今日lunch去左一間食米線既餐廳,不過我冇叫米線,叫左飯食,肥菜,kenny,阿超就叫左魔鬼雞扒飯,貪佢個名夠好,哈哈,阿ball就特別d食米線。比完錢既時候,發覺剩左廿幾蚊,好搞笑,話用d錢黎買野食。

上完statistics tutorial,因為我之後要上日文堂,so有兩個鐘時間,咁我同ball,阿賓,kenny,肥菜去library book room睇戲,我地揀左"catch me if you can"黎睇,不過我之前都睇過,有d悶啦,睇到中途,我就去拎報紙,then去上日文堂。

去到既時候,都係得幾個人係room,老師仲未黎。等左十分鍾,老師就黎到,係個男人,佢一入黎就講"KONNICHIWA(午安)"我覺得都好平常姐,點知佢不斷咁講日文,我就發覺有d唔對路,唔通佢唔識講廣東話既,佢見到一有人入room就講午安,令到d人都有d驚,不過佢真係幾搞笑,教得好好,我好鍾意。佢有樣野好特別,就係點名唔會一次過點晒,佢點名既方法叫人讀d發音,一舉兩得,咁都比佢諗得到,勁!!!本應有30個人上堂,不過都係得20個到黎左。我學識左好多日文既讀音同要注意既事項,真係獲益良多,hee...原來真係要寫copybook嫁,比winnie講中左。有d同學應該之前學過日文,都識講d野,同阿sir溝通溝通。到左break既時間,人人都以為只係識講日文既阿sir,竟然講cantonese,全埸都呆左,好搞笑,好彩佢識講cantonese,唔係就有好多野都好難明la。要學一種語言一d都唔易,要放多d心機落去先得,so我都要比d心機學日文先得。其他科都要......

今日派返calculus既assignment,我得92分za,其實我交果時都知有錯,不過唔識改,因為之前冇學過Taylor's Theorem既error term,咁就比佢扣左7分,有一分係自己唔小心扣既,最高分係阿賓,有99分,kim就有97分,我都最高都係排第四za,唔開心,一定要努力d,爭取第一名。

今日朝早7點幾起身,去成記食完noodles後,就搭的士去大埔滘拜山,十點幾就搞掂,跟住就返天平商場酒樓飲荼,then就返屋企休息下,因為等陣要出街--去睇戲,約左winnie,joey&雞雞。

1:31就去到火車站,比約既時間遲左1分鐘,不過我都係最早到既人,哈哈!!!winnie就慢我1分鐘囉,起初我都唔知雞雞係who,佢黎到我先知係邊個,hee,joey1點先起身,so遲左少少,人齊就出發去旺角。去到旺角,joey話去禁錢,winnie&雞雞就話去HGC買野,我就係外面無聊地等佢地。等左一陣,就去百老匯買票,我地選左"超級無敵獎門狗之世紀大騙兔",joey因為要整髮,so佢唔睇,跟住我地就去味千食野,一路食一路傾,d時間過得好快,咁就4:05,我地買左4:10,so要好快咁過去戲院。同joey講完bye bye之後,就上去睇戲,因為時間太趕,toilet都冇時間去,因為佢地要睇片頭(哈里波特),不過去到既時候岩岩睇完,可惜可惜!!!套戲起初幾好睇,睇果4隻企鵝,好好笑,then就係講返d正埸,講主角同隻狗係咩捉蟲咁死隊,幫人保護d農作物,為左一年一度既比賽,d戲情唔多講,最後主角係隻大騙兔,跟住變返原狀。綜合看法,套片都係一般,比之前個套差d,但都ok既,值得一看 睇之後我地去信和睇碟,因為winnie話要買動畫,我同佢講我好多都有,借比佢得,so佢最後都冇買,跟住我地去買野飲,then就搭車返屋企啦!!!

p.s.細妹話佢係擲鐵餅拎亞軍,好意外,impossible

今日又係天地堂,不過今日有節目--去唱k。完來佢地一早約好左話今日去唱k,我到上完英文堂先知,我真係收風收得慢 有9個人唱(5男4女),我唔係識晒佢地d名(你一定會話我識左咁耐都唔識同學d名,真係...)hee,不能盡錄。長髮既女仔唱得幾好,佢仲好鍾意唱d好激既歌,有d李文尉既影子。阿超同kenny都唱得唔錯,但係阿賓就麻麻地啦。我地有玩大話骰,好好玩,輸左要食荀,都幾難食嫁,不過我都食左好多 之後食晒d荀,佢地就話輸左要唱歌,要唱d人地幫你點既歌,例如男仔唱就點女仔既歌,好搞笑,阿ball唱女聲都幾好^^唱4個鐘都係$32,超低呀!!!

p.s.今日遲左去拎newspaper,關左門,唉...

今日打左英文功課,print埋出黎。等住聽日交,不過唔係好識作結尾,算啦,都print左出黎。仲有statistics未做完,要加油...

今日成日都係屋企,都幾悶嫁