琴晚終於訓到覺，可能因為我搞清楚自己既感受、諗法。

今晚國賢打俾我..佢一路喊一路講佢屋企同學校好辛苦

好多時我都只係答咗一兩句...

佢問我放低咗佢未，我呆咗一呆

我答放低咗我係自欺欺人，我答唔係我驚佢以為仲有希望一齊，最後我話我會放得低。

佢講咗幾次叫我搵個鍾意既人一齊，果刻我心諗即使鍾意都未必一齊，因為我依家就係咁...

我以為再講返電話，我既語氣會可以好似對朋友咁，但原來我唔得，我依然帶住冷淡對佢。

可能我仲嬲佢一齊既時候佢唔去珍惜我，唔去關心我

或者有日我過到自己既心理關口，我唔會再嬲佢再冷淡對佢，亦會去接受令一段愛情。