今日一早起伸，一路係度打乞嚏，流鼻水，ｌｕｎｃｈ個陣就去左御記度食野，御記係我舅父開既茶餐廳，我飲左杯蜜瓜汁同食左件奶醬多，好正呀，之後我表妹要買野玩，所以就陪佢去買，不過我個頭越來越暈呀

之後就返到婆婆屋企食晚飯，不過我好頭暈，所以訓左陣９：００先起伸食，之後就返舅父屋企訓覺

今日１點幾就起左伸啦，之後點知就停電，無得沖涼洗頭，因為個廁所無光黑蚊蚊沖唔到，所以就打左比婆婆問婆婆屋企有冇停電啦，之後婆婆話冇，所以就去左問婆婆拎鎖匙，點知打開左門，ｄ燈又開唔著，所以又係冇電啦，之後就打左比表姐，我再問同一個問題，有冇停電呀，終於有一個確確實實話有電啦

我地去左食早餐之後就上表姐屋企沖涼洗頭啦，點知個天突然落雨啦，所以冇去到個一度，剩係去左咖啡店食野啦，同買左ｄ頭飾啦，不過我覺得都幾ｈａｐｐｙ呀

今日都幾早起左伸啊呀！然後１點鐘就過左婆婆屋企食ｌｕｎｃｈ啦，跟住訓左陣午覺，之後６點幾７點就去左聚福樓食晚飯呀

無意中又比我知道表姐唔駛返工，所以明天有得玩ｌｏ

今日我要返我既大陸東莞石龍呀，因為我清明個陣應承左我表妹同佢慶祝生日

返大陸對於好多人來講可能唔係好ｌｉｋｅ呀，但對於我黎講就非常開心。

今日係歌啪比賽前試音既日子，我係１１：００個一批，我去到天后地鐵站以為自己會唔識路，不過之後就決定去Ｂ出口，之後原來係勁近，就係地鐵站隔離，入到去，要身份証核對，之後個Ｄ工作人員就叫我入去前面個間房，Ｄ工作人員逐個逐個叫上去，叫到我個陣，有一個女仔係我後一個既，佢就同我傾左陣，原來佢經常去比賽既，之後到我，我唱得好差，又唔岩音，又未開聲ｌｏ

我覺得自己應該冇機會啦，之後返到屋企，淳淳打比我問我情形，我如實話佢知，佢比賽完左又打比我，佢話佢唱左兩句就比人丁左，唔知真定假呢？