琴晚成點幾先訓，不過今日都係十點幾起身，去食完早餐後立即返屋企準備攪攪舊豬肉，
因為今晚想試下自己整燒肉，但事前都要粒鐘準備，因為都要醃成幾粒鐘。
之後就上陣網四點諗住出去買野，好在今次附近個街市仔有我想買ｏ既野，
唔駛專登行去遠ｄｏ既街市。

今次用個焗爐用到有ｄ雞手鴨腳，事關除左用微波果part 之外，我多數用燒烤果部份，
用黎焗野就真係冇幾次，所以個火喉唔太識掌握，包鍚紙ｏ既技巧又唔係咁好，
加上ｏ係呢邊比ｏ係香港難買到靚豬肉，所以咁多樣野加埋就做做唔到理想效果，
個皮爆唔得靚，唔知係咪『吉』得佢唔夠多，怪獸先生話個味道還可以，
都唔叫做失敗，都有五十分，不過我都會吸取經驗，下次會再接再厲，
務求整到成功為止。除左燒肉外，我都會試下自己焗叉燒黎玩下，
好等我用多ｄ同用熟ｄ個焗爐，第日就可以整更多野食喇∼∼