今日係jenny同cherry最後一日返工,呢排真係多人走,冇計la係呢間公司peter返黎同佢地一齊食飯,食得好開心,好耐冇聽到peter既搞笑野本來今日放1 點.點知做到4點幾先走...無奈

P.S.今日唔係太開心

今日yuki唔係咁開心,因為佢同佢男朋友分手。我就係咁同佢講笑,不過都冇咩效果,呢d野都係要等佢自己諗清楚先得。

夜晚上case study,又係一個之前教過既阿sir,教得唔好果d。唉...都冇計la,唯有認命la

今日peter,bobo,edwin返sunyee出糧,傾左一陣,冇左佢地真係靜左好多,不過都已經習慣。我同ricky將bobo,yuki既頭整左落d相度,超搞笑bobo都好無奈...

夜晚上futher calculus,竟然係白頭佬教呀,今次真係死得d野都幾深下,不過我唔drop既。釗,peggy佢地都有上,以後唔使咁悶

今日星期二,係我自製既dayoff。不過今日要去火炭見工,去到要打一篇中文同英文既文章,都係第一次見工要打咁多字,有多少吃力之後就面試,佢話我唔適合做shipping,又話shipping請full-time,係咁既話就唔好叫我黎in la,浪費我d時間,我都唔想做reception...之後就返poly搞下d credit tranfer既野,then就返上水約志偉食飯。之後當然係黎我屋企打機la志偉又再一次失落而回

今日又有人打黎叫我去in,9月份真係好易搵工。

今日係莘莘學子開學既大日子,我當然要返學la要開始我既半工讀既生涯,諗落都有d辛苦不過希望我自己捱得住la。朝早返工,勁多野做,都冇時間休息。5點半,未做晒就走人(話左唔加班)之後返poly,去到見到一個人都冇,之後見到琪琪。但係我地兩個等左好耐都冇人到,最後有一個人走入黎,先知自己原來去錯左地方。即刻拿拿聲走返去正確既房,瘀爆呢科decision analysis好多人上,好彩都琪琪都搵到位坐。個阿sir d英文一d都唔勁,好心佢就唔好講英文la。幸好有兩個break,都唔算太辛苦,之後就返屋企。