都好耐冇寫blog loo~見今日心情都幾好,就再寫一寫

今日介紹一套韓劇 - 我的女朋友是九尾狐

我都是係facebook見到一個朋友話呢套劇好睇,我先有興趣看看,多謝晒佢既推介^^

套劇大致上講一隻係畫中住左500年既九尾狐,因男主角(車大雄)既誤打誤撞既機遇打開畫中的封印~一段願為愛人犧牲,扣人心弦人狐之戀亦都隨之而開始了~

由「HOYI HOYI」,繼而「特別特別特別特別特別特別喜歡你」都打動我的深心處男女主角都為對方著想,用一個令對方受最小傷害既方法說出一個又一個既謊言,一個善意既謊言欺騙對方,犧牲自己,証明堅貞既愛情係存在,絕對唔係幻想既愛情。

古往今來,愛情要經得起考驗,才算得上真正的愛情。願意為對方犧牲這種高尚而又浪漫既情操並不是人人都做得到。人往往口講一套,做又另一套,到最後關頭就會逃之夭夭在這現今社會屢見不鮮,真令人費解!!!我都怕我有朝一日會被這份思想所薰陶

如果你餘生只有100天時間,你會怎樣利用/渡過呢?究竟會與你的最愛一起過渡餘生,留下一段美好的回憶,定一話會消失在最愛的眼中,讓最愛不會因你的消失而悲傷。這個問題,沒有一個特定的答案。只要你認為值得自己去做既,就做吧!!!

幸好這套劇都是Happy Ending希望有朝一日會有人對我講「特別特別特別特別特別特別喜歡你」!!!

 聽到這套劇既插曲,心中蕩漾著一份相同既悲痛...

今日為左慶祝ca姐生日,william請大家去名人飯堂--福臨門飲茶~入去見到個餐牌都有d驚,樣樣點心都幾十至百幾不等點菜呢d野都係交番比william算啦,hee~

成個格局都比較嚴肅,幸食物水準幾好,尤其係蛋撻,$20/ each食到大家都好飽。埋單要$4600咁大個仔都未食過咁貴既lunch,haha~好彩唔使自己比錢~

今日特登請左日假同tak去買相機同睇戲~相機都係為左十月中既台灣旅行買既今個月有d出血(個銀包)

慣性訓到黃朝白晝,5點先出到旺角~首先都係去格下價,睇來睇去都係差唔多價錢,目標都係canon既s95~格到咁上下走去買埋「告白」既戲飛再去食個第尾牛扒~今次既第尾冇第一次既咁滿足loo

之後問問look榮邊度買相機平,佢介紹左去星際,咁果真係平成$100,good!!!等埋yellow黎就block鎚,then去見一見yellow個女朋友,打聲招呼就同tak去睇戲~

身邊既朋友睇完「告白」都話好睇,所以我都想睇下。

呢套戲劇情相當創新。講述一個老師因為女兒死在自己班內的學生手上,因而計劃復仇大計。人物既內心戲都刻劃得相當細膩,尤其是老師森下(松隆子飾)想報仇與想令學生真正明白人命的可貴既內心矛盾、爭扎表達得淋漓盡致,相當有深度。本片可反映時下既青少年既無視人性既真實面,自我中心既心態,做出一些醜惡既行為,震撼整個社會來吸引別人既重視。這種想法根本不應存在係社會,尤其係咁純潔既學校之地。家長與學校一定要設法阻止這種醜陋種子萌芽~

今日約左tak,yellow同志偉去hung hom睇黃子華娛樂圈血肉史2~放工就拿拿聲去尖東~

我都係第一次睇佢既show~係我心目中,佢係一個搞野能手,能令觀眾投入佢既演講,笑住黎,笑住走

成晚佢有兩個gag--「東急阿雪」同「澳雪木瓜露」

今日係peter兄既大喜日子。佢邀請左我參加婚禮~今日peter兄同阿嫂yuen都係靚仔靚女,靚爆場咁岩terry都有黎,仲識左佢個朋友sandy,同桌仲有eric,tony~成圍都係得6丁友,要食12個人既野,真係想到想死XD~呢個晚上比我預期開心得多

祝佢地兩個白頭到老，永結同心