2009 年 3 月 25 日 星期三  |
| 2009-03-25 |
分類: 未分類 |
話咁快就考完個mock啦
你問我考得好唔好,我唔可以答話好差,但係絕對唔達到我既目標啦,之前以為仲有時間,原來眨眼間變成唔夠時間......
我再唔放多d心機落去就"善德88"啦......
我係一個好唔專心既人,在一個有小小干擾既環境下,我已經好難溫到書,我一定要改......唉,盡量啦!
今日係我地中五既last day啦,講真,真係有d感觸,話曬唔經唔覺都讀左五年,好彩攞左相機,影左好多相,但仲有d人我想同佢影但未影,唯有遲d啦,再有機會的話。今日仲收到好多正面既鼓勵,有d係同學同老師對住所有中五同學或一大班人講既。雖然唔係個別同我講,但d說話對我都有一定既影響,如校長既"三隻青蛙"的故事,同埋班主任及中史miss吳既支持。另外亦有d個別同我講既嘢,俾到我既信心更大.包括中文拜既達達b,hist科既威廉王,中一教我中文既miss lam lam同埋肥馬。我開始覺得我唔應該令佢地失望
不過我竟然有d後悔無買紀念冊俾人寫,算了吧,都已成過去,只好依舊堅持自己既理念啦!講起寫紀念冊,我一定會寫曬佢俾大家,最難寫既係"我的留言"既一部份,我唔想草草地了起佢,一定會用心咁寫好俾番所有人,我好似仲hold住兩三張,我真係覺得好難寫,其實基本資料我填好左,只剩下留言,放心啦各位我未還既朋友,我一定會還,希望就這一兩日。
其實總結這五年在善德既生涯,真係酸甜苦辣都試過,要逐一數出黎都可以用超過幾千字,
今日我覺得講夠啦,我會用往後幾日既文章黎逐一詳談......
|
| 2009 年 2 月 21 日 星期六 |
| 2009-02-21 |
分類: 未分類 |
朝早11點出在去同小賓溫書,12點半就學波,又學多樣嘢啦!......終於完全明白何謂"甩手"啦!
打波前扭傷左隻無名指,啊sir真係好嘢,佢用佢嗰d拿手技術拍左我隻手幾下,就唔痛啦,連d陳年瘀血都打埋出黎。雖然俾佢打時超痛,但係都值既
幫小賓溫math,我仲辛苦過佢,我都未試過捉住一個人逼佢溫書做數既......
我臨走格硬俾左份03mc佢做,要佢星期一交俾我,希望佢聽我話,乖乖地做左份嘢佢啦!
好驚呀,距離mock只有一星期,而會考就唔夠三個月!! |
| 2009 年 2 月 19 日 星期四 |
| 2009-02-19 |
分類: 未分類 |
中文對番份08ce....春江花月夜,30分滿分,得9分,難到不得了,不過好彩總分拉埋都合格。
佛學測驗,合格就應該必然啦,高唔高分就........哈哈....希望啦!
hist堂做data base questions, 全班都唔識解個"means"字,原來係"手段",結果點?當然俾啊sir話到pk....
佢又再次話我地"無得救"啦。啊sir,你睇著,我會考hist拾條A番黎俾你睇(唔怕,一定得既"冬菇")
碌保齡,碌左三局,最差只有96,痴左!!最高有154,都係痴左!
以後出波前一定要心中念住吳sir既"出波真言",唔係實死無生,仲要死盯住個板位。
我連續兩日無聯絡個"她"啦!之前就話佢無on msn姐,今日明明見住佢on左都唔敢逗她!!(因為佢頭像顯示忙碌嗎.....借口,一個好爛既借口)
其實係我怕佢唔彩我,怕連朋友都無得做呀! |
| 2009 年 2 月 18 日 星期三 |
| 2009-02-18 |
分類: 未分類 |
前排報左保齡球學界,好緊張。雖然我的確係打好左,但係個分都係平均得110-130左右
我已經有自知之明唔敢報單人賽,於是就報左雙人,拍大賓...我好怕慮左佢呀,所以一定要再打好d
話就話九成入到決賽,但係決賽中攞第尾都好樣衰嫁......
無計啦,唯有博老命打到最好啦
又再對同一個女仔有感覺,唔好話我花心,剛剛放棄一個又轉另一個,
其實這一個係我心中一直以來既女神,心中覺得一定高盼唔起,
但係依家我都中五啦,一個唔好彩我番唔到善德就無機會啦,所以我覺得我這一鋪一定要博盡佢!
唔成功都無愧於心呀!
各位睇過我個blog既人,請支持我吧^^ |
| 2009 年 1 月 12 日 星期一 |
| 突然想起既一首歌 |
分類: 未分類 |
想愛你
如果 當天偶然曾提起我
難道我 這樣已經足夠快樂
如果 沉默真的太多 因我怕又出錯
不想躲 但怎麼跟你講 可否接受我
＊而每次見你身邊許多許多個
假設你是我 怎可能沒妒忌 沒痛楚
再記掛你多少光陰 瞬間不覺已消磨
來日老掉時 仍是獨個麼＊
想到你 夜深中突然心痛過
求憑著一首歌 你一生都記得我
想愛你 日子為何都給錯過
多少個秋和冬走過 才肯喜歡我
如果 只感到無聊才找我
能共你 說著笑都感到快樂
如果 何日街中碰到都見我是一個
可清楚 日子的喜與悲 想跟你渡過
REPEAT＊
想到你 夜深中突然心痛過
求憑著這首歌 你一生都記得我
想愛你 像此生未真的愛過
多少個秋和冬走過 才可清楚我
怎麼你竟然捨得我 常孤單一個 |
| 2009 年 1 月 7 日 星期三 |
| 2009-01-07 |
分類: 未分類 |
今日終於派成績表,雖然已經無咩感覺,但係始終都有d緊張。
好彩結果都唔錯,全級199人考試,我考到72名,80名內,算係對自己有個交代,因為80名內都係我既目標
往後既目標就係在mock exam時考到50名內,我知好難,但連目標都無就一定唔得,有目標都有5成機會.....
一係得一係唔得.....唔係廢話黎嫁!
放左學就去左跟啊sir學保齡.佢話要我改好姿勢才教我走5步....
我只好努力啦!!
張生呀!
我有話個一定請你嫁咩?
你唔係好口響話會考完就拉"她"去fb嗰度做,順便溝埋佢咩!吓!
你好威格,唔係咩? |
| 2008 年 12 月 31 日 星期三 |
| 2008-12-31 |
分類: 未分類 |
上午補hist
之後下午就同張康一起跟新教練,ricky吳學保齡
我終於學識推波
跟住啊sir話下堂教我走5步,
好!首先以張康同馬屎做目標,之後既目標就係小涁!!
今日終於單獨同佢有兩句對話,但以現在關,我已經滿足。
有咩方法可以使"同學"關係升格為"朋友"關係? |
| 2008 年 12 月 30 日 星期二 |
| 2008-12-30 |
分類: 未分類 |
上午補英文,下午補econ
英文:首先係news quiz,又肥左
之後就做past paper
最後我地嗰組要留低做oral,miss話我幾好,但係得lv3....
econ:好彩新教嗰d內容都叫明白,我最差都係gdp嗰課姐
溫極都唔識,help!!!!!!! |
| 2008 年 12 月 27 日 星期六 |
| 2008-12-27 |
分類: 未分類 |
今朝又要補hist
啊sir依然故我,同我地補充番d書中無既野
佢成日話依家d教科書用20世紀做分水領係唔對,佢話好多19世紀既野係20世紀所出現既事件既"因"
佢好強調無因就唔會有果
於是佢教日本史時就由tokugawa(江湖時期)=德川家掌政之時開始講
之後就講到明治維新
佢話要下堂先可以教到會考課程既野......
不過都好既,好過知頭唔知路 |
| 2008 年 12 月 26 日 星期五 |
| 2008-12-26 |
分類: 未分類 |
晚上在屋企搞左個聖誕派對,其實等於一個家庭聚餐
約埋大舅父一家同三舅父一家,總數有十個人
食完晚餐後玩左一陣鋤大d就開始抽獎
我唔知係唔係今年送得杯多,結果自己竟然就抽到杯
唔係好靚好特別,但係都ok啦,我要求唔會太高既。
眨下眼就過左今年既聖誕節啦!
聖誕願望係快d可以唔洗再打針食藥
在此祝各位聖誕快樂!人人都可以實現自己心中既聖誕心願 |
| 2008 年 12 月 25 日 星期四 |
| 2008-12-25 |
分類: 未分類 |
早上無咩特別,溫下書,做下功課咁渡過
之前一晚既肚痛依然持續....
雖然係聖誕節,但依舊要一支公留在家中與屋企人渡過,同往前嗰十幾年一樣
原因有二,
1)我希望擁有,但依然未有"女朋友"
2)老媽子隨著我年齡既長大,對我都愈來愈嚴,同朋友出街一係就問長問短,我答左佢又未必一定可以出,特別這些特別日子,我唔陪屋企人就會俾佢認定為衰仔,縱使佢最後放我出去,番到屋既時候,佢塊面一定黑曬,因此就算有friend約我喺特別日子出街,我多數都借故推左佢算數。
夜晚就同老豆,大伯一家去左會展食聖誕自助餐。搞到成12點到先番到屋企,又再次俾老媽"炮轟"
唉!!
一個俾人持續炮轟既聖誕.一個自己一個人要陪老豆老媽既聖誕!
算啦!我都憤左,盲目左啦! |
| 2008 年 12 月 24 日 星期三 |
| 2008-12-24 |
分類: 未分類 |
早上番左學校補中文,我以為我自己應該可以抵受到4個鐘既煎熬,點知我都係"釣魚",大約15分鐘左右......
之後下午勁趕咁去左新都會間買左部mp3俾老豆做聖誕禮物
但係在我趕番屋企之後,我就遲左到保齡球館,張生又呢樣嗰樣,好煩!!!!
打完波就上左張生屋企攻打四方城,
條友傻到約左8條友上去,有3個唔識打,得個坐字,之後又多左兩個無得打,超無奈
好左我早走,有一個可以頂我個位,
我走時勝張生5蚊,剛好夠俾車費!!哈哈
番到屋企唔知食錯咩野,我又肚痛又不停去廁所
超辛苦!! |
| 2008 年 12 月 22 日 星期一 |
| 2008-12-22 |
分類: 未分類 |
今日係旅行日
之前一晚馬屎打電話黎話蛤蜊想入地組,佢煩左馬屎勁耐,又打左50幾次電話俾馬屎。好左馬屎無屈服....
但係第二朝馬屎先砍後奏,無啦啦入左單車威.....夠啦!這個已經係我既容忍度啦!我同張康都俾佢吹脹+激死!!
我嗰班第一組出車,班會在車上搞bingo。我不嬲無咩抽獎運,所以無中到都唔出奇
一到步,我超容易咁霸到張枱,跟住鋪好張枱,傻更更咁等佢地到...
d班到既時候,蛤蜊跟住馬屎唔放,企左喺我地張枱隔離,話只坐唔食....只係我地連坐都唔想佢坐呢!!
馬屎最後搵彭彭搞掂左佢,放左佢入阿水嗰組...我同張康都會為阿水祈禱......
嗰餐既食物都唔錯。馬屎當日得左一個新花名--"30蚊",條友攞30蚊打邊爐,佢食咩呀....最後條數又係歸我,佢總數差我120蚊!你唔好唔還就得啦!
食完嘢打左一陣啤派,又四圍行左一陣。之後就回程啦
我今日一定好好彩,miss出錢買禮物抽獎,我竟然中左---2gb手指,哈哈
之後同小涁and張康碌左一局保齡就歸家去
嗰晚番到屋企勁累,但今天好快樂!!!!!!!!!!!^^ |
| 2008 年 12 月 20 日 星期六 |
| 2008-12-20 |
分類: 未分類 |
今日提早左一個星期回醫院覆診,因為下星期要回校補hist
醫生送左一份好好既聖誕禮物俾我,我可以減少服用類固醇既份量啦,
由20mg減到15mg,雖然減得少少,但少少都係進步呀!!
我下午約左張康同馬屎去買星期一旅行既食物
我仲以為自己會遲到,因為我搞到成12點先離開醫院,於是就把時間推遲半個鐘,
但係我約到張康,搵唔到馬屎,結果我神奇地用左10分鐘殺清左碗"吉野家牛肉飯",跟住準時於兩點到左葵芳。
在等待張康既半個鐘頭,馬屎陪我行葵廣,我用左兩百蚊買左三件衫,ok便宜,都ok好睇。
我絕對相信何生既是眼光^^
等到張康後,我地三個去左百佳買嘢,用左百二蚊,好無奈地,班友又叫我出住先。
唉!不過我都遇左嫁啦!
點之條張康話約左小涁出mk,結果我同馬屎搬住超過10公升嘢,行到死死下咁行去馬屎屋企
張康你好野!
|
| 2008 年 12 月 16 日 星期二 |
| 2008-12-16 |
分類: 未分類 |
旅行分組終於搞好,我同張康+馬屎+陳家朗
四支公打邊爐....我覺得唔錯嫁,人少少,唔洗煩,真係要投票選擇都快d啦
張生話要整海鮮,又螺又蚌,我同馬屎都驚會肚痛。都係馬屎正常d,話打番丸同肥牛。
星期六約埋去買食物同買衫,都好既09新年未有新衫
今日放學又去左打保齡,之前張康拾到粒私家波,我d手指位fit曬,佢自己就用左300蚊鑽左粒新波,於是嗰粒"拾獲的私家波"就順利成章過左俾我啦。哈哈!
今日打左三局,第一同第二局都過100,最後一局痴左線,得99 =.=
但係都好個馬屎同張康,佢地學左5步,我學得兩步,算對得住啊sir啦!
小涁就唔好提啦,條友勁到吹脹,依家次次都over130,最高有190。
我地這廝只有在遙遠既地方觀摩佢......
唉..................
我一定要再學好d呀!!!
|
|
