今日都係返學,不過要好早起身,好眼訓...差d係上堂既時候訓著,上完堂就返上水既匯豐銀行打簿&過數交poly既complementary studies courses,我又學識多一樣野la,跟住就去library借書,我借左兩本statistics既書,因為我要學返唔識既野,如果唔係會好大煲,希望我睇得明啦

今日約左eva,joey食lunch,返完頭果堂之後,就同eva去買英文書,都唔算太貴,跟住就行過海港城,真係好鬼死熱呀,出晒汗,件衫又唔透風woo 行左25-30分鐘到就到,但又唔知約左係where等,又搞左一陣,我又鬼咁趕時間woo,得兩個鐘食飯za,一來一回都冇左差唔多一個鐘la,見到joey之後就諗去where食飯,我都估到佢唔識where有好野食嫁啦,因為佢話日日都係食自備飯盒,不過唔緊要,我地好快決定好去city super食,由於我冇咩時間既關係,我就隨便叫左個(台灣肉鬆麻婆豆腐飯),好彩都幾好味,我買完之後,就到佢地買,我就坐係度等,突然有好多人黎買野食,好彩我買得快za,如果唔係就有排都冇得食啦,佢地買完返黎,我都差唔多食完loo,跟住我坐多十分鐘到,傾多一陣就急急腳咁走人loo,我用唔係太快既speed,用左20分鐘就返到左poly,但都要遲左少少入課室,但係阿sir又係例牌咁遲15分鐘,總之我唔使咁趕啦    

今日教果d野係d練習題目,我唔係好識做,坐我隔離果個阿賓識做,我就問佢囉,佢都好樂意咁答我,咁我都有d明明地既,不過都要努力d先得,好快就落堂la,放學走去火車站,因為同阿賓同路既關係,同佢傾左幾句計,咁我又同一個同學熟d啦,都係一件開心既事黎既

今日都係照常上課,calculus既老師終於比homework我地做啦,hee唔使咁悶loo

我埋走上火車前,eva打比我,問我係where,咁我叫佢快d黎火車站,咁就一齊返上水,有人同我傾下計,冇咁悶ma 佢返到上水,話要去聖安娜拎月餅,之後就送佢返屋企.

我返到屋企,文輝已經黎左,仲帶左好多野食黎,因為佢之前去左澳門旅行,d野食有好多,for example,杏仁餅,豬肉乾...... 好味道!!!跟住我教左佢同細妹玩german bridge,大家都玩得好開心,最後既winner當然係我啦 之後食完飯,坐左一陣佢就走la,佢臨走前重比左我同細妹每人$100呀,真係多謝晒佢

今日係我咁大個仔第一次寫日記,都幾開心既!!!

今日十一點幾起身,係屋企食完飯就急急腳咁番學啦,都係我掛住睇電視,so遲左出門口,搞到遲左去到poly,仲要我唔識間room點去,又再遲多dd,足足遲左十分鐘先入到課室,唉...不過都冇咩所謂,係上calculus,都唔使咁介意^^上完之後就有一個鐘空閒時間,都唔知做咩好,都係跟住d同學仔去library行下,之後就上statistics,我覺得呀sir都教得唔錯,不過好搞笑既係今日有人提議呀sir用多d中文教,話咁會易明d woo,其實呀sir都已經用好多中文嫁啦,唔通要用母語教學咩,咁上到黎都預左要用英文上堂嫁啦,岩唔岩先 ,上到最後果15mins,有兩個subject leader上黎講野,介紹下d 學校service比我地聽,最重要既係佢講左升degree既detail,佢話我果系既degree有90個位,我地班都係得32個人,再加埋其他果d HD,Speed既人,都可以仲有位,只要GPA有2.5分以上,係每科有c+以上,話會優先考慮咁woo,都唔知係好事定係壞事啦,都係唔好諗咁多住,比心機讀好d先算啦

跟住就搭火車番上水打波,小航約左5:30,但我因為要番學,so要6:40先去到,係途中遇到海賢,佢話冇得番屋企住,又冇野做,咁我叫佢一齊去打波囉,去到球場見到得小航同阿樂兩個係度打,都知情況不妙,好彩佢地話重有milton會黎,咁我都安心d,跟住又叫左阿man黎,岩岩好有6個人 ,可以鬥到波,打到7點幾就返屋企loo,都打得好開心,都好耐未試過打得咁開心啦!都唔知幾時會再有咁既機會la,好啦,眼訓... 今日寫住咁多先啦