今日約埋andrew,ray同jerry組成發財團向澳門進發~本來諗住搭10點船,點知太遲,要搭12點。仲要架船因為大霧行得勁慢,shit!!!差唔多兩點先到澳門。我地第一時間去海立坊玩番兩手開頭我都贏好多,可惜因為太貪心,最後倒輸番$800,心情有上天下地既感覺。andrew同我既情況一樣。ray就仲慘,連贏既快感都冇。jerry就為奶粉錢而努力,成為第一站唯一一個贏家

之後我地去食葡達,再買手信then就趕住去新葡京食自助山。整體水準真係幾高,仲要加埋一都係$262,低

最後一站就係新葡京賭場,我都係靠最後既$200令到我又再次帶住愉快既心情離去andrew與我共同進退,good!!!

12點幾先返到屋企~

今日係雞生日,祝佢生日快樂呀

今日係公司逗左20封利是d叉叉好自動波,非常好

放假後第一日都幾多野做,不過都最終都捱得過(OT 1hr)~

今日係年初一,又係西方情人節,係一個特別既日子不過我都係屋企過,hoho~

祝大家虎年身體健康，心想事成，虎虎生威

再祝願天下有情人終成眷屬

今日係年三十,d親戚黎我地屋企食團年飯。10點同雞,karen,志偉去行下花市(真係行下...半個鐘到)之後去左食下宵夜,因為我真係幾餓,呵呵then都係返屋企打機~

今日係雞係fleet既last day~正所謂人各有志,為自己既理想而努力啦^^lunch同左同事去金灣飲茶,為最後既牛年講聲再會,亦為即將來臨既虎年而慶祝。原本今日應該有得放早,但等了又等,最終都係6點放工,哈哈!!!

放工同雞,tak去食咖喱。之後咁岩走既時候見到健朗。講真都好耐冇見過佢,以前都成日一齊玩。既然咁有緣,工作地點又咁近,以後既放工活動都預埋佢

之後同tak趕住去睇張敬軒「軒動心弦演唱會」。請左吳浩康、方大同做嘉賓。整體黎講都唔錯