人生最後一個暑假結束la,話咁快又要返學la,又要再次面對學業同埋事業一同既考驗,吃力就必然嫁la,我都有埋心理準備,我會捱得過既

今日夜晚約左志偉,雞,karen返大陸食飯。我地去左萬象城買零食,首選緊係百力滋la之後就去小肥羊~果度好多人,我地都等左一個鐘。今次我地醒目,唔叫咁多肉,叫左一個黃金包,幾好味嫁。我地又飲下啤酒,又玩下,幾開心karen佢有少少飲醉,塊面紅晒其實我自己都唔係好好酒量,有少少暈暈地好彩之後食下野都冇咩事~最搞笑係今次比左兩張貼紙,係用黎表揚d傑出員工,首先志偉比左張個女侍應(見佢一張都冇),點知佢做d野都幾拿西,又落漏單,最後連影都唔見埋,比我地笑志偉話佢老婆走左佬好彩都有個好醒目既男侍應招呼我地,佢有好多貼紙嫁我地先知道d貼紙唔係隨便比人,低佢有咁多貼紙。

11點幾我地搭車返黃岡過境,之後再轉三程車先返到上水~then去左karen屋企坐一陣,佢屋企都頗凌亂1點幾先返到屋企~

今日都算滿載而歸

尋晚成晚都訓唔著,唔係因為要返工而緊張,而係腦海不繼重覆浮現返新怡既片段,可能太過刻骨銘心la失眠既感覺又重現la

今日第一日返教育局--九龍塘,路程都相當近,唔使一個小時,可惜係要返8:30--18:008點20分就返到office,點知個同事未返,係果度等左20分鐘,好無聊呢原來真係唔使著suit, casual look就得,搞到今日我格格不入

認識到好多位新同事--sammy,hidi,christina,claudia,flora,jane,adwin,emily,豪,仲有三個唔記得左個個都好nice嫁今日係christina既last day,佢要教識晒我做佢d野佢要做d野都相當多,又幾複雜(可能第一次聽la),d file十幾廿個,要我一日學晒根本冇可能,不過佢又要走,以後都唔知點死la大致上有4樣野要做--booking room,work plan,training calendar, RTC(最難既一樣野,聽完都唔明haha),成日我坐左係度聽都差唔多5個鐘,仲辛苦過返學

lunch同佢地一齊同christina farewell,我地去左又一城既EXP食,都唔錯既大家都食得好開心,佢地d感情好好,希望自己可以快d融入佢地la

放工前,一齊影d相留念~放工等埋雞一齊返屋企,不過都等左成個鐘(獨個兒行又一城)

之後一齊返屋企換衫去fanling踢波,都有成年冇踢波loo,都係諗住去玩下,都玩得幾開心then食埋野就返屋企loo

p.s.第一日返工既感覺唔錯~

前兩日見果份教育中心既training assistant請左我啦!!!終於有工返啦!!!唔使再咁悶啦!!!哈哈!!!希望新既呢份工會做得開開心心la

「命中注定我愛你」既一首插曲 ,就咁聽你唔會感受到呢首歌想表達既意思。你要加埋劇中既情節才能深切體會到...係欣怡失去左紀念品既呢一幕再加埋呢首歌既威力,令到我男兒淚都落下