究竟呢個世界係咪咩都有個價既呢？！

如果係既，

我想問．．．

『愛情』係咩價？！

『友情』又係咩價？！

『親情』又會係咩價？！

在我自己而言，

我覺得呢幾種既『情』都係無價既，

佢地之所以係無價，

係因為呢幾種『情』唔係建基於物質或真金錢之上，

而家建基於信任，尊重同重視等種種因素之上∼！

正正因為佢地建基於呢ｄ特別既因素之上，

所以先會令呢幾種情變得特別同無價∼！！

究竟『朋友』既定義係咩呢？！

我諗每個人既想法都會有所不同，

而且定義亦都會有唔同∼！！

甚至乎有ｄ人會將朋友『分門別類』！

咁又難怪既，

正如呢個世界都有好多唔同既人啦，

唔一定得壞人同好人兩種！！

好坦白，

我自問由細到大都唔多女仔朋友，

原因有好多，簡直多到數唔晒∼

反而男性既朋友就多的是，

真係攪笑∼

由小學開始，

自己就唔鍾意同ｄ女朋傾計，

反而覺得佢地太煩，太多野講 (講人是非個d)，

一係就攪小圈子∼∼

真係睇見都唔鍾意！

同ｄ男仔玩，自己就反而開心ｄ，

因為佢地講野好直，

話一就一，話二就二，

唔駛煩咁多！！

又唔駛怕講錯野佢地會惱喎∼∼

再者可能係因為自己屋企既親朋戚友都係男仔，

所以由細到大我都係同男仔玩多，

甚至連玩既玩具都係個ｄ四驅車呀，模型呀咁∼

反而我對ｄ公仔呀，甚麼公主之類又唔好喎∼

就連「芭芘」都無！

第一次接觸「芭芘」呢樣野都已經好大個人囉，

只係想「象徵式」買個來過下手癮，

叫做都有玩過嘛∼∼∼

我唔係真係買「芭芘」，

只係買左個約11cm高類似「芭芘」既公仔，

我個陣都已經讀緊中學架啦∼

哈哈∼

不過個公仔又真係幾得意，

ｄ手腳既關節可以自由活動∼

↑↑↑

（不過而家諗返起都唔係好明自己點解要買個個公仔！！）

（有點白痴∼∼哈哈∼∼！！！）

可能係因為由細到大都係同男仔玩既關係，

所以同女仔相處好似有ｄ問題，

可能唔夠清楚女仔諗咩啦，

不過而家都叫好返ｄ，

似返個女仔，識多左幾個女仔既朋友仔∼！！

尋日同佢鬧交個個fd其實都已經識左成７年咁滯啦，

我地竟然為左ｄ少事嘈左幾句∼∼

講真其實件事都唔係咩咁大件事，

只係有ｄ野想我幫手，

要去佢公司一轉∼

出去唔係問題，

問題係我都想知道究竟出去係for咩既呢？！

佢又唔肯講，

咁我咪keep住問囉∼

但佢就好激動咁（好似？！），又話

『我地識左幾耐呀？』

『你唔係以為我會cheat你呀？』

『你唔係唔信我呀？』

我唔係唔信佢，

我信，

但係我都想知道究竟發生咩事架嘛∼！

我地識左大大話話都成７年啦，

有咩事唔可以講呢？！

TO：All of my BEST fds

我只係想講，

無論係點都好，

朋友對我來講係一世既，

亦無話邊個啱，邊個唔啱，

我只係知道我唔想你有事，明白無？！

你有事我都唔會開心，

我亦唔想再見到你唔開心囉！

如果要我睇住自己個朋友仔死既話，

我真係做唔出！∼

『朋友，我當你一世朋友！』

（EASON都係咁講架∼呀唔係，係咁唱先真！！）