今日唔知搞過d咩....淨係記得傾msn....

上上落落左n次....其中一次.....

我忍唔住了.....要發嬲= ="

但係咩事....我唔想提d唔開心既野喇...忘記佢好了....

記得可愛既小boe話我生日個陣送我一隻唇環好了.....

講返件事之後既野先....我本來有d唔想做既感覺.....   (太細路仔喇....幹...)

好彩有家姐同埋師姐安慰我....佢地太好了....T^T

到左食飯....我地冇玩GAME....

心尾比左DANIEL個個3D砌圖....係個鑽石....

好易砌....但係心尾砌完佢手上個個....搶左我粒鑽石....

換左粒天鵝比我....死人心尾丫= =

隻死天鵝好Q難砌.....之後冇玩game喇.....

食完....我同師姐開始"借"sample.....=v=

我"借"左馬高以前用個隻蜘蛛wab cam.....

師姐"借"左個咪加耳筒既野....功成身退.....

咁就又開工了....同埋師姐比左n個短片比我睇....好多都好搞笑.....

我最驚就係其中一個一下斬左個牛頭出黎.....個度我好想嘔= ="

之後做到放工......買左本新出既one piece~~第40期.....開心中.....

今日真係好攰....因為尋晚玩電話玩左好耐.....哈哈.....

冇計喇....因為新電話嘛...哇卡卡卡=v=

訓到今朝....食左d餃子......沖涼之後就飛去返工.....

上左282.....我先醒起....仆街喇....= =

執好左個袋野....有副"怪獸"....叉電器之類又唔記得帶....妖= =

返到公司.....肚痛添....頂丫.....

之後傾左陣msn....又做左陣野.....

做過d咩.....我又係唔記得.....淨係記得上上落落左好多次....

到食飯個陣.....玩左鋪種豆.....我地改左做..."送豆"....

玩完就各有各走人......返埋位又係冇咩好做......

再一次上上落落左N次....就快收工.....

收工前唔知半個鐘定咩....有人上黎話洗地毯......

之後個個都要準時走....因為要殺蟲喎....

等左六點好耐呢.....卒之到喇= =

我地搭火車個陣....知道師姐原來係識打拳....心尾又係空手道黑帶....=口=

佢講到似層層.....信下佢囉=w="

之後我地去金雞玩GAME.....今次意外地有師姐...WINKI兩公婆出現....

其他就有心尾、家姐、馬高、心尾個peggy....

仲有係傳說中既阿貞.....仲有心尾d fd定網友.....都十幾個喇.....

玩左次"送豆"....玩完送豆就玩肥婆......

其間師姐不停咁想用粒金塞落我耳仔....同埋鼻窿.....仲有個口....   (多謝師姐提我補返落去...謝謝...)

我發誓唔要再坐師姐隔離....心血少....唔嚇得=3="

玩完肥婆......我、馬高、阿力+winki、阿貞+心尾玩卡坦島.....

準備個陣....心尾勁慘.....副卡坦島犯太歲....

首先跌左個賊.....其次跌左粒骰.....跟手打爛左隻杯.....再次後又跌左條路.....

淨係得條路係搵得返.....其他都比梳化底個黑洞吸走左= ="

再睇左次副機械人賽跑.....我地就走人.....

心尾一個留係度....唔知佢等人地閂門先叫人拎開張梳化搵.....

定係真係等埋佢d網友喇.....呢層佢本人先知......

返到屋企...第一時間開電腦.....又聽左幾個字久違既架勢堂....

今日岩岩好星期四.....佢地講鬼.....

我聽倒有個男人打去話.....見過個紙紮公仔個頭無啦啦擰過去.....

望住佢同佢女朋友....幾乸搞笑.....

p.s.今日我狂偷拍....偷拍左一大堆人....

　　其中受害者有....joe、winki、心尾.....最嚴重既當然係judy.....

尋晚同某人傾....唔小心講漏左口.....嚇死左我.....

好彩佢都冇咩我覺得負面既反應比我....唔係我死比佢睇= ="

到今朝起身....痾左一輪.....飛返工.....

撞倒心尾同埋daniel....一齊返工先~

飛到返公司....搭十一.....仲有時間.....

返到上去開機先....執好d野...做野囉....

做左d咩....真係唔記得左....係記得狂傾msn....

同師姐傾msn個陣.....我地講開死so肥話佢唔舒服....

今日請左假....師姐話佢尋日傷心得濟.....又唔知話佢唔係咁肥都幾好....

我就答師姐....."佢既性格比便便更臭"

又上上落落左幾次.....到食飯個陣......

師姐同家姐冇上黎啊><

好似係因為心尾同埋winki話去仆街買野....

佢地係下面等我地....點知....我地冇落去= ="

我地食晏係冇玩game....淨係我同心尾、winki....candy、polly一路傾.....

食完....我就去左一樓做包裝女工= =

呢個當然係可愛既小judy出既主意= ="

我幫愛姐整整下個d入bobo袋既死野之間.....

師姐無啦啦出現....話唔用遮篤我羅友....

改用....較剪.....=口=|||||

然後我唔知做到幾時....悶到不行....

入去寫字樓搵家姐同埋師姐.....

但係死人阿董開緊會....扮晒野咁就嗱嗱聲走....

再幫家姐拎朱古力上去三樓比人....

路過個陣...ada又請我食情人節朱古力....

趙完鬆.....飛返上三樓分家姐既手信比佢地....= =

返上去之後.....又分晒....岩岩好....daniel派雪條=v=

一路同judy傾計~~一路食.....

死人joe用d好曖昧望住我地....好衰架=v="

食完雪條又落去做女工= ="

愛姐成日笑我.....好衰的T^T

做到差唔多收工.....JUDY落一樓搵埋我一齊上返去~~

之後夠鐘我地一齊落去...

同英英、阿莤一齊行去火車站.....

之後我地分開左兩邊月台.....我好無聊咁禁133打比JUDY....笑死左我

返到沙田同老母會合....殺去格價....W800i啊= =+

去到有間唔知咩.....唔記得左個名= =

個個女人勁冇禮貌....又冇好似咩送....

走人....去百老滙買.....跟機有張512mb既記憶咭.....

送多舊電....叉電座....第二組耳筒.....兩個手提袋....一個水晶電話座.....一個錄音咕咰....

之後我用舊機轉新機.....部LG8318冇嗱T^T

換倒$650.....比我想像中高.....都好既....不過....好唔捨得佢T^T

之後買左....閃人....行返去...妖= =

好眼訓.....又好攰.....

總結:今日...我覺得judy好似好開心....笑得多左好多.....

情人節前後三日計埋收左既朱古力......

家姐、師姐、evo、ada、winki....仲有邊個= =

多謝佢地~~唔記得講既...sor= =

尋晚又傾到好晚喇....哈哈....

隻耳好乸.....一次過穿三個耳洞....果然係極限....= ="

頂丫....不過好彩冇咩野....哈哈.....

今朝冇咁晚訓喇....所以早左起身.....

早左三個字咁大把....嘿嘿嘿=w="

然後我慢慢先返工....都係搭搭半個班車....妖= =

不過都好....唔駛等人開門.....幾好~

跟住我地搭lift....全部都識既....一個winki....一個peggy...一個chirs...

全部都係識....哈哈哈.....第一次= ="

返到上去之後....搞過d咩係唔記得晒.....頂丫.....

淨係記得.....係咁傾msn.....

WINKI請我地食情人節朱古力....超感動中....

冇耐就落左去一樓....借左部相機.....影d電.....

跟住又係咁偷拍judy....佢好想打我咁....但係又係咁笑= =

影完就上返去....搞左陣唔知咩= =

記得上上落落左幾次......咁就到左食飯.....

今日係zoe最後一日返工....好似....

zoe真係好好人....雖然我接觸佢既機會唔多....同埋佢係高層....

但係佢比我既感覺....好好人....好有禮貌...一d架子都冇.....

咁佢而家走....我地就去同佢飲餐茶.....送行囉....

我地落去個陣.....班野係度討論我同judyd耳環.....

winki又話我地係情侶耳環.....    (暗喜中...)

ppl個枱人....真係正一趙完鬆....一食完就走左....= =

我地去敬完茶比zoe....都走喇....

返到去....岩岩人地送花黎比winki.....

我仲以為阿力唔記得送添~~因為阿力上個星期就問我拎公司地址~~

我又拎左個相機係咁偷拍judy.....佢真係好似好想打我....但係又好似好開心咁.....

真係冇佢收~~哈哈哈~~算...唔理佢....

落去影埋d電先.....影完又傾msn.....

過左唔知幾耐....我地YLE全部人一齊飛落102搵zoe影相.....

影完一輪....上返去之後就又傾msn= ="

到夠鐘就閃人.....好似好多人都早閃....

落到打咭見倒家姐同師姐....同埋心尾一齊走人.....

師姐無啦啦拎把遮出黎.....話想篤我羅友= =+

救命啊....走人=口=

唔知幾多點....我耳骨個隻尖既耳環飛左出黎....

跟住叫judy幫我整....佢都整唔倒啊....

我就換左一隻耳環過去......冇計....一陣埋左我就pk喇= =

同埋我又同judy用同一枝滴耳藥水....好幸福=v="

尋晚又同judy傾到好夜.....十二點幾就訓覺.....

跟住我大姐又嘈Q住....頂啊....佢整唔見左我借比佢個陣耳環....妖妖妖.....

唔Q理佢喇....訓覺最緊要.....訓到今朝八點....慢慢喇....搭搭半個班282好了....

返到去.....又睇電話.....係咁睇部w800i.....

太愛呢部野喇.....點搞呢.....又睇個部w810i....定唔知咩....

個部就靚d既.....個殼.....黑 + 橙.....

但係就咁睇.....功能好似比w88i弱....我既感覺......

所以我一係揀judy個部....一係就揀w800i.....就決定....後日同老母去喇.....

之後又做野.....唔記得做過d咩....係上上落落左n次.....攰到抽筋.....

咁就到食飯喇.....陪家姐落OK買野飲.....

因為師姐早走左嘛.....冇人陪佢~~

買完之後....我地上返去公司先.....

心尾又掛住砌個3D砌圖.....佢居然.....唔記得食飯= ="

比我地係咁催佢....佢先捨得拎D GAME黎食飯.....

玩左鋪種豆.....未種完夠鐘家姐同阿傑就要落返去一樓.....

judy落左去一樓食飯丫嘛.....叫佢幫我拎隻dvd比eva.....

eva又叫佢拎左粒佢自製既朱古力比我食....好好味啊.....

仲要心形....sweet sweet.....哈哈哈~~

係msn多謝佢先...佢又叫我搵返個女朋友.....仲讚我好型=w=

開心死我喇....佢氹死我喇.....嘻嘻嘻.....=v=

一路做野......做左d唔知咩.....好似都係打箱頭紙.....之類.....

又傾下msn.....上上落落左一樓n次....

家姐又叫我幫手拎張餐單上返三樓......又有下午茶食~~哈哈

我地揀好晒....我就再落去一樓比返家姐~~

做左野....又上上落落左幾次.....之後d野食送到黎.....

嗱嗱聲飛左去拎上黎......又開餐囉......

食完.....又傾左陣計......玩左陣msn......

咁就收工.....收左工....同judy、阿茜、英英一齊去沙田....

係為左陪judy去穿耳.....足足個幾星期......佢先敢決定= =

去左好運.....judy穿左一隻.....係釘左係耳骨......

我.....釘左三隻....一隻係右耳第三個位.....一隻左耳最高既耳骨位....一隻左耳第四個位.....

釘完我就甩底佢地返左屋企先......唔夠訓呢= =