今日溫書溫到悶，就去咗葵芳食野

食咗好多小食，好開心，更開心既係終於有啲時間岀去行下

食完飯就去松記食甜品

係途中terence睇wtsapp，原來係su搵佢，話佢同佢男友關係唔好

仲話佢最信嘅人這係terence

點解最信果個要係我男朋友?! 小同大晒吖？

你話你剩係鍾意我一個，知道自己做緊咩

我係咪應該信你？

係我同你一齊之前你都對過佢有好感,所以我先會咁在意

係咪我太小氣？

我相信一段感情建基於信任，我理智上應該信你

但我真係好唔開心，你開始同我講果陣我已經想喊

信定唔信你係一場賭博

我驚會信錯最後又好似以前咁

 但我鍾意得你同你一齊 就算要冒信錯嘅風險

我都應該選擇信你

諗到呢度突然有粒流星係天空略過

呢粒我人生中第一粒嘅流星

係咪默認我應該信你?

幾日前terence約我今晚去食飯，我琴日先知原來今日係白色情人節...

其實都冇咩奇怪，因為之前都過約出嚟食飯。

食完飯係銅鑼灣行，行行下佢攞咗隻手鐲出嚟送俾我

我問佢點解送手鐲，佢果陣話本身諗住買頸鏈但覺得唔好而且見我隻手冇野帶~

到走咗之後我wt apps多謝佢份禮物，

佢話:見你應該好少手鐲，想你多以後都帶住佢，帶住佢既時候會諗起我

其實收到佢咁講我幾開心

後來佢話佢最希望既係我做佢女朋友，我呆咗好耐都冇覆...

我望住隻手鐲同以前條頸連好耐....

我諗返起國賢俾條頸連我到我放低條頸連既日子，

我再望下隻手鐲

我準備好接受?我放低咗?我有勇氣行出第一步?

我發覺我未....我需要時間

雖然我要佢等我係自私，但我俾個限期自己完sem我會overcome

我希望我會係你值得等既人，我都希望你會等我，証明你係我值得一齊既人...其實我好想你知