亨少帶領…沿途上…
我同阿駿、馬尾妹妹(冰冰)熟左…搭地鐵期間~ 我發覺冰冰原來
咩住70L既背囊…仲有一袋營…嘩…一個女仔…可以默默地咩住
咁重既野… 而並沒有怨三怨四~嗯~佩服…但我5忍心…算AL..
我幫佢咩多一個營AL~到彩虹嚕~5理AL... 醫左個肚先AL..我承認…
我好快肚餓…上左去街市…兩檔野係咁爭客…梗係AL..
成11個人WOO.. 大客仔黎架~攪左一輪…終於有餐安樂茶飯食…
順便同班男仔吹下水…可惜…得一個仁社…唉… 食食下…很不爽…
間野有厄錢之嫌…食完…鴨仔團又開始上路…呱呱呱…
好彩班女仔買左少少野.. 慳左d時間…買買買…行行行~搭小巴…
諗住有時間影下相咁AL..影左幾張之後…個頭無啦啦暈暈地…
好5舒服…啊……搭左7個字…到黃石碼頭…牙駿一走開…
班死仔就四散…買雪榚既買雪榚~彈彈下既彈彈下~
我個頭又WING WING地…唉……牙駿返黎仲話有任務做…
心諗:5係掛…
任務1…影魚「利」…咪即係蟲?
咁巧合前面有間釣魚店…唉…求其影一張AL…核突到死…
THEN要去碼頭影大合照…「喳」一聲…
尼張就係我地組唯一一張合照…
任務3…去巴士總站拎小冊子…我地搵左好耐…
仲問埋巴士職員… 都冇所謂既小冊子...連牙駿都話…係咪玩野…
依我睇…係d資料OUTDATE左姐…5理al..上巴士…
有兩個衰妹仲問我度水…10蚊雞牙…haha..算al~搭巴士…
我攰到又訓著左…仲要捱幾耐牙…但e+先開端…
上山篇
到左…準備上山…班導師話要熱身…攪野…大家都係度陽奉陰違…
結果……(nelson…知死未~^^)
萬事俱備…上山嚕…甫踏步…已經有隻牛走過黎歡迎我地…
班人仲取笑係…劉×牛…(5可以亂講架~嘻嘻)
行左一陣…班衰仔已經嗌攰…(有排行ar..衰仔)期間…
有件意料之外既事發生…我組被兩件衰馬餾打劫… 受驚之餘…
仲損失左一d食物…可幸既是…冇人受傷…但係我就一肚火…
我質問牙駿~為何之前冇情報顯示座山有馬餾架!?牙駿都好無奈…
真係冇資料顯示座山有馬餾既存在…唉…算al..我地係探路先鋒…
預左…行先死先…then牙駿扭開佢個收音機…呀…5係…
對講機先啱:
「喂喂…總部~總部~報告報告~我係團長牙駿…
現時我隊受敵方偷襲…第三小隊損失慘重… 估計敵方至少有2隻咁多…
請求立刻增援~over over.....」(尼d我老作的……)
不過…受襲一事…
各人都好驚慌…唯獨黃小姐… 面對惡猴…仍面不改容、不慌不忙、
氣定神閒、處之泰然:
「吓?你想做乜牙?打劫牙?哦…咁你攞去al...」
(尼d又係我老作的……)
嘩…尼種咁高尚既景界…我望塵莫及…佩服…佩服…
受驚一輪…鴨仔團又繼續趕路…呱呱呱…行牙行牙…
好不容易過左得沙灘…眾人好似到中左獎咁…
跟住我淡淡地話:「呃…各位…其實…我地e+大概行左一半到al..」
係果個moment…歡愉既氣氛霎時間又變得死氣沉沉…
yayaya變了唉唉唉…背起重囊…繼續上路…我一路都係最後行…
方便睇住d女仔…哈…一個碌左落山點算~
我地以每10分鐘抖一抖~每10分鐘抖一抖~既速度上山…
眾人累透了…難為牙冰冰仲可以長爆長有…相反…牙吳小姐就…
嘿嘿…黃小姐仍然保持一貫作風… 無論山路多崎嶇…總是無言地跨過…
好…山路險峻…我都有d驚咩住咁重既野…跌左落去…想救都救5到…
不過上到山…俯視下去…有種大地在我腳下既感覺…
清風吹送…綠草如茵…整個人渾然一爽…酸累沒了…煩惱也沒了…
這種 感覺實在非筆墨來形容…太正喇~
露營篇
終於上到營地…天黑了…攰到死…見返ar貓…好似冇見十年咁…
唉…他鄉遇故知…then經過一番分工之後…我同鍾生就去左起營…
四周漆黑一片…要用電筒照住… 難起到死…正當我仲愁緊之際…
禍不單行…落雨…唉…真煩…搞左一輪…去睇下班女煮野煮成點…
oh..其實都ok ge..雖然耐左少少~
但係冰冰、傻姍、sasa~
真係辛苦哂~d野真係好好食~多謝哂~
食完…洗碗大軍出動…都5明…營地離個厠所有一段路…
洗洗洗~比一隻碟玩死…vivi姐…你牙… 真係「好」組員…
有「好」野醒我…攪到我丫…君子報仇十年未晚…嘿嘿~
安頓哂…玩遊戲…雖然係熱身game…
但我組仍表現出獨有特色---矛…
ha..全晚重頭戲…黑夜探險…規則…每人要帶備哨子…
蒙眼罩…收電筒…選擇一條路…我簡左長而安全既路…
比人分左去一條line…搭住前面個人既膊頭… 跟住行去個場地…
經過一番查探之下…我之前面係冰冰…後面係傻姍…勁好笑…
我問傻姍係邊個陣時(bs我當時仲未識哂佢地)
知5知佢點答?佢話:「呃…煮菜果個牙!」哈哈~好一個煮菜既傻姍~
真係傻架~^^好喇…沿路上…蒙住雙眼…手搭前面…好急促走…
旁人如果5知咩事… 分分鐘報警話有班痴線佬係度走黎走去~^^
後面既傻姍又e嘩鬼震…搭住我膊頭…點知撞到碌樹…痛到佢丫…
大佬…你估我5痛架…之後佢慌失失咁扯住我頸衫…
差比佢扯到抖5到氣…攞命咩…冒着生命危險到左場地…
坐係度…呆坐…等左悶…心諗:set好之後…記住嗌醒我…
跟住終於開波al..
排最後既亨少比人拉左去玩先…講起佢…又笑死我…
當之前蒙住眼排隊陣時~請留心以下對話~
亨:「喂~你地簡左邊一條路牙…?」
我:「呃…長而安全」
亨:「(好大聲)下!?我簡左短而安全架喎…點解我排係尼度既?」
某人:「5好出聲牙~跟住前面行喇!」
亨:「下?5係喎…(比人推住行)我簡左短而安全架…救命牙!」
眾人:「一.一..............................」
真係…………………
講返正題…正當亨少比人拉走了…我察覺到原來係後面開始玩先…
都好既…費是我等咁耐… 亨少走了…傻姍亦走了…到我嚕~
我要沿住條綿繩…跟住個路線行去終點…四周圍仲係d樹木…
當然我係乜都睇唔到al.. 只憑感覺去摸索…摸牙摸牙…行牙行牙…
在枝椏穿插…如果肥財去實夷為平地…或被卡住^^
摸摸下…我無啦啦…摸到一隻手喎…嘩…定一定神…
原來係傻姍…= =…佢慢到連我都追到…
唉…又比人鬧叫5好傾計…於是我就一支箭咁標去終點…
又要等…等左好耐… 有某人叫我揸住佢支電筒…跟住佢行…行行下…
佢問我做乜攬住個頭…我話驚比d樹枝劃到…then佢笑叫我除低眼罩..
原來我同佢行既一段路…係冇樹既……= =…
跟住環節…就要我自已係漆黑一片既直路行…行去有光的終點…
大約有300米到… 冇架…我又5怕黑…大步大步咁行~行到終點…
見到班友仔係哂度…ar貓又係度彈下彈下…等齊人…
咦咦?不過最後既黃小姐做乜事牙…好似有點兒淚水…哎啊啊~
返到營地…5理三七廿一~拿拿 林躂落營度訓~
but....天…5會對我咁好架…攰到佢…諗住訓…點知隔離營d人…
不斷大聲講…大聲笑…噪到丫…我心裏已經咒鬧左佢地數千次…
最攞命既係…訓訓下…有幾道光直射過黎…oh my god...耶穌?
原來係班衰女包揸住支電筒係咁照…照田雞嗎?
定係當我係非法入境者…?唉…千辛萬苦咁趕左佢地走…
以為有安樂覺訓…但…天…係5會對我咁好架…
到4點幾…滴滴答答…oh..落大雨…幾驚個營漏水牙…
(bs..個營爛既)好彩冇漏…
但d狗又係度吠…又嘈又凍…唉~又訓5著…你殺左我吧啦…
第二日篇
幾經辛苦終於捱到4號…7:00鐘…拖著半醒半睡半人半鬼既殘軀…
向厠所邁進…如廁時…幸好我 企得穩…否則請大家去大海中找我吧…
唉…又落雨…去整早餐…唉…好彩飲左杯阿華田釣住條命…
不過真係剩左好多野囉… 攪到要倒…= =食完…又係果樣…洗野…
又係個隻碟…加左一舊煮燶左既煲…唉…
then…又係玩遊戲…要成d人企上個bbq爐上面…嘩…
迫到我丫…失敗左好多次先成功~ya..
then導師仲叫我地+埋牙駿上去…我心諗:你殺左我吧啦…
最後?梗係5係al...如果得左… 容乜易話加埋肥姐上去架…
then玩踩波…我做皇帝= =…我運用兵法中既以守代攻…
由得一、二組兩組相爭… 嘿嘿~我能明哲保身…yeah~!
玩玩下…又落雨…唉…玩完返去執包服嚕…諗到尼度…
我不禁呆了…難道又要行返果段路!?都係果句…你殺左我吧啦…
好彩…上天對我還算不薄…梁姑娘話因天雨關係…我地搭船走…
不過架船仲有十分鐘就開船…我頓時O嘴…天啊…你係咪玩野牙…
於是…鴨仔團出動喇…殺牙殺牙…聲勢震天…
彷如一班痴線佬咁衝去碼頭…
所踏之處…無不地震…
周遭行人…無不讚歎…
我還見到有外國遊客攞住部相機係咁影~喳喳喳~
可能佢地見到咁壯觀既場面…以為自己去左非洲亞馬遜…
唉…本來架船都未開走…就係因為我地面目憎獰…裙拉褲甩…
船家以為山賊黎打劫…殺到黎…嚇到拿拿林開船…愈叫愈走…
一去冇回頭…
噢…………………
「叫你5好扮猩猩叫架喇…e+嚇走架船喇!」
「吼吼~你咪仲衰扮外星人彈彈下…如果 5係你…架船會愈叫愈走!?」
唉…笑死我……跟住都冇計啦…要等半個鐘…順便做檢討…
終於知哂佢地叫咩名一.一回程時攰到死…訓著左…
返到中心仲要洗營…勁攰…
完結篇
不過…值得的…第三組!~係尼兩日~
我地一齊上山~一齊比馬騮嚇~
一齊食~一齊訓~一齊玩~一齊好似癲佬咁趕路~
我地一齊開心過~痛苦過~
真係甘苦與同…我是不會忘記的…
我會將尼份真摰既回憶藏於心底…珍而重之…你地亦會嗎?
