今日派左calculus test卷,我有59分,滿分係60分,我係最高分呀,好開心 不過被佢扣左唔應該扣既1分,唉...次次都係咁既,下次要小心d先得。

跟住我地去左做電腦project,都做多左d既,不過聽日就要交,要快d手啦。wilson佢地既cookery整得好靚,將我地比左下去。

今日上完堂,去左電腦室做電腦project,尋晚已經做好耐,好辛苦呀。又唔係好識做woo,好彩有阿賓同ball,佢地都識做下,都總算有左個初形啦。之後去左食野,傾左一陣。阿賓話佢有份好工,so我地都想佢介紹我地去做,時薪有$44呀!!!希望有好既消息啦

今日見天地堂得閒,佢地提議去阿賓成日話去果間日本料理食野,果度D野好少,都唔夠飽既,不過值得一讚既係佢d魚生,好好味。之後,去左打機(我都係睇既姐),之後返poly library睇"超人特攻隊"因為之前都睇過,都冇咩感覺。

上computing,好眼訓呀,因為之前兩日都三點先訓,真係頂唔順,要探下周公,heee 今晚要開始做computing既project,唉...好似冇能為力咁既

今日訓到好晝,兩點先起身。跟住去買野食,then就等去粉嶺。我約左tak&刀仔一齊去,嘩...刀仔送左一份好大好大既禮物比馬騮。我地去左平時去開果間酒樓打邊爐,都有講有笑,小雲姐姐都有去tim。佢地都係保持一貫作風,搞破壞 我總是覺得同佢地冇咩話題,so唔會玩得特別開心。

之後去左milton屋企樓下玩,又係比看更趕走,唉...都冇癮既,then就去球場玩數字球,玩左一陣就各自歸家了。

今日返完學就去參觀統計署,果度都唔係好大,聽左個講座,講下d關於statistics既野,原來做統計師都幾好人工嫁,起薪有$2xk,不過每年都係請十幾個,so要比d心機好d得。之後都係參觀下d library,資料室...都幾悶嫁。then,就同wilson,兩個我果班既女同學仔(唔識佢地個名)去搭地鐵返旺角,我諗住同wilson去食下野,跟住我地就去左食noodles,果間野都幾出名下嫁,好好味呀!!!

之後我打比tak,問佢今晚去唔去食糖水,因為bill生日。我見得閒,米去city走一轉囉,等埋佢一齊搭火車返去。好耐都未試過有人陪我搭車返去啦 有人陪自己傾計,係唔同d既。

夜晚9點幾,就上nelson屋企玩(200-2005年度既舊生會會址),都玩得好開心,因為佢阿媽同細佬返左屋企,我地費事阻住人,就落去食糖水,點知花果山冇位,我地只好去許留山買外賣去公園坐低食&玩bridge,玩到12點幾就返屋企loo。

p.s.今日派左english assignment,我有81分,都幾高嫁啦,sandy話有四個人作得好,有我份嫁,都幾開心