先講返尋日既一d事喇.....因為某d原因都冇打得太詳細.....係咩原因.....呢度賣個關子先.....
同埋今日呢篇日記都幾多字的說.....我用心打出黎為左比大家知道同分享一下旅行既事......
不喜可以唔睇.....當然睇完有人留言我仲開心.....如果有的話
====================================================================
咁講一講個搞gag導遊喇.....佢叫我地叫佢做高佬......佢真係幾高.....高過我3cm....=口="
佢係水上人來的.....即係我地稱為蜑家人.......話說蜑家人就好毒既.......
乜都可以詛人地......少少野都係......不過而家時化唔同喇.....而且唔可以一竹干打一船人嘛......
呢個導遊幾好......我真係覺得既......因為都好識得搞氣氛......
而個領隊.....全部時間都冇咩出過聲.....除左安排d野之外.......所以.....嗯......
咁個司機......一個字講晒......"狠"......開車....狂扒頭.......狂響安.....(汗)
仲要大陸d路幾咁"平滑"......幾咁"靚"架喇.....再加上落大雨.....
仲有丫.....有一樣最恐怖既就係.....大陸多數都冇開燈既......鋪頭又係......車上面又係......
最驚就係......其中有一條隊道.......都幾長下既.....應該同獅隧差唔多.....或者再長d........
入面超低能.....d燈大約要五六個車位先有一盞.....仲要唔光.......我第一次感受倒咩叫伸手不見五指......(訓覺個陣除外)
最後有一個團友.....佢係一個後生既女仔來的.....令成團人奇怪既有我.....同埋佢&佢bf......
點解咁講呢.....共通點就係我地三個好後生.....而我地參加既....係老人團= ="
其次一點....我既就係穿左好多環.....打扮方面唔同佢地咁喇.....
而佢地呢對.....女仔就唔駛講.....因為都係佢bf既關係.....佢bf係一個老外.....似係法國人......
一個老外拖住一個唐女.....d人自然會奇怪.....加上係大陸團......
咁呢d都係其次.....我想講既係......個女仔非常似我第一個可以講得上係愛既女仔......芷晴.....(p.s.而家唔愛了...心如止水中)
我第一眼見倒呢個女仔.....呢個女仔又係望住我......眼神接觸左......
仲以為佢係芷晴來的.......不過我同佢對望左大約兩三秒.......
就知道佢唔係喇.....唔好問我點解......我都唔知.....感覺吧....???
而且身材.....身高都同.....芷晴矮d......有d肉......好好搣的說.......=v=
而呢個女仔......都算高.....冇乜肉......除左包包面之外......而且兩者既瞼型都差左d......
好喇.....除左呢d要補充返既.....行程方面都冇野要補充......
相對的.....酒店有一樣野尋晚係冇打落日記的......就係以上我所講打日記比較冇咁仔細既原因......
嗯......就係咁既......我同老母間房就係尾房來的......唔係咁好喇.....
都有d迷信.......咁但係隔離都有一個分岔路.......再入去係走火通道定係房......唔清楚......
不過迷信呢樣野係咁.....要左右都比野夾住先好既....唔係就點都唔好既......
咁都算喇.....電腦既位......隔離前少少......有一塊半身鏡一盞立地燈......後面就係一個窗......(拉左窗嬚)
對正大門 + 冷氣口........鏡既另一邊就係一張梳化同茶几 + 另一個立地燈喇.......
咁呢樣野我都有同阿瑜講左少少......不過都夜喇.....無謂咁會嚇親個女仔嘛......
以下就係酒店發生既怪事......敬請家長陪同子女觀看......
話說我地間房係茶色為主......發現入面有一部電腦喇......開機後同幾位傾左一陣......
然後落去樓下買野.....影下相......過左一陣就上返房喇.....
返到房就等老母沖完涼......我就去沖喇......我沖完.....開電腦喇.....
阿媽就訓.....當然佢都訓唔慣陌生床......所以都未有咁快訓著.....佢訓前我都有一路同佢傾一路msn....一路打尋日既日記.....
我唔想佢太光訓唔倒......熄左好幾盞燈.......熄剩我床既床頭燈.....走廊燈......廁所燈.....檯燈同埋鏡後既立地燈......
可以較暗既都較暗左......咁本身d燈光都好暗下.....加上係黃色燈膽.....我再較一較....仲暗喇......
跟住開始喇......眼尾望住塊半身鏡反映倒電腦前有個人影.....白色的.......
間房明明係茶色為主色.....次色係木紋同咖啡色......天花之外都冇白色......仲要人形就唔駛講添......
我望向鏡就冇左......望向反映出黎既電腦前都冇一樣咁既野.....類似都冇......
以為攰喇.....眼光......又再傾下msn打下日記.......
眼角又望倒......又出現同一樣野......不過個位移過左......去左我既正前方.......
個陣唔係太感覺倒......因為冷氣都幾凍......加上吹到正......
明明感覺倒寒都以為係比冷氣吹倒.....凍唧.....兩者分別唔大.......
咁我移一移個mon......唔駛眼尾望倒咁驚丫.........
跟住望唔倒去鏡......望倒大門.....同冷氣槽個出風口....
先係我見倒一個黑影由床個邊移左去大門......跟住有好多幾似蝙蝠形既黑影係出風口飛飛下......
愈打愈驚......求其打左少少行程方面既野就算.....詳細d都冇......
而點解我唔改係尋日個篇度....要係今日呢度補充......???
因為.....我懶........而今日既行程.....聽日先再打.......因為好攰了....唔係發生左d野令我不安喔= =
======================================================================
行程.....
七點幾就集合係酒店食早餐.....食完....
第一個行程就係乜野園藝坊定農藝坊既學校....教人種植.....我諗起.....佢地d學生讀既......
唔通就係傳說中既學系.....調理農務系......XD
又係SELL野多喇......但係最後都有得著......送左一人一包種籽.....=w=
包種籽入面有粟米.....辣椒.....南瓜.....薰衣草......仲有咩就唔記得喇.....=___ ="
跟住就去一個四季果園客家村......食左d木瓜......同埋飲左d悉石榴果茶.....
之後都冇咩野好搞......好悶......都唔知有咩好睇.....
睇完就去食飯.....呢餐飯好好味......好滿意.....真係好食.....
個間店入面有一種菠蘿包......係特色野食黎.....得佢地有......
高佬話個老闆擺明抄周星星d橋......菠蘿包入面真係有菠蘿.....西多士入面真係有屎.....=w="
跟住去雲錦布衣族......勁好笑......同我地介紹個個女仔叫"七妹"
佢地族未結婚既女仔就叫"阿依瑪".....結左婚既女士就叫"阿盧"
未結婚既男仔就叫"岡哥".....結左婚既男士就叫"石哥"
同埋d女仔頭飾係有條野既.....條野係佢地分結左婚未....
阿盧就係條野打左個結......阿依瑪條野就係冇打結.....
重點係.....男仔如果掂d阿依瑪條野.....比即係對個位阿依瑪有意思.....
如果個位阿依瑪都有意思就會捉個男仔去佢屋企做三年苦工......捱倒就結婚.....
呢度全程都爆笑......佢地講野太好笑喇......-w-
同埋個d係小數民族......d衫好特別......d屋都好得意......
不過我想影相......唔記得拎相機.....放左係車度......= ="
之後過去咩手信店.......不知所謂....以為有d咩野好賣.....得意d既野一樣都冇......
而且間野都唔知係咩黎......樓上鋪.....d野又怪怪的.....又貴.....Orz
唔知真定假......所以乜都冇買......落左車下買菠蘿仔食......好細個菠蘿......好似拳頭咁大個.....
d菠蘿好清甜.....唔錯唔錯.......又多汁......=P
轉頭就去古玩城.....嘩.....好靚.....但係好空......乜都冇......
成個城咁大......得幾間店......同埋有幾個係個d鋪做野既人......
然後過去按摩......不過我地冇按......又話貴.......
妖....都唔知去旅行做咩......咩都嫌貴唔試......
買野就話香港有或者驚假就唔買唧......去按摩就按喇.....間野又唔係邪骨.....=3=
四個野唔按就四圍行......又冇鋪頭喎......有個幾間又係冇野睇.......
跟住高佬叫按摩個度d人開一間房比我地休息下.....等夠鐘上車......
我一路聽歌.....養神......到夠鐘就上車囉......踏上回家路......
返到中山碼頭......過左一陣拎左船飛......咁就搭船走了......
係船既途中我一路訓左......太攰喇.....d野又重.....塞晒d野比我孭.....
個膊頭好酸......一返到香港落左船.....就sd sms......
跟住心尾又打比我.....叫我聽晚出黎玩game......同埋佢又打甩左場官司.....咁就好喇^^
=================================================================
最後感想.....多數都好悶......而且大陸d鋪頭都唔開燈.....又冇咩野行......加上度度都係sell野多.....
當然可能係我對大陸冇咩好感所以先會咁喇.....不過都係陪下屋企人唧....大丈夫~!! |
