http://ja.metacafe.com/watch/63827/the_jingle_cats_white_christmas/

↑ 好正既貓貓唱歌...笑死我 ↑

=======================================================

尋晚同JUDY傾左好多野....又幫佢CUT歌....

佢又會知我識CUT歌既....真係好野....

岩岩中午先教完家姐CUT.....我仲以為家姐話比佢知添.....

原來係JUDY自己諗倒....真係....冇佢收=v="

一路又唔知做咩好冇睡意啊.....又唔知做咩.....突然有D想死左佢算既感覺.....

無啦啦同judy咁講....好似嚇親佢添.....真係十萬個唔好意思.....

嗱嗱聲叫佢訓先喇...唔駛擔心我....我唔會無啦啦自殺既= ="

傾左咁耐.....佢都應該攰架喇.....如果唔夠訓....佢又唔舒服喇....

佢OFF左之後....我又上網搵下BT....又聽下歌....都係好悶....

迫自己訓好喇....一陣我自己又唔舒服埋就PK....

訓到今朝起身....十點幾....再訓多陣....    (一係唔眼訓....一係勁想訓....頂啊.....)

到十二點幾.....急醒之後.....衝左入去廁所先.....

然後就食飯.....食完飯就同老母出去....

出左沙田....主要我係自己有野想買.....

首先去左同老豆出部手機先喇....頂.....咁老仲學乜人用電話....妖妖....

因為懶出去MK.....所以係沙田格價.....

見倒最平個部....個樣又唔係好衰.....就佢喇= ="

買左之後.....走人.....去左"你想teen地"睇下有冇我想要個d野....

之後我又飛左埋去睇戰棋....見倒副蟲蟲.....

我好想買....但係打左比心尾先.....

等左好耐都冇人聽....我正想收線.....

有個女人聽....好驚....= ="

我講左句...."喂....唔....唔該妳心....丫丫....samuel丫...."

聽倒有d類似奸笑聲咁叫心尾黎聽.....嚇死我= =

不過好彩唔係聽倒佢係有d好攰....類似深呼吸既聲....咁就唔係幾好喇=v=

問完心尾意見我就拎左我要買既野....同埋副蟲蟲去比錢.....

之後幫襯埋間寵物店就走人.....

返到屋企之後.....試下個電話先.....

試左....頂喇....有冇搞X錯.....妖妖妖.....

隻牛唔岩插既......同大姐飛左出去換=口=

換完之後....就飛返屋企.....

沖涼食飯....之後就又玩GAME.....

同屋企人玩卡坦島....嘿嘿嘿.....

玩到咁上下就開機打埋日記&傾MSN....

BOE又作左兩篇小說.....又講埋D基佬.....真係丫= ="

激死左了.....唉= ="

今日再度訓到八點先起身....讚= =

之後打的返沙田搭火車返火炭.....唔想食野....直閃返公司.....

阿欣話candy冇返....polly返緊黎開門.....

佢叫我係度等既...但係我寧願上三樓企係門口訓幾分鐘= ="    (我真係愈黎愈神...企係度可以訓得著)

返到入去之後....上下網先....但係唔見有人on既....

judy又成搭三都未返......悶到嘔血.....

到唔知幾多點....一樓d人一路on返....同埋judy都返黎喇.....

家姐話下面上唔倒網.....怪怪的= ="

跟住傾左陣msn....又落左幾次一樓.....好攰.....

都係呢d....聽倒judy係後面傾電話.....

又爆粗....又鬧人....唔知佢做咩咁燥.....唔理佢為妙= ="

又同細佬傾....但係傾左d咩....係唔記得左....= ="

之後傾到差唔多收工....我打比馬高.....佢個電話真係....激死.....

打通左又聽唔倒佢up乜.....太細聲喇....仲斷左線....定係比佢cut左線呢= =

到左收工....同心尾、winki一齊閃人....落一樓搵埋家姐.....

一齊過沙田....winki就返返屯門喇.....

家姐同心尾就同我去食野....等左勁衰.....

係個間死人紅豆子食....妖....落單條粉刷.....寫少左個飯.....

等左好耐.....心尾食完....我個飯都未到....仆街丫= =

同埋心尾又講左佢同佢女友d野比我地知....勁搞笑.....

佢女朋友好似好專制咁....  (曾幾何時....我又何嘗唔係同佢一樣....唉.....係佢忍倒我忍唔倒而己)

我地飛的上返新田圍.....馬高己經一路坐左係的士站....一路煲煙咁等緊我地.....

陪佢去買野食先喇....買左就殺上我度....

岩岩入門口個陣.....隻狗又衝過黎....嚇到家姐大叫= =

好無奈.....做乜Q野....自己D主人返屋企又唔見佢咁開心....仆街仔= =

老母同大姐就等我地返左黎就出街.....

之後隻衰野....一路搞住我地玩GAME....

首先就抱左佢入房大姐間房關住佢....之後太嘈....

抱住佢喇.....我地就玩種豆.....哈哈~~

我地都係多數送....冇咩點整鬼人~~同埋冇點交易~~好和平....

跟住放返隻野落地....又係度搞住家姐....= ="

我都係掟返佢入房好了.....玩左鋪種豆.....

本來玩卡坦島....但係家姐唔玩....我同馬高又玩唔倒.....

心尾又就快走.....開左副怪獸出黎.....

心尾幫手講解完就閃.....我同馬高玩....哈哈.....

玩完之後....開機.....幫家姐整歌落電話先.....同埋燒隻HOCC比家姐.....

又教家姐整閃圖....馬高好似好慘.....首先出左去煲煙....

然後又自己坐係度睇書....咁整好晒D野.....

佢地就走.....好似話出MK行街.....

我本來都想出沙田架.....但係.....唉= =

佢地又未返...淨得隻衰野係度就一定嘈到仆街.....

聽日先死出去買野喇....唔係點=3="

跟住過左陣....好悶....走左出去露台望下家姐同埋馬高......

佢地又望倒我....哈哈~~

見倒佢地上左車之後就開電腦.....

本來諗住幫細佬轉檔....但係好抱歉.....我唔識用個舊野.....= ="

幫佢用WINMX下載好了.....反正都係好快.....哇卡卡

細佬話左比我知佢D成績....嗯....考得唔錯.....

好喇....第日去屯門....或者細佬黎沙田個陣請妳食餐勁既又如何....

跟全傾傾下....我又唔知做咩無啦啦同佢講兒童不宜既野= ="

傾到沖涼食飯....食完飯又傾左兩句.....

跟手就熄機閃人....捉陣棋先=v=

總結今日.....我愈黎愈覺得.....養左呢隻野.....

一有客人黎.....佢就會做出d不知所謂既野.....

叫又叫唔聽....鬧又鬧唔聽.....打都唔怕......真係好失禮人.....

我而家真係愈黎愈唔鍾意佢.....無奈老母咩都就晒佢....幹.....

傻瓜傻瓜....

尋晚冇同JUDY傾計.....傾到家姐去左沖涼.....

我又OFF喇.....試玩左一幾鋪怪獸就訓喇.....一覺訓到八點....

嗱嗱聲死去沖涼....又嗱嗱聲飛落樓下.....

好死唔死....架巴士岩岩走左....頂丫....

太餓喇....飛的過去沙田算喇.....激死.....

然後去到火車站.....架死人火車又岩岩閂門開走左....妖妖妖....

真係把鬼.....返到火炭.....事但買左個飽就返公司....

返到去....有人喇啵....仲以為CANDY做咩咁早返左....少有....

原來係SO肥.....唔想理佢囉.....= =

有勁多野要執.....又有飯....又有副"怪獸".....仲要叉電.....

我真係好忙....然後WINKI打電話返黎....話唔舒服請假.....

希望佢冇咩事喇....尋日都仲好地地既.....唉.....D天氣太煩喇......

咁CANDY唔係度咪叫佢遲D打返黎囉......開機聽歌仔先....

又有個電話打黎.....係阿晶....佢問我關於下載MP3既野既.....

寧願佢地打黎....都唔想接D街外既電話.....媽的= =

一路傾MSN....一路上網....半個鐘之後.....

JUDY叫我去搵阿欣拎野....但係我聽左佢叫我去英英度....

我就落左二樓.....頂....比英英笑到面黃=3=

然後英英打電話上去JUDY度.....又笑埋JUDY....

我真係想叫佢鬼王英= =+

不過都係唔好......佢都冇咩野.....係鍾意笑我同JUDY啫.....

咁去搵返阿欣.....拎左D野同埋幫阿欣拎去二樓......英英又以為我唔記得野.....

但係我今次真係搵佢....做跑腿呢~

之後我又返上去....一路傾MSN...一路上網睇GAME....爽啊.....      (好似一路都冇咩做野....定係我唔記得呢)

到食飯個陣....又係好忙.....又要食飯....又要教佢地玩GAME....

我講漏左野...同埋都錯左D....唉.....

第一次教人玩GAME.....算係咁喇....心尾老師都話我算唔錯...哈哈

之後玩左半鋪怪獸.....好搞笑.....

咁快就幫D怪獸改左花名....最好笑係隻眼仔叫wab cam~~哈哈哈~~

玩完執好野之後就埋位....繼續msn....同埋上網睇game....

到唔知幾多點.....judy叫我落去.....

我落去睇下d bobo袋夠唔夠....之後又上去搬左箱老年咁重既死人電落去一樓.....

比愛姐佢地入bobo袋....之後又搵左架唧上二樓幫英英執倉....

我地YLE個三板死人野真係重到仆街咁.....

我同英英兩條友一路苦笑....一路推.....一路頂.....

之後英英請我食金莎.....好味~~

然後我上返去三樓.....同JUDY傾返D野喇....

佢仲問我咁快搞掂左個幾板野.....又唔叫埋佢落去= =

我心諗...."妳落到去....都唔會幫倒手喇....得個睇字...."    <==超賤格!!

咁又傾MSN....又上網睇GAME.....悶啊~~哈哈

但係重點係同JUDY傾左好多野~~我總係覺得佢暗示緊野.....定係我心多呢= ="

死人BOE話佢暗示叫我唔好做.....妳個死仔.....見倒妳唔打獲妳丫嘛=3="

之後我地就落去食蛋糕....每個月搞一次既生日派對吧= =?

落去係幫JOE充下人數啫....哇卡卡.....好多人都冇拎野食就走左....我都係其中之一.....

返到上去....又傾MSN....又上網....真係忙=v="

然後等到六點半咁上下先同心尾一齊走.....

我地同埋peggy去金雞.....去到mk之後....

peggy落左去地鐵站等佢個fd....我地就上左去戰棋會.....

今次都忍手喇.....本來心郁郁想買副RA....但係....唉....忍下手喇~

同埋心尾個FD(好似叫阿sam)一齊去金雞玩.....我地首先玩左次大瀑布....

比想像中好玩少少....但係咪真係咁吸引.....就......各有各唔同睇法喇.....

同埋又玩左鋪怪獸....今次就真係玩岩喇~~

玩玩下....peggy個表妹(又叫candy)殺到上黎....睇左陣我地玩....就拎書睇...

最後係peggy個FD贏左....妖妖...執死雞的><"

跟住又玩左次種豆....大家愈玩愈激....嗌價嗌到咁.....

如果我地係公司玩....可能真係會玩到嗌交都有之= ="

威迫利誘....以本傷人又有....笑死~~

玩埋鋪種豆就走喇.....返到屋企....嗱嗱聲開電腦睇下.....有冇online先....係冇既=3=

打埋個日記....就要訓喇....