2010 年 2 月 3 日 星期三  |
| 轉blog |
分類: 未分類 |
經過左一段時間後,我覺得自己真係成長左
雖然可能只係我自己既主觀己見,但個blog始終係我既,我鍾意點就點啦~~
我今日就會喺新blog打日記
想要網址既朋友可以問我攞,我一定會俾一d我認為值得俾既人
當我唔俾你,唔代表我地唔係朋友,只係未夠姐~
而呢一個blog,將會成為我一個永久既回憶,或許係一個幼稚既回憶啦~~
可能會有重開既一日,但要在很久的將來了.....
冬菇在此blog中,暫時封筆~~
|
| 2009 年 10 月 12 日 星期一 |
| 四個朋友的故事 |
分類: 未分類 |
首先,唔好問我點解我會咁耐唔打blog,係因為無時間罷了!
而又唔好問我點鮮解今日突然打番,係因為我想打,所以就打罷了!
一個好重要既問題,令仔係唔係大曬?
我今日講既故事就同呢句野有關啦~~
有d有能之士,有良心之人就會答我「一定唔係」,因為佢地會認為人既內在美一定比外在美重要。但講真當你去接觸兩個人,一個比較令,一個比較普通,你一定會用多d時間去了解較令既一個。
四個人,a,b,c同d
前兩個係女,後兩個係男
而c就一定係外貌不夠吸引既一個。我叫比較令嗰位人兄做d。
c同d係好朋友,大家所認識既人中有一大部份係差唔多既,在眾人既口中永遠只會講d先,而唔係講起c先既。自自然然佢成為幾個好兄弟既中心,c一直都唔介意,並認為自己沒有d的俊俏,但內在美絕對不會給d比下去,但直到一件事係使c覺得:令仔可以打橫行咩?
兩年前的c,對一位女同學有了一些好感(叫佢做a啦),於是就去同d商量一下,而a都係經c介紹下d先認識既。佢初初聽到c講時,d先不給予反應,之後就同c講會支持佢。但直到一日,c同a既朋友關係已經唔可能再做朋友之時,d仲會過黎安慰c,兄弟嗎!!
但d事後有一日同c講起,先知道d原來對a都有好感,雖然c唔介意,因為c同a已不能做朋友,但c對d已經有疑心,c心中想:為何當日我同你講時,你唔同番我講,我唔會介意公平競爭嫁。
雖然d不斷同c講當c對a仲有好感時,d無做過d咩,但c感覺到唔係這一回事!因為d依家仲有同a接觸,仲要好close呀!只係未到男女朋友之關係罷了。
d有時既小動作同單單打打真係好令一班兄弟討厭!!
一年多時間之過去,c又再對另一個女子增生好感(你可以話c鍾意完一個又一個,但唔可以話c花心,因為c係把一個放下了,才到下一個,更何況都一年啦!!)(我又叫佢做b)
今次d同b係識既,又係「一般」朋友,d一直同c講佢已有鍾意既人,但d做既野卻使c和一些老友反感。d唔知係太習慣定真係真唔知,d經常地用一些十分露骨既詞句去「撩女仔」。而d俾到一眾兄弟既感覺係佢又想對b有意思,一班兄弟當然希望佢唔係啦,就可以當自己敏感就沒事了!但d可能做得太多了,使c覺得佢已經去到「司馬昭之心,路人皆見」的地步。
c與d之間有個諾言,而就係因這個諾言,導致c同b有個隔閡。雖然在c的堅持下,b都逼不到c一一道出,像是解決了一般,但只不過是把這事件收起不提罷了。
c有考慮過不去守這個諾言,但係c對唔住自己良心,又有考慮過去中傷d,但最後都係良心過意不去。
其實個社會中,好人永遠是否沒有好報,好人永遠只會俾人說「白痴」。但c到這一刻依然堅持信念,一定不再做一些損人利己之事,尤其是對朋友,兄弟。
c不足,其實是不可以去阻止d去做任何一件事,但佢不怕,不怕d的小動作,不怕d的單單打打,要同d競爭,c立誓一定會爭到底,唔再怕d,都不會像上一次一樣。
如果d沒有做過一眾兄弟心中所想的事,就罷了,但希望一眾兄弟不希望d再做一d容易另人誤會的事!
最後c把這個故事告訴一個朋友,c問:「我究竟有什麼比不上d?」
那朋友說:「d比你俊俏,沒辦法了」
|
| 2009 年 7 月 20 日 星期一 |
| DAY 2 杭州-->蘇州 |
分類: 未分類 |
今日我地再遊西湖,西湖之旁原來有好多"星巴克"嫁
坐喺入面享受咖啡,真一流。
我地望到d老人家坐喺湖邊打麻雀,一邊呼吸著西湖既空氣,真係人生一絕呀。
多麼的希望老來既生活也會如此的寫意~~
西湖畔既垂柳都好有景致,
所謂牡丹雖好,都要有綠葉扶持,西湖既湖光山色,都要有一絲絲垂柳在隨風飄逸,才能顯示出當中既詩情畫意
之後我地去左一個叫"梅家塢"既地區
我地去"龍井問茶"
*小知識:
最好既龍井,唔係雨前龍井,係明前龍井
雨前為24節氣中既穀雨前收成既龍井,而明前,則是清明節前既龍井
排名應為:明前-->雨前-->雨後
乾食時上等既龍井入口會卜卜脆,並且有甘甜既味道,而次等既就會有苦味
梅家塢後面有個shopping mall,好大,有好多野賣
最特別既就係佢有得賣原隻金華火腿,=.=,好大隻呀!!
之後部車停左喺錢磄江邊,
只可惜不合時節,無得觀潮,唯有影了那一潭死水作罷...
中午去左一間名為"巴國布衣"既四川餐廳食飯,
食飯之餘,仲有娛樂,就係有位奇人異士即席變面同噴火....
之後就落去蘇州啦
第一站去左山塘街
坐船遊古運河
好有古代中國風味既古建築,但有好臭既河水.....
*趣事
我啊媽同其他女團友都見到個啊叔喺屋企對住條河小便....
但冇個男團友見到=.=
之後食左一餐普通既晚餐,就回酒店啦 |
| SORRY |
分類: 未分類 |
首先講聲唔好意思,我好耐無打blog啦。
難得地有個咁既病假,唔打就真係好對唔住自己同你地啦。
其實"sorry"係有另一個意思,
我得左"人類豬型流感"簡稱H1N1
我先前完全無諗過我會中招,因此應該惹左唔少人,
真係好對唔住呀!! |
| 2009 年 6 月 10 日 星期三 |
| DAY 1 ~ 杭州 |
分類: 未分類 |
去到蘇州,一定係行西湖啦
坐船見到蘇堤~蘇東坡,(蘇堤春曉),白堤~白居易。仲見到斷橋,(斷橋殘雪)。
當然仲有雷峰塔啦。相傳該塔係用黎鎮住於塔底既白蛇,但政府在04年重見座塔,發現既唔係蛇骨,竟然係舍利子!!
西湖旁既故事,多不勝數,仲有既係梁山伯與祝英台於長橋「十八相送」。
湖中放住三個壇,佢地包住既地方水深超過十八米。湖底又有好多污泥,因此絕不適宜游水。
西湖在八月十五時,你會發現有三十三個月亮
空中一個,倒影一個,三個壇各有五個窗口,total15個,窗口再有倒影照到水中,又15個,現在有32個。
咁最後一個呢?
其實就在各位觀賞既人心中。係唔係好正呢,各位男士,記得在中秋佳節時,要冧下你既身邊人呀!
其實欣賞西湖最美之時係在湮雨濛濛之時。
**我地在船上有件趣事發生,
有位人兄坐我地隔離,佢在導遊用廣東話介紹西湖時,佢唔洗兩分鐘把內容轉成國語,講解俾佢隔離既親友聽,仲要係完全無錯先好嘢!!
吾佩服得五體投地也!!
在西湖隔離有條步行街,右邊係賣名牌嘢,但絕對比香港貴。左邊就可以見到西湖既風光,十分美!!
晚餐叫做杭州風味,但絕不好食
糖醋魚:好腥
東坡肉:好肥又好燶
總知就唔合香港人口味啦!
香港人食嘢清淡,又食海水魚(唔腥既)。
晚上就有第一個自費節目:西湖之夜
五個環節,
1)南宋岳飛
2)蘇東坡
3)梁祝傳奇
4)龍井問茶
5)佛光普照~有千手觀音呀,好好睇!!
但係我在第二節時瞓著左,第三節醒番.....
因為有d內容真係好悶,加上我又累,所以......哈哈!!(算啦!!)
酒店係「西湖金座大酒店」
電視有得較劇集或者電影睇(可惜所有廣東話,變成普通話),
於是我只好睇外語電影,「命運自選台」。
**原來大陸d酒店要俾貼士嫁,$5。 |
| 2009 年 6 月 8 日 星期一 |
| 華東既簡介 |
分類: 未分類 |
資料:
飛機起飛:十一點鐘(八點出門)
領隊:Eric Chan
行程:香港 ~ 杭州 ~ 蘇州 ~ 無鍚 ~ 上海 ~ 香港
(day 1) (day2) (day3) (day 4-5)
上機,帶左個豬咀口罩(好辛苦)
我過關時,俾人叫住左,因為我身上有兩個針頭.....
仲要俾機組人員陪同上機,但感覺上似囚犯一樣.......絕不好受!!
但回程時,上海機埸就查唔到我支針.....
係唔係說明左香港機場保安嚴密d呢??
飛機餐就不過不失啦!
回程時,班機delay左1個鐘,本來11點回到香港國際機場,結果12點先得(係晚上呀.....)
中國東方航空真係信唔過,但就因為信唔過,所以無咩歐美人士搭乘,機上有豬流感患者會少d,安全d。
(*啊Q精神呀!!)
特別發現:在去程機上發現沈祖堯醫生同機,我都見到佢,有意欲想問佢攞簽名。XD
本團既導遊叫Leo,我地可以叫佢肥仔,哈哈!他操有鄉音但好流利既廣東話。講解時風趣,五天內,成團無人在佢講解時會睡著。
Leo金句:團體餐,好食就食多d,唔好食,就食飽d。
|
| 2009 年 6 月 4 日 星期四 |
| 事情既結束,回來後的感受 |
分類: 未分類 |
短短五日既華東五天團結束了,到了四個不同既地方:杭州,蘇州,無錫和上海。
體會和得著絕對不少,包括了很多人與事。
今次既行程有一些好領隊和導遊,使整個團生色不少。
當然都要有一班好既團友,大家一路上既守望相助,令到成個團都好愉快。
我一樣依照慣例,唔會在本文中與大家講述今次之經歷,會分開幾天來寫,可能一天既文章,寫一天既行程罷了。
令外我自己都在這幾天解決了一件維持了幾年既問題,我希望今次真的得到了解決,為整件事件劃上一個圓滿既句號。
以往既對與錯,恩與怨也一筆勾消。大家都平靜下來,等待時間既洗禮,由時間做一個合理的「大法官」吧。 |
| 2009 年 5 月 22 日 星期五 |
| 錯了 |
分類: 未分類 |
今日在我翻查一些人的日記時,我發現了一些以往我原來曾犯下既錯!
我與他本身是朋友,但其實我一直到之前一刻,我都不知因何事得罪了他,直到我在他的一篇文章中發現他對我既感覺:"他根本就是想表現自己,愛出風頭,完全待人是假人假義,只為了得到權力和慾望亦在耍手段,"。
我認我曾經係一個愛去風頭既人,我都認我曾經出賣朋友,但我敢問現在我所有既朋友,我是否假人假義!而我都未曾試過為權力和慾望耍手段!
我是出家於一個較為富裕既家庭,但我沒有用金額去欺壓別人,從不,也絕不。我沒有炫耀過自己有錢,只不過是在大家不夠金錢時,我會出住先.在朋友有金錢需要時,我會借出金錢,可是我從不收息,也未曾試過咄咄逼人地追回借去既金錢。
我係一個自我中心既人,我認!我係在中三時做過一件好錯既事,但我明白何為不跌過,不知疼。那一跌.真的很傷,但我學到既事,畢生受用。
我自從升上f.4之後,我已經沒有再那麼愛出風頭了,好多玩弄別人既事,我都只不過是坐在班中的一角,看著事情的發生。我不是不想去阻止,只是沒有能力去阻止。你可以笑我無用,但不可以話我係主謀。難道你有能力去阻止一班16,17歲的少年,去"玩"他們"遊戲"嗎?如果你認為我站在一旁笑,是不該的話,那麼下次有同樣既事情發生,請你站出來說不吧!
我從未有討厭過你,未有在人前人後說過你不是(或許一兩次,但一定不及你說我的多)。我們之間既誤會也好,對錯也好,不如三口六面講清楚,而你都不要在別人前面說起你對我既偏見或執著。
其實一直以來,你依然是我既榜樣,不是曾經,是依然不變。你依然係我一個要去追趕既目標。
但願我們不能成朋友,也不要成為敵人。
在此為我以往所犯下既錯致歉 |
| 2009 年 5 月 17 日 星期日 |
| angle and demon |
分類: 未分類 |
老豆唔得閒,入左馬場,於是我同老媽子去左荃灣百老匯睇"天使與魔鬼"。
睇到所餘既座位數目,我同啊媽都嚇親。
座位只剩下前四行同埋d單丁位.....
猶豫左好耐,我地都係決定......睇!
買左e行,真係好前.......
天使與魔鬼 (Angels & Demons)
| 導演: |
朗侯活 |
| 主演: |
湯漢斯,伊雲麥葵格 |
| 片長: |
139分鐘 |
蘭頓﹝湯漢斯 飾﹞無意中發現光照派這個歷史悠久的秘密組織竟死灰復燃，正進行著一項驚世大陰謀，他們為求目的甚至不惜殺人。同一時間，梵蒂岡亦收到「光照派」的死亡威脅。為阻止光照派的陰謀，蘭頓﹝湯漢斯 飾﹞起程往羅馬，在那裡遇到美麗神秘的意大利科學家維特多莉亞•維特勒﹝伊莉素娜 飾﹞ 及教皇內侍 ﹝伊雲麥葵格 飾﹞，三人遂聯手抽絲剝繭偵破謎團。蘭頓和維多莉亞必須與時間競賽，在二十四小時內勇闖密封的地窖、危機四伏的古墓、荒廢的教堂，甚至深入地球上最神秘的地下墓穴，追尋已有四百年歷史的四大古老符號——氣、土、火、水的踪跡，找出將炸毀整個梵蒂岡的「反物質」！
對我黎講,成套戲係好睇既!
主要係因為我睇過本原著,因此我會明d內容講咩。
但係一般人無睇過書的話(好似我啊媽噤!),可能一開始會有d亂。皆因d場景會在兩個不同既地方互轉。
如果睇過原著,而又覺得唔錯既,我鼓勵你地去睇,否則就要好好考慮啦! |
| 2009 年 5 月 14 日 星期四 |
| 張康生日 |
分類: 未分類 |
我在之前一晚整左個蛋糕俾佢,點之個蛋糕d cream既奶味太重,蓋過左d蛋糕本身既蛋香,做成左"喧賓奪主"既感覺。唔! not good, 下次努力!
同佢,大涁,馬屎,李文諾五條友去左唱k,抱著去搵歌唱singing contest既心態,但點知green box無我心水既歌,唯有下次捉埋佢地陪我去neways啦!
馬屎同大涁一人唱左一次blessing,前者唱到嚇親人,後者就唱到冧死人......啊!!pan, you are so great.
佢地個個都好執著,想快d搵到工。
唉,又何必呢?人一世,物一世,我地已經中五啦,仲可以有幾多時間俾我地去享受一個既快樂又悠長既暑期呢,點解唔可以把這一個暑期俾自己一個好好地休息既機會呢?
人生仲有幾多個假期呀??? |
| 2009 年 5 月 11 日 星期一 |
| 苦 |
分類: 未分類 |
終於考完會考啦!
對我黎講真係一個解脫,如佛學中既"苦已斷"。但係一個苦既結束,做就另一個苦既開始,之後仲有中七,大學,開始工作等既苦和煩惱等緊我。
唉!人生既苦與煩惱係無盡既,如果人既欲望一樣。
(我真係考試考到傻左!無啦啦講完佛學講經濟!哈哈!)
番番主題先啦。其實今次既會考真係苦嫁,好後悔無喺中一至中四好好地讀書,搞到中五先黎死鋤難鋤。要搵人做反面例子,我絕對係!
今次,我真係俾曬d心機落去,我相信自己可以做到"問心無愧"。對比起之前喺學校考嗰個mock,mock用左二成既力,會考就用左起碼八成力。算對得住自己啦!
我真係放棄左好多用喺第二度既時間,例如打保齡,打機,同fd出街玩,連陪屋企人既時間都小左。
好似我星期日一定陪老豆出街,但在會考時,我攞埋本書出去。
我唔俾自己打機既方法仲癲,我為左唔俾自己幫部機揸電,我放左個揸電器去我老豆屋企,而去佢度就一定唔會攞機,死味!
學我啊婆話:江亞全打老虎,盡地一鋪"同hkcee死過!
|
| 2009 年 4 月 30 日 星期四 |
| 苦....唔打住 |
分類: 未分類 |
我都好耐無打這個日誌啦
因為呢,會考期間嗎...
可能你地會問:咁冬菇你今日可以打又唔打呢?
其實我想喺我經歷完成個"苦"既過程,我先去打。
整個會考對我黎講都係"苦"嫁,仲要係極苦呀!
苦過飲二十四味呀......係唔係好爛呀!!=.=
算啦,我都係過左過會考再寫啦
其實可能係我懶得動罷了!!!
|
| 2009 年 4 月 6 日 星期一 |
| 甜 |
分類: 未分類 |
甜,這一個字可以另我想起好多嘢,應該正確d係好多開心嘢。
在這五年間識到咁有好朋友,大家之間既種種回憶,現在回絕總是快樂的,甜甜的。
我係唯一一個從慈幼小學升上善德既學生,所以上到中學不只是到了一個全新既地方,而且仲要自己一個去面對,因為一開始根本無朋友。
可是,我到現在這一刻,我都無後悔。
我在小學既時候,身體好差,經常嘔吐,同班既同學就因為這樣而常常取笑我,改我花名,所以我一d都唔開心,升左上中學後反而可能因為同學既年紀大左,唔會再以這件事笑我,佢地仲會體諒我,這樣已經係善德俾到我第一個,亦都係最好既印象。
現在回想都十分感謝中一同我同班既同學。
另外都要感謝一班扶持我既老師,雖然有d老師只教授過我一年,但在我有事時依然十分關心我。
我知道在這五年間我自己做過一d野令到好多人失望,有人更加會睇唔起我,但我依然有一班好朋友在我身邊支持同鼓勵我,並且接受我既改過。
這份感情,就算用盡我一生所賺到既金錢都係買唔到既。
這些才是甜呀!
|
| 2009 年 3 月 31 日 星期二 |
| 再談酸... |
分類: 未分類 |
在上一份日誌中講過另一個酸既定義,一樣嘢變左質。
在這五年中,我發現好多"情"和"性"變左,
情:
我未拍過拖,男女朋友之間既情我感覺唔到,所以無權去講,但我會看到朋友間既情不再,有d更去到"話不投機半句多"既地步。
好多朋友因為升上不同既班級,相互之間既聯繫無左,這些情況我見好多,連自己都經歷過。
當然,我唔否認會有例外,但絕對唔多。
由此,我會疑惑,現在這一刻同我稱兄道弟既一班"死黨",在大家都投身於這一個營營役役既社會後,有幾多友誼會長存呢?
因為連這少少兩三個月既不見,友誼都會退減,更莫說大家不再在同一個工作環境工作?
我自己都不能肯定自己會唔會係其中一份子......
性:
我唔係指性別,我係指性格,性情。
人會變,月會圓。我識既人當中好多人都變左,包括我自己。
先講我自己,我由一個完全唔注重外表,去到出街會襯衫。
由唔介意自己係"冬菇頭",到去salon剪髮,會落髮泥。
由主動舉手回答老師問題,到粒聲唔出,乖乖地在座位中聽老師講書。
由傻小子一個,去到好介意自己做"電車男"。
唔知別人點睇,但我自己覺得幾好,現在既感覺可以講得上係唔錯,我鍾意。
好多人都變左,有d就變緊。
我唔會開名,但有d人使我好心痛,由一個幾聰明既青少年,跟左一d不良既同學,搞到依家無書讀,仲要學埋煲煙。
佢本身有一個好好既目標同理想,但現在全都化成泡影,成風,成空。
有d就發奮向上,愈來愈好。
我當然希望大家都可以成為後者,但係現實同夢想,永遠有出入。
我地又可以做d咩去改變別人呢?
難道要用繩把人縛著,把佢從懸崖邊拉到青草地嗎?
佢要死,要投身崖底,我們能阻止嗎?阻止到一個,我們又能幫幾多個呢? |
| 2009 年 3 月 26 日 星期四 |
| 酸 |
分類: 未分類 |
先講酸
何謂酸?一d人地有,你又好想要,但係你得唔到既,你會有酸溜溜既感覺。或者一樣嘢變左質,你都可以佢係酸。
在這五年黎,有好多嘢我都係得唔到。
我會同其他人一樣追求一個好高既成績,但我永遠維持在中游既位置,至差跌過落一百二十幾,至高上到七十幾。當你望到人地攞到好好既成績,自己卻名落孫山,你會學懂"妒忌"。
我會同其他人一樣追尋一個合適既伴侶,但我永遠只有暗戀,望著對方既遠走,離去,找到她自己心中既伴侶。當你望到身邊既死黨,同學,一對對的成雙成對,而自己卻依然形單影隻,你會學懂"悲痛"。
我會同其他人一樣希望得到老師既寵愛,但我永遠只感到被無視。當你望到老師在你身旁走過,伸出手去提攜你四周既人,而不是自己,自己依然是困在泥沼中得不到幫助,你會學懂"絕望"。
其實這些感覺很多人都有同樣既感覺,但佢地學多一組詞語,"克服"
當你感到妒忌時,他們會視之為原動力,發力向上爬,不俾人小看。
當你感到悲痛時,他們會絕不放棄,依舊四處找尋,抱持"天涯何地無芳草"既宗旨,失去了既不再回望及給予祝福,還會改善自己既態度,性格,終有一日一定會"有情人終成鸞屬"。
當你感到絕望時,他們會成為下一個向老師招手既人,不再只在泥沼中放下對手,抱怨所有人,坐井觀天。他們把手伸給老師,加上自己既力量,終能離開泥沼,回到陸地。
這些就是我從"酸"中得到既體會。
你會做前者還是後者呢? |
|
