晚上發生令人氣憤的事件！！！

有個ｓｅｌｌ屎走過黎，
話自己係無線既工作人員，
要檢查屋企入面個電視係咪有四個台，
跟住我丫媽超有經驗咁話唔使，

之後佢又話：
『我地依家有個服務喎！』

佢地即時穿左煲！仲響度扮野想入黎！！！

之後佢又話：
『電視果四個台遲Ｄ得返廣告同新聞喎，姐係宣傳易果Ｄ呢！
　仲有果Ｄ電視劇無晒喎，全部去晒劇集台喎！』

我聽到呢度已經想超大力關門．．．

我丫媽話：
『唔要啦，我地都唔係成日睇電視既！要黎做乜！？』

佢又話：
『多左四十二個台比你慢慢噤喎，就好似新聞台咁，
　你都要知道天氣架！？』

媽：
『我打個電話就知天氣啦！』

佢再話：
『咁交通新聞呢，都要知道架！』

佢講到呢度我就想講我聽開電台。
之後搞左一大輪都失敗佢就過左隔離屋。
隔離屋得兩個人，一對母女。
佢地用左一開始果個方法成功入左佢地間屋，
佢地又兩個人，一個混吉一個講野。
講完又講，講完又講，
我丫媽聽唔順耳就走左過去，
以為我丫媽會幫拖，點知又聽埋一份。
當佢係咁講係咁講，
隔離果個丫媽話唔想要唔想要，
之後佢就轉向佢個女，

問佢：
『你有無聽歌丫？應該知邊個係鄭希怡丫？
　你申請左我送你兩張勁歌金曲飛啦！要唔要申請？』

佢個女呢個時候竟然點頭。

佢即刻同佢丫媽講：
『拿！你個女都話要丫，你個女幾歲丫？（十三）
　十三歲丫？你都知呢個年紀好受外界既資訊影響架！
　比佢接觸多Ｄ新野對佢會好好多架！拿！你果兩張飛唔夠，
　你打電話比我，我比多兩張你！一張飛都要二百幾架！』

我聽到呢度，已經忍唔住，一張飛二百幾，
加埋咪仲多過你抽佣Ｄ錢！！
我就即刻換條褲就走過去，
另外果個昆吉既就走埋黎對住我丫媽講，
我全程掘住佢，佢望我一眼就即刻另轉頭，
講左五分幾鐘都無一次望下我，
我同佢距離超近，佢咁都唔望下我就知佢有野。

我丫媽同我講：
『你學下野啦，人地講野幾叻丫！』

我唔理我丫媽，問果條友：
『你幾歲？』

佢答我廿五歲，
之後同隔離果個丫媽講緊果條友就轉過黎，
問返我幾歲，我轉過去掘住佢。

同佢講：『你同人ＳＥＬＬ野定同我講野呀？』

佢地兩個好似死狗咁笑笑口話：
『緊你同你講野啦。』

我就答佢：
『但係我唔想同你講野喎。』

之後我就走左，比個落台階佢。
臨走前佢仲要攞彩話一間比手提我丫媽，
叫佢有興趣就聯絡，我又兇一兇佢一眼。
返到屋企我丫媽問我洗唔洗咁惡丫，
乜我好惡咩？我睇唔過眼炸！！！
之後佢地真係簽左約，但係簽完就走左，
無再過黎，大慨係驚左我既眼神吧！

以上的都是事實喔，不是故仔！！
沒有目的，只是想串人！！！

昨天有不少人被檸檬茶嚇疾了!!!

今天考卷三與卷五，
收音機收不清丫！！！

卷五的時候，
看見隔壁那個女仔剩下半小時便做完，
她蓋上試卷時那份洋洋自得的嘴臉，
直叫人冒火三丈！！！！！！！！！！！
她舉頭望明月般的自信，
顯得我低頭思故鄉的慚愧。

我把心一橫，終於下定決心，
誓要令她永無寧日、一敗塗地！

我用快至光速一億倍的速度舉起這只
擁有著無限力量但令我驕傲卻又感到害怕的右手，
在我舉高的瞬間，手臂兩旁都變成了真空狀態。
誰知老師眼光也什為銳利，督眼便察覺這世界之舉。
她手執一份附加紙，踏著沉穩而有力的腳步走過來。

她來到我面前後，突然一手向紙張運起內力壓過來，
而且臉露笑容又從容不迫地問我是否加紙。
這突然其來的舉動卻並未使我震驚起來，
我立時單手接過，心中大罵著：『滾開！』
口裡卻說：『是的，謝謝。』
正是體驗了口是心非之成語。

當老師移開她的龐大身體時，
我趁機一拳打掉了黏著老師衣服之頭髮，
那頭髮霋時如同死了般飄落在地，一動也不動，
看來已是奄奄一息，不能救活了！

當隔壁那個女仔看見這個情況，
身子便震了一震，臉上泛著佩服且後悔的表情，
這才慢慢地掀開試卷再一覆閱修改。

最後，我向她咧開代表著勝利的微笑！！

 今天原本要中史補課，
但昨天淋過雨來，所以頭痛，不回學校了。

一直睡到三點半，
又起身上網了．．．

晚上花了一個小時時間，
設計日記上的ｂａｎｎｅｒ，
秋天的感覺在香港消失了。

 昨晚11時才開始溫書．．
想不到完全中了那日本！！！
還有那個極權主義也中了！！！

我是貼題王

自己架設的CGI ．．．

大逃殺