2008 年 12 月 10 日 星期三  |
| 2008-12-10 |
分類: 未分類 |
本來今日我可以唔番學,因為朝早要去醫院覆診。
時間係11:30,啱啱好可以走成日,
可惜我決定提早在9:00左右番到醫院,跟住在1:30前番到學校.....
點解?
因為今日學校要影學生相呀,今年已經係中五啦,唔知自己下年仲可唔可以番回善德.所以今年既學生相好有紀念價值。
我仲有份影埋drama組嗰張,因此番去係值既
其實張生你著起件redcross衫都幾好睇嫁,起瑪我覺得唔錯呀!
唔好介意人地點睇你啦!你件衫都係制服一套黎。
講真,唔好睇都俾人band左啦,仲有命留到今日咩!!
我覺得係你自己都唔鍾意套衫姐
今次你認左佢啦,傻佬。
|
| 2008 年 12 月 6 日 星期六 |
| 2008-12-06 |
分類: 未分類 |
上午要番學校補hist,hist既內容終於同中史有所銜接,一樣都教「中國共產黨」。
但係hist既課程中竟然有「中國共產黨的內部結構」....我悶到暈左15分鐘.....
12:30放左之後同小涁,張康去左學保齡。
我都係未學好五步,啊sir今日主要糾正番我兩步既姿勢,不過都好既,費事搞不好,變左"未學行先學走"啦
之後佢地兩條友想捉我去唱k,其實我都好想,不過我今朝應允左老媽子要下午番屋企溫書....
唉!因為我econ一科真係超級唔掂....
哈,所以我又好衰仔咁非起左佢地兩個,因此本人在此向佢地兩位兄台賠不是。
正所謂:深得哥情就失嫂意。無法啦兄弟,老媽子緊要d呀!!! |
| 2008 年 12 月 3 日 星期三 |
| 2008-12-03 |
分類: 未分類 |
今日第7,8堂去左禮堂聽讀書講座
個講者介紹左好多本書,聽佢講到好好睇咁,我之後就決定一定要去圖書館借d書番去睇。
結果我都係等唔到星期一,放學後就叫左張康同我去荃灣三聯買左"刀下留人",我應該可以在三日內finish佢。
三十五週年校慶,學校放假兩日。
之前買左既校刊,今日終於收到。刊內有好多好好笑既"老師年青時"既相,最好笑係92年既教師足球隊既相,許sir,區sir同希叔叔都好"有型"。
之後睇到d師兄師姐離校後都為學校寫文章,有一些羨慕感,好想可以在十幾二十年後俾老師請去為學校40or50年校慶寫文。
(雖然有可能只係幻想)
但咁樣又燃起左我心中嗰團火....我一定要盡力考好會考,決心番善德讀中六。
希望我團火唔好咁易熄啦!今次既奮鬥心好強,以往未試個。
俾d心機呀,冬菇..... |
| 2008 年 12 月 2 日 星期二 |
| 2008-12-02 |
分類: 未分類 |
上網個寬頻器輕左兩日,今日終於整好。
所以無得打blog兩日
尋日終於調左位,雖然只係從以往過位調前左1個,再調右1個,但係都好過之前。
之前坐我隔離嗰個同我完全無兩句,雖然依家這個係唔熟既,更可以講係新識既,但我相信點都比以往嗰個好掛。
我坐係之前嗰位,同附近d人都無話題,無野講。
而依家坐左一日半,同周圍d人都ok,起碼有野講呀。
所以總結,我歡迎今次既調位 |
| 2008 年 11 月 27 日 星期四 |
| 2008-11-27 |
分類: 未分類 |
Ms Ip終於番左,咁就係等於我終於收到我份math卷。
考我唔好,大卷得43/99,而mc就合格。雖然話對文科生黎講合格都難,但係我真係放左心機落這一科,咁係唔係等於我俾落去既心機同時間都唔夠呀?
何生講話有位人兄/人姐,平日連功課都係抄襲得來既,但今次竟然可以攞到五十幾分,我一聽都唔信。可是見佢講到好激動,差d聲色淚俱下咁樣,我就唔可以再自欺欺人啦!我信啦!
我雖然唔知佢係邊個,但佢唔好俾我知,因為我十分恨佢,恨佢既負碌......
我自認我所做既exercise唔夠何生多,成績一定無佢咁好,但一定多過佢口中嗰個"抄功課之人"。
佢一次既好彩唔等於永恆,我就放長對眼睇下嗰位人兄/人姐有咩結果!
而我就會再做更多既exercise去填補我既不足
依家唯有希望以後既成績有所進步啦!
ps:如果何生你睇到這篇文,我就希望我地兩個共同努力
去攞更好既成績,最重要係打敗嗰位唔知係投機取巧定係死好命既人啦! |
| 2008 年 11 月 26 日 星期三 |
| 收成正果?? |
分類: 未分類 |
今次考試d卷大致上都派灑啦
整體黎講我都滿意,無一科摘星--唔合格,唯一一科唔多滿意既就係econ,大卷肥左,但mc應該可以拉番合格
不過我仲有一科較為危險既科未派,就係佛學....唉!我有溫既就出都唔出,無溫過又或者完全無印象我睇過既就出左
雖然話明係"考"試,但今鋪真係俾佢考起。
何謂收成正果呀?我既付出同我既收成究竟係唔係成正比例?
講真,我都唔知呀!但的的確確我今次真係比起之前hea既幾年付出多左。
可惜今次睇番我自己既成績,我覺得收成唔夠,又可能係我要求太多罷了!
我終於意識到時間所剩無幾,距離會考既日子得番4個月左右。
我要在會考有收穫,依家我所施下既"肥料"絕對未夠!
唉.....唯有再努力啦!
*希望唔好係得把口啦*
今日放左學之後同張康&小涁去左剪髮,剪完個髮型師問我個頭洗唔洗噴野,我一口就拒絕左佢,我都回家啦,仲噴咩呀,穩鬼睇你咩!
我自己就覺得剪得唔太好,可能係我塊面真係脹得太誇張,所以我自己都睇唔順眼。*剪咩頭都唔好睇*
不過算啦,唔做都做左咯,唔好後悔啦!
其實"你"洗唔洗絕到話唔收呀!
真係朋友都做唔番?我再無非分之想嫁啦! |
| 2008 年 11 月 25 日 星期二 |
| 一年既回顧 |
分類: 未分類 |
無打blog好耐啦!
今日唔知咩事,突然好想打番,於是就決定重打。我都唔知今次我既"恆心"可以維持幾耐....
唔理啦!講番對上一次打完blog之後既事啦
今年太多事發生左係我身上啦!我喺5月時開始要食一種新藥--類固醇,又名"肥仔藥"。一食左種藥之後,我塊臉開始腫脹,仲有埋個肚腩...唔只呀,過多兩個月,藥既副作用仲另我有埋"糖尿病",你話係唔係吹脹!依家我日日都要自己打針,一日四次,無間斷。停既方法就係停藥,但醫生又話唔停得.......我依家唯有見步行步啦
關於感情方面,我依家可以講係完全無寄託,自從"佢"從我既記憶中消除之後,就再無其他人出現啦!"佢"既離去對我有無打擊,有無傷心過,咁當然係有啦,但係我傷心既時間唔係太長,因為我認為唔值得呀,都無開始過,只係自己一相情願,如同某人所講一樣,再落去唔會有結果,俾我既,卻只係「犯賤」兩個字,又何苦呢?依家眼見好多身邊既朋友一個一個咁開始拍拖,個口就話唔在意,無咩所謂,但其實心中唔多唔少都有d羨慕。哈!羨慕又有咩用呀,我依家腫左,我自己都覺得自己「樣衰」啦,更何況其他人。我只好自我安慰:命裡有時終須有,命裡無時莫強求。
在近排發掘左一頂新嗜好--保齡球,我同小涁,馬屎已經一同學波去。都好嘅,當係俾自己喺課餘時既唯一寄託啦!
朋友方面,我同馬屎,小涁同張康就愈黎愈熟,但係自從啊豬入左d班之後,我地已經無咩聯絡啦!而我同何生雖然係一同入左a班,但唔知點解我地之間突然有左一重隔閡,我漸漸覺得往日之情不再。我自己就係班中愈來愈覺得寂寞同冷清,我究竟係咪真係自我中心呢?
講番近幾日既事,
經過左兩星期既考試,終於可以稍為脫離"瘋狂咪書"狀態。唉!但係回望自己,今年已經f.5啦,究竟係咪真正可以有時間俾我放鬆呀?
現在既我經常要以過來人既身份去訓誡我一大班既堂兄弟姐妹,要佢地努力讀書,唔好荒廢左中一至中三既日子。我係一個好失敗既例子,因為我當年就係"hea"左嗰三年,搞到中四要勁苦地狂追,尢其係數學......
唔知係我好彩定咩,我係中四當年預到個十分好既啊sir--mr.kk程,佢真係幫左我好多,我個分可以由上學期既3字頭升到下學期既6字頭,我直程覺得對佢講一千句一萬句感激都唔夠。若果真係要講,只可以用"無言感激"黎形容。同時我上年既學期成績都升左,由上學期既一百一十幾,升到下學期既八十幾,話多唔係多,但我對自己既表現已經可以算係滿意啦!
講番今次考試既成績,雖然未派灑,但已經見到係有好有唔好。中文派左四份,geog都派灑,大致上都滿意,hist更可以用唔錯兩個字黎形容。但係econ就.......唉!應該唔洗摘星既!!其他就未派灑,唔講住啦!我真係要好好惡補番d書,尢其係喺我病左嗰兩個禮拜既書。我唔可以再用病黎做借口,因為我知道這個借口唔會俾考試局接受而唔洗考某d部份既課文家嗎,係咪?
我終於係今次既考試中學會左一個我應該明左好耐,但係又發覺今日先明既道理:一分耕耘,一分收穫。hist同econ就係兩個好極端既例子。依家我終於開始有一個中五學生應該有既危機感,可惜仲係唔係好強,咁係咪已經太遲呢?
今年直到今日既情況大致已經講完啦,都係時候完結啦! |
| 2007 年 7 月 4 日 星期三 |
| 2007-07-04 |
分類: 未分類 |
今日去左棉紡聽講座
聽完之後,另我覺得入到a班既機會無升到,反而跌左
講座期間,miss陸講下d關於art既野
中間竟然show左d我地今年既相出黎
好唔好彩地,我嗰幅俾佢擺左係頭,
勁無奈!
跟住我去左同脆皮豬,何b去左吉野家食飯
(其實講好d係佢地陪我食飯)
跟住佢地去左我屋企玩
並無打機
佢地黎玩''益智遊戲''-----大富翁
勝利嗰個當然係我啦!
然後我地羅左副啤出黎玩''show hand''
何b輸到要借
但之後竟然俾佢勝利左,就係一次show hand
我同啊豬輸清光,
因為佢既一副''蛇''
ps:我地所用既錢係大富翁既遊戲錢
|
| 2007 年 7 月 3 日 星期二 |
| 2007-07-03 |
分類: 未分類 |
今日,要返學校聽嗰個所謂既性教育劇場,
點之,個hall既天花石屎剝落,
個活動取消左,搞到之後的活動如:歌唱比賽決賽同散學禮都取消
明日的中三選科講座去左棉紡
夏日情調音樂會去左林金殿
不過都好既,學生可以有多d時間留係屋企....玩
之後我返左屋企
不停地煲柯南
其實佢d案件又離奇又好睇
係我唯一一部沉迷既動畫(應該算係動畫掛)
佢仲令到我無左好多錢,
因為我又買碟,買漫畫,仲係樓下租左唔少電影
哈哈,有d我係屈老豆買嫁
|
| 2007 年 7 月 2 日 星期一 |
| 累 |
分類: 未分類 |
10:00,起身
因為俾老豆捉左去游水,游左成粒鐘
之後去左酒店飲午茶,
跟住成家入左馬鞍山踩單車,踩左3粒鐘,
就係我倦到死的時候,我班堂兄弟姐妹,仲要我倍佢地唱k
唉!羅我命罷啦!
到左晚餐時間,仲要等位食飯!
結果搞到10:00先返到麗城!
真係所謂的''踩足一日''
以後咪再搞我! |
| 2007 年 7 月 1 日 星期日 |
| 2007-07-01 |
分類: 未分類 |
朝早,同啊媽煲劇,台劇''轉角遇到愛''ok啦!會再睇!
之後就番左老豆老媽屋企, 我地7:00pm左右由屋企行去新世界中心,
因為我地book左枱,約埋d親戚去果道食飯。
點知老豆話會封路,d車入唔到去,所以唔搭的士,變左行過去
竟然就係因為封路令我地行左差唔多一個鐘先過到去(本來30min)
唉!
我地都睇到放煙花!
現場個震撼感比電視好幾百倍!
食完飯就去左睇''虎膽龍威4.0''
ok啦!拍得幾緊湊
但係我地成2:00鐘先返到屋企!
好累啊!
|
| 2007 年 6 月 29 日 星期五 |
| 2007-06-29 |
分類: 未分類 |
對分,兩科肥左,math+chem
兩科好左,eng:intergrated work+hist
所以出黎的成績差唔多
我估都係1xx名啦!!
但係jason好唔高興,我估佢的結果唔係好理想。
唉!人係無完美既!jason打籃球好,但係成績唔好,
我呢.....無樣野好...死左佢吧啦!!!!
唉唉唉!!!!!
跟住就歌唱比賽初賽!!
一般啦!!c班反而好好!!
算啦!我地班係唔夠放,同埋part舞唔夠勁!!
但係應該都入到決賽既(希望)。
跟住,我就歸家,163club就去打波!
一)我球技唔好就費事啦!
二)我又歸心似箭!
我覺得第二嗰個好似借口!算啦!
ps:有無人可以話我知我有咩優點!
其實我想知好耐。
*我要認真嫁* |
| 2007 年 6 月 28 日 星期四 |
| 重開 |
分類: 未分類 |
終於渡過左漫長的測驗同埋exam,個blog可以重開啦
好啦!依家講下今日既事:
近期都講緊意粉d冷gag,自從''上帝小便''後再創神話...''上帝沖涼'' 真係有d頂佢唔順
tsa都ok容易啦!
跟住就練歌,雞哥被免左唔洗出去獨唱,反而累左佢隔離嗰個...fion
整體上練得好好,當然有例外啦...主婦龍,唉佢都唔知係唔係玩嘢!
意粉終於得嘗所願,同karen企埋一齊,今日仲要整到對方
而我....
都唔好得去邊。
牛屎無啦啦話要搵人表演雜技,又唔知邊個禁口臭,講左我識得擺腳上去個頭到....
結果緊係俾人捉左去表演啦!!!
無奈!!!!!!!!!!!!!!!!!!!!!!!!!!!!!!!!!! |
| 2007 年 2 月 9 日 星期五 |
| 2007-02-09 |
分類: 未分類 |
miss lau話以後多d默書,但係份量會少左。所以前幾日先默完書,今日又默。
今日既中文堂依然好悶。
math,我終於發現我坐c拉隔離係有好處嫁,我有d唔明既數可以叫佢教我。但係今日佢講終於有條數難到佢(18題),聽完li番話後,我又再次想調位,因為佢好串。
chem,我買左m&m上去食,都有聽到啊sir講嘢。但係在後段,我同豬兄和泓兄大吹人類進化倫。愈講愈好笑。
art,諗左好耐都都諗唔到用咩圖案。最後決定用s,l,k,k這幾個英文字。
放學,終於做好個board。仲搵左暖麟幫手簽名。做完後去左百佳買杯碟,零食,汽水。
我當日同小明一樣要拿汽水+食物。
意粉應該幫手拿三枝汽水啦。 |
2007 年 2 月 7 日 星期三  |
2007-02-07  |
分類: 未分類 |
首先要講聲唔好意思,我係前兩日無開到機
應該係呢段期間唔夠睡!!
今日心情勁唔掂!在his堂俾鐵三角(主婦龍+志泓兄+杰哥)煩到聽唔到王子講what!英文一樣!
phy,迫攻意粉。我地(carman,陳x琳,江威and我)追問意粉鍾意邊個。我同carman都估埋同一個人,問意粉時,佢不停話唔知,我地覺得係估對嫁。係意粉死口唔應...哈哈。
中文堂時,我好倦,睡着左。好內疚,我好想知啊sir問主婦問咩,好似關我事。
放學,去左geog rm做board,好多人玩自責,因為大家既心情都唔好!
希望明天會好番!!
ps.意粉,我唔係話一定唔去,我話我訡緊!!! |
|
