琴晚終於訓到覺，可能因為我搞清楚自己既感受、諗法。

今晚國賢打俾我..佢一路喊一路講佢屋企同學校好辛苦

好多時我都只係答咗一兩句...

佢問我放低咗佢未，我呆咗一呆

我答放低咗我係自欺欺人，我答唔係我驚佢以為仲有希望一齊，最後我話我會放得低。

佢講咗幾次叫我搵個鍾意既人一齊，果刻我心諗即使鍾意都未必一齊，因為我依家就係咁...

我以為再講返電話，我既語氣會可以好似對朋友咁，但原來我唔得，我依然帶住冷淡對佢。

可能我仲嬲佢一齊既時候佢唔去珍惜我，唔去關心我

或者有日我過到自己既心理關口，我唔會再嬲佢再冷淡對佢，亦會去接受令一段愛情。

 好耐都未試過失眠，而且係連續幾日...

呢幾晚既失眠我慢慢發覺我係因為一個原因訓唔到，

我好似鐘意咗terence..

但更要係我過唔到自己。

分手四個月，我以為回憶係最傷人的。原來發現最傷心既係自己對愛情的衷境失望。

曾經以為兩個人鍾意大家就得，以為所講既"永遠一齊"真係去到永遠。

當時我完全相信，依家我係失望。

我唔係俾人傷得太深而對愛情失去信心，或者話我曾經對愛情抱有太大幻想..

我曾經既希望幻想帶黎失望。

terence同我講：我希望你相信我，我唔會令你唔開心。

其實我好想講：我好興幸呢段唔開心既時間有你陪住我，而我慢慢都開始對你有咗好感

但我無信心開始，我地唔了解對方性格，唔知你感情上既事，你好似咩都唔講，我唔知你諗緊咩。

我唔知點開口同你講，因為我根本連自己都未ready好去開始一段戀情，我都無資格去問你。

而且我未放低晒以前既感情就開始另一段感情，對你係唔公平。我希望我會搵到個機會同你親口講次，或者講下心底話。