今日同個朋友仔去左睇《花樣男子．Final》呀，

我地兩個咁啱原來都有睇開呢套劇既，

所以就好快手咁約埋一齊放工去睇！

杉菜同道明寺幾經辛苦終於都可以係埋一齊，

最難得既係道明寺媽媽都無反對喎，

而且仲將全家之寶　－　鑽石皇冠『愛神之薇笑』送左俾杉菜添！

本應係一個大團圓既結局先係架嘛，

點知就全家之寶就俾人偷左！

如果無左全家之寶既話，

杉菜同道明寺就唔可以結婚架啦，

所以佢地就計劃「靜靜雞」兩個人起程去搵個賊出來，

誓要搵返『愛神之薇笑』出來！

佢地沿道經過拉斯維加斯、香港、南方既小島，再而返回日本，

一路上兩人遇上不少既問題，

對兩既感情亦起左一定既化學作用！

一路上所衍生的問題越來越多，

杉菜要面對的打擊亦都越來越多，

當兩人被困南方小島既時間，

杉菜更開始質疑自己對道明寺既愛是否堅決、肯定！

幸好，

道明寺對杉菜既愛從來都唔會因為「外來事物」既受影響，

從來都係咁堅定既！

就係呢一份咁堅定既心意，

再次將杉菜既愛再一次喚醒！

兩人係小島相處左個多月之後，

感情亦都越來越穩定同深厚！

就係呢個時候，

就有人將佢地係個小島度「拯救」出來，

帶左佢地返去日本！

返到去之後佢地先至知道原來呢個係一個局，

佢地都被人玩左！！

哈哈∼

咁都係情有可原既，

杉菜既屋企人都係怕佢地太早結婚唔識諗，

最後會攪到離婚收場，

所以先同道明寺媽媽夾計整獲勁既佢地嘆下！

哈哈

道明寺雖然知道左鑽冠係假既，

而且自己又被人玩，

但係都無因此而亂發少爺脾氣，

反而懂得去感謝杉菜既父母，

多謝佢地養育杉菜之恩添！

（佢既少爺脾氣似乎真係改善左喎！）

而呢件事亦都令佢地明白到，

『愛神之薇笑』根本唔係在於物件既本質，

而係一種由兩個人而產生既微妙感覺，

應該係用「心」去感受同領悟既！

幾經辛苦杉菜同道明寺終於都可以一圓結婚夢啦！

So Sweet！！

希望你地都可以搵到一個屬於你同你另一伴既『愛神之薇笑』啦！

Smile！